اسكريبت في الخمسينه"
بقلم : نور حمدي 🦋
جوايا مقسوم لاتنين..
واحد فرحان والتاني حزين.
الفرحان عايش ف خيال .
مخدوع ف الدنيا وف ناسه.
والحزين تعب من الواقع.
شايف الدنيا مش علي مقاسه.
وجوايا واحد مهزووم .
وواحد رافض انه يستسلم..
واحد وقع ومش قادر يقوم. والتاني مصمم يحقق الحلم .
..
Rooz🖇️
_____
بعد مخلصت كتابه حطيت القلم وبصيت ف سقف اوضتي وخرجت تنهيده طويله ، يمكن تخفف اي حاجه عن قلبي اللي المكتوم بخيبات امل ، احلام مبتحققش وحاجات كتير مبتحصلش ، وكل حاجه بقت ضدي ،،
قطع تفكيري صوت اشعار ف تلفوني "رساله" واستغربت ، بقالي كتير محدش افتكرني ، بقالي كتير مبكلمش حد ،، فتحت لقيت رساله من رقم غريب ..
_مالك !؟
انا في نفسي " اي دا في اي !؟
فضولي خدني وكتبت : مين !؟
_مش مهم انا مين ، المهم انتي بخير!؟
هنا بق بدأ الصراع بين قلبي وعقلي ،،
عقلي : اعملي بلوك دا هيهزر ..
قلبي : استني نشوف في اي ..
وبدأت الخناقه بين قلبي وعقلي ونسيت نفسي وقعدت اهدي بينهم ، اه والله ..
لقيت صوت اشعار "رساله جديده "
_عارف انك مش هتردي وعارف انك تعبانه وقلبك مكتوم ، عارف انك وحيده ، وعارف ان قلبك مهزوم ، بس انتي قويه وتقدري تعيش جراح 100 ،،
انتي جميله وقلبك دا مفيش منه ..
وقلبي منعني اني ادخلك بس دخلت غصباً عنه ..
انا جاي اقولك انها هتعدي وتطلعي منها مجبورة الخاطر ،،
فأنا بق عاوزك تهدي ، دا لو كان ليا عندك خاطر ..
مفيش حاجه مستاهله زعلك ، دموعك غاليه وبتقتل..
واوعي تستغني في يوم عن حلمك ،
واوعي تفكيرك فيه يتشل ..
واخيرا بق وهقولك بأمانه عشان منطولش في الكلام ،، قلبك دا معاكي امانه لحد ميرجعلي ،، سلام ..
...
Rooz"
بقلم : نور حمدي 🦋
