أحبته منذ الصغر وعندما أصبحت زوجته، واجهها بأكبر صدمة في حياتها، فهو لا يراها مناسبة له، لا يراها غير طفلة صغيرة، وبكل قسوة يخبرها إنه سيتجوز من تناسبه ويحبها.. وأن زواجهم فترة بسيطة، فماذا ستفعل تلك الرقيقه مع جبروت وقسوه من أحبته؟
فهل رقتها وحنان...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
⭐⭐⭐⭐⭐⭐⭐⭐⭐⭐⭐⭐ ما تنسوش تدوسوا على النجمه يا حبايبي⭐⭐⭐ ⭐⭐⭐⭐⭐⭐⭐⭐⭐⭐⭐
🔰✨_في فيلا حسن في الإسكندرية ✨🔰
كان فارس يجلس ويشعر أن رهف بداخلها شئ منذ مده وليس الآن .. فهو يعلمها جيدا.. فهي تخفي شئ ولكن ما هو.. فتمنى ألا يكون شئ يأذيها.. فهي لن تحتمل ألم وخوف آخر ... فتنهد ونظر لهم فوجد زين يجلس شادرا فجلس بجواره... وغمغم بمرح:
_مالك يا عريس شايل طاجن ستك انت كمان ليه
_فنظر له زين وتنهد : ما فيش حاجه يا فارس شويه مشاكل في الشغل
_يابني شغل إيه هو أنا تايه، تعالا نخرج برا شويه في الهوا، بدل القاعده دي.
_فنظرا له ثم تنهد.. وأوما له وذهبوا الي الحديقه وجلسوا
_مالك بقى وما تقلش شغل، اعتبرني صاحبك يا عم وفضفض، أصل بصراحه دا مش منظر عريس فرحه بعد كم يوم
_برغم إني مش بطيقك.. بس مش عارف حاسس إني مخنوق، وخطيبتي حاسس إنها مغصوبه أو مش مرتاحه.. مش عارف مش عايز اظلمها، وطريقتها مش ظريفه مع أمي . وكمان بتحاول تخليني أسكن منفصل بعيد عن أمي .. وفي مكان أعلى، وحالياً بقى بتحط مقارنه مع رضوي وحسن.. هما عايشين فين وإحنا فين.
_برغم كلمه إنك مش طايقني بس دا العادي تقريباً كلكم مش طايقني وغالباً السبب بيكون روفا، ثانيا.. بقى طالما مش مستريح ومش مبسوط وواضح إنك مش بتحبها ولا واضح عليك أي مشاعر ليها .. هتتجوزها ليه وخطبتها ليه من الاول أساساً
_أنا ماليش في الحب يا فارس.. وبعدين أمي إلا صممت إني اتجوز واختارتها على أساس انها مناسبه ليا.. بما إنها معاها دبلوم وما حدش غيرها ممكن يوافق بيا.
_برغم كلامك كله إلا مش عاجبني.. بس إيه موضوع مناسبه ليك ومحدش غيرها هيوافق بيك دا، وهو انت مالك يابني دانت مز أهو
_فضحك زين ضحكه باهته.. : مز... أنت وندا لاقين على بعض فعلاً .. القصد يا سيدي لأن معايا ثانويه عامه ومكملتش بعدها
_هي مسأله الشهاده في كتير بياخد بيها عشان الثقافه والتفكير والعقل.. بس أنا شايف ان انت اللهم بارك.. مثقف جداً وفاهم وعقلك كبير وأسلوبك راقي.. وراجل بجد.. وشخصيتك قويه.. ومحبوبه وفنان في شغلك.. دانتا يا بني أحسن من أي باشمهندس ميكانيكا في مصر
