Tainted Series#7 : The Billionaire's Temptation ( Gaden Lucas Montenegro)

Chapter 3

"Bwesit na X na yan. Bakit ba hanggang ngayon hindi pa rin yan nahahanap? Pati tuloy si Sir Montenegro pinapahanap sa atin."

Nakakarindi na ang kadaldalan ni Donna. I don't know if she's joking or what. Natapos na lang ang next subject namin hindi pa rin ito matahimik. Kanina pa ito nagrereklamo dahil hindi niya nasagot ang quiz namin kay gurang na nagpabida. Bida-bida talaga wala pa namang naituro. 

Ito namang si Donna, muntanga din ang simple lang naman nung question,  hindi pa nasagot. Finding X. Walang katapusang paghahanap kay X. Ilang beses na itong ni-review ni Miss Castro sa amin, hindi lang siguro nakikinig ang babaeng 'to. 

Bakit pa ba kasi hahanapin yang si X? Kung ayaw magpakita e di wag.

"Stop finding x, Donna kung ayaw magpahanap and don't ask me why! Lintek lang! Kung ayaw magpahanap, wag ng hanapin."

"Huh?" naguguluhan niyang tanong sa akin. 

"Hakdog!" pang-aasar ni LA.

"Wala!" Sabi ko saka umupo sa bench sa tambayan namin na malapit sa cafeteria. Umupo din si Donna at LA sa katapat kong upuan. Naglabas si Donna ng papel at nagsisimula na namang magsolve nung quiz kanina na hindi niya nasagot.

Actually madali lang naman yung mga tanong. Ang mahirap lang naman dun ang age problem na binigay ni Gors.

Dumukwang ako para tingnan kung anong sinusulat ni Donna. Ugh! Ang tagal maka move-on ah.

Problem: 

Aaden is twice as old as Clay. 

The sum of their ages is 5 times Clay's age less 48. 

How old are Aaden and Clay?

Kung tutuusin wala naman kaming pakialam kung ilang taong gulang na ang mga taong yan, ni hindi nga namin kilala ang mga yan. Sino ba si Aaden at sino si Clay? Sa dami-dami ng problema sa mundo pati ba naman yan po-problemahin pa namin? Pero in fairness ang ganda ng name nung dalawa.

Kandahirap na yung mga kaklase ko at nagkadahaba na ang mga leeg nila pero ang gurang na gorilla mukhang tuwang-tuwa pa nung nakita niyang nahihirapan kami. Napaka strikto pa, walang ligtas yung mga mahilig mangopya dahil konting galaw lang nilalapitan niya agad. May sensor ata yung likod ng ulo ni Gors parang yun sa squid game dahil ang bilis niyang makalingon.

He's very strict. As if naman mangongopya ako. Ilang beses pa itong pabalik balik sa tabi ko tinitingnan kung nakakasagot ba ako. Pagkatapos ngingisi-ngisi pa. Ang sarap sungalngalin ng bibig. Akala niya siguro hindi ko masasagot ang tanong niya.

Kung hindi ko lang talaga siya guro kanina ko pa siya sinabunutan. Banas na banas ako sa pagmumukha niya. He really enjoyed looking at us na nahihirapan. As if naman magaling siya sa math nung kabataan niya. Baka nga nangongopya lang siya e. Makita ko lang talaga si Kuya Zach tatanungin ko talaga kung matalino ba talaga ang Montenegrong 'to.

"Anong sagot dito sa age problem ni Sir? Ilang taon si Aaden at Clay?" tanong ni LA. Isa pa itong si LA, matalino sa ibang subjects pero boplaks sa math. Gaya ni Donna hindi pa rin ito nakaka-move-on sa quiz namin kanina. Pawisan na silang dalawa kakasagot pero mali pa rin.

Nakikinig lang ako sa kanilang dalawa. Kanina pa ako hindi nagsasalita dahil wala talaga ako sa mood. Good thing at hindi din nila ako sinasali sa usapan nila. Takot siguro na silang dalawa ang mabigwasan ko. 

"Ang hirap, Don, di ko talaga ma-gets yung tamang equation. Ano bang dapat dito?"

Patuloy lang ako sa pag-scroll ng phone ko pero dinig ko ang diskusyon nilang dalawa. I will let them find out the answer. Hindi naman sa lahat ng pagkakataon dapat ko silang turuan, they have to learn. Last week nung tinuro ito sa amin ni Ma'am Castro, inaral ko talaga tapos tinuruan ko na sila.