فضلت واقف تحت مستنيها ربع ساعة ، معقولة مش هتنزل ! ، تمم يا سما لفيت وشي عشان امشي لقيتها نازله ..
_ والله يا نبيل انا اسفه ،والله الوقت سرقني انا اساسا بحسبك مشيت .
= من كلامك حاسس انك خايفه علي زعلي ! ولا بيتهيألي .
_ بقولك اي ، بيتهيألك طبعا وياريت بقي نمشي بدل محنا واقفين في الشارع ..
قولت في نفسي " شكلها هتفرج ولا اي ".
____
دخلت اوضتي حاسه بتأنيب ضمير وحاسه اني لازم اعتذر لنبيل انه سبت البيت ومشيت من غير مااستأذنه ..
_ انتي هبله يبت انتي تستأذني مين ! تستأذني دا ، بقولك اي ادخلي نامي ادخلي نامي..
يووووه .
حاولت انام معرفتش ، لا لا كد قلة ذوق ، انا هعتذر وأمري لله ..
خرجت من الاوضة بدور عليه ف البيت ملقتوش ، ولقيت باب اوضته مفتوح ، قربت وفجأة لقيته بيصلي ، ساجد لربنا في خشوع ، شايفه دموعه بتنزل علي السجادة ، معقوله دا نبيل !.
وقفت متنحه وانا مش مصدقه اللي شايفاه ..
_ واقفه هنا بقالك كتير ؟! .
= اي دا انت خلصت صلاة امتي ؟! وبعدين اصلا العشا مأدنه بقالها 4 ساعات بتصلي اي انت ..
_ دا القيام ، المهم انتي عاوزه حاجه ؟!
= ها ! القيام .. اي لا لا مش عاوزه حاجه ، اقصد ثواني بس اه عاوزه ، لا يعني جاي يوووووووه بص ..
" ضحك
= بصيت .
_ انا كنت جاية اعتذرلك اني خرجت النهاردة من غير اذنك ، انا عارفه ان دا غلط فأنا مش قصدي والله حاجه ، بس اهلي وحشوني فعشان كد خرجت وروحتلهم .
" كنت بتكلم وانا متوتره وكلامي بيقطع خصوصا انه كان بيقرب مني خطوه كل لما اقول كلمه ، لحد ما بق واقف قصادي بالظبط ، كانت عنيه حلوه اووي، يووه اسكتي بقاا..
= تمم ولا يهمك ، انا بس قلقت عليكي ، فمتعمليهاش تاني ..
_ ها ! اه اه لا مش هعملها تاني ، تصبح علي خير ولفيت وشي بسرعه عشان امشي ..
= سما ..
_ عيونها ،، اقصد عيوني واجعاني بس مش موضوعنا نعم نعم ..
" ضحك ..
= ممكن طلب .
_ اه قول .
= ممكن تصحيني قبل الفجر بمده بسيطه ..
" استغربت ،اسلم دا ولا اي؟! وقولتله تمم ودخلت نمت !
____
النهارده يوم جميل بجد ، اول مره احس انها مش قلقانه مني وبتتكلم معايا عادي ، انا حاسس ان انا لو كنت حضنتها كانت هتستجيب ، بس لا متعشمش عشان القلم ميعلمش ..
____
فضلت صاحيه طول الليل منمتش ، مشاعري متلخبطه بجد وشعور غريب كد مش فاهماه ..
الفجر بدأ وقومت عشان اصحيه ..
دخلت اوضته ببطء كان نايم ، كان شكله حلو اوووي ، يووه يا سما اسكتي بقااا.
_ انت يااا ياا انت .. قوم
= في اي !؟
_ قوم يقمر الفجر ادن.
= اي!؟
_ بقول القمر مشي والفجر ادن مسمعتنيش يعني ، قوم بقي .
وخرجت من الاوضه..
" هو انا مش هحترم نفسي بقا ها ، دا انا عاوزه اضربني بالجزمه ، بس يعني وفيها اي دا جوزي هيهيهي ،، ياربي هموت مني اسكتي بقاااا " .
اتوضي وخرج عرفت انه نازل يصلي ،كنت مبسوطه جدااا.
صليت ونمت فتحت باب الاوضة : لقيت صينية الأكل قدام الباب زي كل مره ، المرادي فرحت بجد ..
بس لاحظت ورقة فتحتها ..
" مش عارف الموضوع مهم بالنسبالك ولا لا ! بس انا لقيت شغل والنهارده اول يوم ليا فيه، كان نفسي اقولك امبارح بس خفت لدا ميفرقلكيش وتسيبيني وتدخلي اوضتك عادي كأنك مسمعتيش حاجه ، فقولت اقولك كده احسن ، وممكن اللي هقوله دا بردوا ميفرحكيش ، بس انا بحبك ، خلي بالك من نفسك وبعد كد لو احتجتي اي حاجه في البيت اكتبيهالي في ورقه ..
____
_ يبنتي والله زي مبقولك كد اتغير 180 درجة انا فرحانه اووي ومبسوطه ..
= انتي اتجننتي ، انتي نسيتي هو عمل فيكي اي ! دا خد ش*فك ، انتي مجنونه ازاي تحبيه اللي زي دول لا بيحبوا ولا بيتحبوا ، دا بيعمل كد عشان ياخد بس اللي هو عاوزه ، نسيتي انه في الاخر هيطلقكك فوقي بق لنفسك..
( بنت حربوقه )
" قعدت طول اليوم افكر في كلام صحبتي واعيط وافتكره يوم ما عمل عملته معايا وانا بترجاه ،، بس مرحمنيش وخلاص خدت القرار ..
___
بقلم الكاتبه : نور حمدي♡
