خدت معايا ورد وانا راجع من الشغل حبيت افرحها بيه ، عارف انها بتحبه ، حاسس ان في امل وانها بدأت تحبني ..
دخلت شقتي لقيتها ضلمه ، سمعت باب اوضتها بيتفتح وخارجه منه متعصبه .
_ ممكن افهم اي الرساله اللي انت كاتبهالي دي ، افهم منها اي يعني .
= طب براحه، في اي !؟
_ في ان انا ميخصنيش تلاقي زفت شغل ولا لا وبردو ميخصنيش بتحبني ولا لا ، انا اللي يخصني اننا نطلق وبس وفي اسرع وقت ممكن ، انا عمري مهسامحك ، واي طلبات البيت ولو احتجتي حاجه ، انت صدقت نفسك انك بق هتصرف عليا وكد وان انا هعيش معاك، لا يبقي انت بتحلم ..
= انا اسف.
_ هتطلقني امتي !!؟
= في الوقت اللي تحدديه.
_ الاسبوع دا هيخلص وهنكون تمينا شهر مع بعض ، نتطلق فيه..
= ماشي .
" طول الكلام مخبي ايديه ورا ضهره معرفش ماسك ايه ، خلصت كلامي لقيته خرج ايديه كان ماسك فيها ورده وحطها جمبي علي الترابيزه ولف وشه وخرج من البيت ، وانا دخلت اوضتي بخنقه وقعدت اعيط.
____
لقيت نفسي رايح اشتري سجاير.. بس ثواني هو انا بصلي عشانها ولا عشاني ، طب بشرب لي سجاير، ، لا انا لقيت نفسي هنا مع ربنا ، لقيت شغل محترم، ومقدرتش اكسب قلبها علي الاقل تسامحني ، وهلاقي اللي تحبني ولا لا مش عاوز الاقيها ، اصلي عمري ما هحبها ، فلي اظلمها ! ، انا لوحدي احسن..
_____
_ سما ممكن تفتحي نتكلم ...
سما مش هاخد كتير من وقتك ، افتحي بق .
" كان بيترجاني وكان صوته في نبرة حزن ، مكنتش عاوزه افتح، مش خوف منه ، انا كنت خايفه لأضعف، استجمعت قوتي وقومت وفتحت "
= نعم يا نبيل ، ياريت تقول عاوز اي عشان نخلص .
_ تمم ، انا عارف اني غلطت في حقك ، وعارف ان صعب جدا تسامحيني ، انا حاولت اعمل اللي اقدر عليه عشان أصلح غلطتي ، حاولت اسعدك ، وبرضو حاولت اخليكي تحبيني ، بس كل دا فشل ..
انا عارف انك مش حابه تعيشي معايا فعشان كد انا قررت اريحك ومش اجبرك انك تكملي معايا اسبوع كمان غصب عنك ..
انا نازل الشغل ، لو رجعت ولقيتك يبقي انتي كد قررتي تنسي اللي فات وتبدأي معايا صفحه جديده ، نبيل جديد ، حياة تانيه هقدر فيها علي قد مقدر اسعدك ، لو ملقتكيش .. تاني يوم هبعتلك ورقة طلاقك .
" قال كلامه وانا سمعاه وكل دا سكته ومش بنطق وحابسه دموعي بالعافيه ، مشي وسابني اقرر لوحدي ، وحقيقي مش عارفه اعمل !؟
____
" غبي دي مهتصدق ، انا لي عملت كد ، مش ممكن كانت في الاسبوع دا تسامحني ، لي قفلتها هي مخنوقه مني دلوقتي مهي اكيد هتمشي ، خلاص كده ضاعت مني ..
خلصت شغل وفضلت بره البيت خايف اروح وملقهاش ، مش عارف اعمل اي عاوز اعيش عمري كله في الشارع ولا اني ارجع البيت وملقهاش ،، خلاص استسلمت للأمر الواقع وقولت خسارة قريبه ولا مكسب بعيد انا هروح واللي يحصل يحصل.
___
رجعت البيت بعد العشا فتحت الباب لقيت البيت ضلمه كأن مفيش حد ، دمعه من عيني جرت غصب عني بس وقفت اللي بعدها ، رميت المفاتيح علي الترابيزه وقعدت علي الكنبه وسندت راسي لورا وفضلت باصص في السقف ومقهور ،، مشيتي لي ؟ .
فجأة النور بتاع البيت كله نور مره واحده ، اتخضيت ومش مستوعب، لقيت باب اوضتها اتفتح وخرجت ، كانت حوريه ،، كانت لابسه فستان ابيض بسيط جدا ورقيق ،، بكم وطويل ومفتوح من عند الركبه وسايبه شعرها الحرير نازل علي كتافها وحطه ميكب خفيف مبين ملامحها ومزودها فوق الجمال جمال ،وماسكه في ايديها الورده اللي جبتهالها الصبح ، فضلت واقف متنح منا اكيد بحلم قربت مني ووقفت قدامي كان وشها احمر من الخجل ،، بصت في الأرض والابتسامه علي وشها..
_ قررت انسي اللي فات وأبدأ معاك صفحه جديده، وعارفه ان انا مش هندم علي قراري دا ، عشان انا بحبك .
= دا حقيقي ولا بجد ..
ضحكت ..
_ حقيقي وبجد تحب اكدلك.
= هااا !
انا كل دا واقف مصدوم ومتنح ومش عارف اتصرف عقلي اتشل وجسمي كله ،، لقيتها بتقرب مني وحضنتي ،، رعشه جرت في جسمي كله ، حسيت اني طاااااير لفيت ايدي حواليها وضميتها لحضني جااامد لدرجه اني كنت هدخلها بين ضلوعي ..
_ بحبك.
= ياريتني كنت طلبتك من ربنا من زماان ..
النهايه ..
بقلم الكاتبه : نور حمدي ♡
متنسوش التصويت
