اعقل مجنون

البارت السابع

لعل الجنون مجرد حزن كف عن التطور

____________

ايفين :حجالي فهد شلون بدأت قصتهم وشلون هو نهاها تدرين مرات أحس بيه متندم لأن فرقهم بس مشكلته ما يعترف بأخطاءه.

نرمان : فهد أبد ومستحيل يسوي شي ويندم عليه ولا يأنبه ضميره..

ايفين : غلطانة فهد عنده قلب طيب بشكل..

نرمان : وشسوي بگلبه وهو مأذي العشيرة كلها..

ايفين : غير مريض قابل بايديه.

نرمان : سكتي عفية ايفين روحي طالعة منه..

ايفين : حقج هسه انتِ ضايجة نامي وأرتاحي باجر نحجي على راحتنا..

نرمان : ما أكدر أنام هسه أصعد أصحصحه لرجلج يسويلي صورة حل مو بس بيه يروح للملاهي ويه هجان..

ايفين : نرمان فكري بعقل يله تتصرفين.

نرمان : برأيج كل هذا الصار وما ماخذته بعقل ؟

ايفين : بكلشي حقج واني وياج بس مو وقتها صبري باجر يكعدون ونحجي وياهم كلش غلط توقيتج هسه..

نرمان : واني شلون أصبر فهميني؟

ايفين : نسولف بينما يكعدون واذا تحبين تنامين نامي.

كعدت وتربعت كدامي فرگت وجهها وكالت..

نرمان : افونه اني كاعد أموت صدكيني ، مشكلتي حبيته وعشقته وما أتخيل بيوم أعيش بدونه ..

ايفين : الله لا يگولها ليش تفكرين بالفراك ترة مبين ضايج ومتأذي وصدكيني الصار وياج صار ويايه عشت كل يوم وكل ليلة أسمع قصة حبه بالتفاصيل وشلون انتهت لو انتِ بدالي شنو تسوين فهميني ؟

نرمان : شلون تحملتي شلون منين جبتي صبر وصبرتي ومن وين عندج قوة تحمل..

ايفين : تخيلي جان يوصفلي بشرتها شكد ترفة ورقيقة ، يوصفلي حنيتها علية وحبه الها وحجم اشتياقه ..

ضحكت دنكت راسي بعدين رفعته خليت عيني بعينها دمعت عيوني من تذكرت لهفته وهو يحجيلي ...

ايفين : تدرين شنو جان يكول اذا شافها شنو يسوي ؟

نرمان : شنو ؟

ايفين : يكول أحضنها حضن أكسر كل ضلع بيها لدرجة أخليها تفقد الحياة بأحضاني ..

نرمان : يموت عليها هو.

ايفين : أدري.

نرمان : وصعب يحب ملاك ضعف حب فهد لرواية ، لدرجة..

اختنگت بعبرتها وكالت بصوت مخنوك

نرمان : يحبها لدرجة جان يتنافس وية نفسه على أسعادها..

ايفين : ليش قبلتي بيه ليش شنو الجبرج راح أتخبل وانتِ شهدتي حبهم وعشتي علاقتهم بتفاصيلها ، يعني عندج اهل سند وراتب وكلشي والف رجال يتمناج ليش ذبيتي نفسج بنفق مظلم معروفه نهايته ..