القناع الخفي للعشق .. مافيا الحي الشعبي ... آية محمد رفعت

الفصل التاسع

#القناع_الخفي_للعشق

#مافيا_الحي_الشعبي

#الفصل_التاسع ...

أبعدها عن أحضانه بصدمة أزدادت حينما رأها أستعادت وعيها ،تلونت عيناه بالغضب من تردد أفكار مميتة برأسه فجذبها بقوة لتقف أمام لهيب عيناه قائلا بصوتٍ مشابه للموت :_يعنى أنتِ كنتِ بتستغفليني ؟!

لم تجيبه وأكتفت بالبكاء فى صمت فشدد من قبضة يديه على معصمها لتصرخ بآلم فتركها لتهوى على الفراش بينما شدد هو من الضغط على شعره الكثيف ليقترب منها بعينان تشعان شرار :_طريقة حلوة عشان تكسريني مش كدا ؟

زادت دمعاتها والصمت يجتاز وجهها فيجعل الغضب يتمكن منه ،جذبها بقوة قائلا بغضب لا مثيل له :_ساكتة ليه ؟ أتكلمي !

رفعت عيناها الممزوجة بالدمع له قائلة بصوتٍ منحاز للكسرة والحطام منقذ :_هيفيد بأيه أنى أتكلم وأنت على طول بتقدم أتهامات بدون ما تسمعني ! أنا خلاص مش عايزة منك حاجة تانية غير الطلاق دا الحل المثالي

صعق زين فتطلع لها بصدمة :_طلاق ! ...أنتِ فاكرة أنك هتتحديني يا همس ؟

صرخت بقوة وجنون :_أيوا بتحداك لأنك هتفضل زي مأنت عمرك ما هتتغير ..

وجذبت حجابها ثم أرتدته بأهمال وتوجهت للخروج فجذبها بقوة قائلا بصوت كالرعد :_كدا طب وريني هتخرجي من هنا أزاي ؟

وأغلق باب الغرفة جيداً ثم جلس على المقعد ببرود يتراقب ما تفعله ....

جففت دمعاتها وجلست على الأريكة المقابلة له بصمت طال قليلا فقطعته بشرود بالماضي ؛_كنت بحبه أوى ...متخيلتش حياتي من غيره ..جهزنا كل حاجة الشقة والعفش كل حاجة ..مكنش فاضل على جوازنا غير أسبوعين بس كان مصمم أنه يجبلي فستان الفرح من أفخم مكان فى أمريكا .قالي أنه هيسافر 48 ساعة بس ..

إستمع لها زين بحزن وقلب يتآلم لدمعاها الناقل لكم المعاناة التى قضتها ...أكملت بشهقات بكاء حارق :_ال48ساعة بقا أسبوع وأكتر ومفيش أي أخبار عنه حتى عيلته مكنوش عارفين يوصلوا له...لحد ما أتفاجئت أنه فضل فى المستشفى الفترة دي كلها بسبب حادث فى سيارة الأجرة الا كان فيها والخبر أتاكد بوفاته ...

تطلع لها زين بأسف لتكمل بدموع :_الخبر دا كان كافيل أنه يكسرني للأبد يا زين ...عروسة المفروض أن فرحها بعد أربع أيام تتفاجئ بموت حبيبها ! ..بس أنا عشت عشان أبويا ورسمت الفرحة لسنين وأنا من جوايا مكسورة ومقهورة أوى ....كل مكان كان بيفكرني بيه ..كل نفس خارج مني كأنه على وعد أنه يكون ذكري ليا ...كل دا وجهته لوحدى يا زين ومن نحية تانية بابا الا كان بيضغط عليا عشان أرتبط لأنه نفسه يشوفلي أولاد قبل ما يموت ...أمنية زي كل أب وأم ..حاولت أرضي رغبته فأرتبطت بأول واحد أتقدملي ..