اعقل مجنون

البارت الرابع

بعض الحب ضرب جنون..

تلك النبضة لن انسى شعورها ابداً
حينما التقيت بك...

_______

نغم : تمام احجيلك بس قبلها اريد اسألك سؤال واتمنى الكى عندك الأجابة..

بأهتمام كال..

ادهم : اي تفضلي..

نغم : تريك واحجيلك..

ادهم : هاي كاعدين ناكل احجي بنت العم..

نغم : كلبي مخنوك ادهم ما اعرف المن احجي وليا بشر الجئ..

ادهم : خوفتيني صاير وياج شي ؟

نغم : انت تعرف علاقتي ب أركان ماكو داعي احجيلك..

ادهم : اعرف كملي..

نغم : وتعرف ماصار عندي اطفال صارلي ٣ سنوات اراجع..

ادهم : وهاي هم اعرفها..

نغم : هسه جايني بفكرة جديدة ومقترح غريب ..

ادهم : وهو ؟

نغم : يريد يتزوج بدون علم عمي هاشم.

ادهم : هو يتزوج اركان ؟؟

حجاها ورفع حاجبه مستغرب..

نغم : اي..

ادهم : يمعودة كولي غيرها هو اول زواج ما فالح بيه هالمرة يفتح بيت ثاني..

نغم : حجيت وياه يكولي اصير زين وياج واتغير وانتِ ابيت وهي ابيت شعليج بيها..

ادهم : ارفضي لاتقبلين ابد يدمرج تره.

جريت حسرة ..

نغم : شنو شخصيته غريب عجيب وشايف روحه كلش ودائماً ينتقدني ويصغرني كدام اهله واقاربنا وكأنما زايدة جنت وهو سوه فضل من اخذني..

ادهم : ليش ننكر الصار انتِ اهدوج اله هدية وابلاش وابوج ظل ساكت وجدج تحكم بمصيرج لهذا مستصغرج حشاج يعني بس هذا تفكيره..

نغم : اعرف بس تعبت شخصيته غريبة وكل يوم طالعلي بشغلة شكل وساكتة ومتحملة هسه يريد يتزوج زين اني شنو ماعندي مشاعر ماعندي احاسيس واذا الله سبحانه حلل هذا الشي بس والله صعب علية اتحمله يا ادهم..

ادهم : شوفي الخيانات متعددة اكو خيانات تجي بالغدر والطعن بالظهر واكو خيانات مقدسة تجي تحت مسمى الدين ..

نغم : يعني؟

ادهم : طبيعة زوجج نرجسي مؤذي يخون بالباطن ويريد يخونج بالظاهر هم حتى بس يحسسج بالألم ويشوفه بعينج ويحس بنفسه فد شي .

نغم : ليش هيج يسوي خو يتزوج بدون علمي ليش يحرك كلبي شنو الغاية ..

ادهم : اول شي انتِ تحبيه؟

نغم : طبعاً

ادهم : وهو يدري بهذا الشي؟

نغم : اكيد..