Tainted Series#7 : The Billionaire's Temptation ( Gaden Lucas Montenegro)

Chapter 2

Monday came, maaga akong nagpahatid sa school. Good thing nasa ibang campus na si Ariella kaya hindi na kami magkasabay ngayon sa iisang sasakyan. Dati kasi nung nasa isang campus pa kami, maaga palang bad trip na ako sa kanya. Ewan ko ba kahit na anong pilit ko sa sariling magpakabait sa kanya siya talaga yung nang-dedemonyo sa akin. 

Even if I'm just quiet inside the car, siya talaga yung gumagawa ng paraan para maasar ako sa kanya. At kapag wala naman akong reaksyon lalo itong naiinis sa akin. Kaya nga nung nagcollege na siya para akong nabunutan ng tinik. Pero mas matatahimik siguro ang buhay ko kung matutuloy si Ariella sa ibang bansa. 

Narinig kong nagsasaya ang mga kasambahay kagabi dahil aalis daw si Ariella pagkatapos nitong semester. May modelling offer ata ito sa ibang bansa. Whatever! Wala akong pakialam kung anong pagkakabalahan niya sa buhay basta wag niya din akong pakialaman sa buhay ko.

"Good morning, Addy. How's your sleep?"

Napairap ako sa kawalan ng bumati ang driver/yaya/ tutor/ bodyguard ko sa akin. Bakit ba bumalik na naman ang lalaking 'to? Akala ko nasa military na to, masaya na nga ako at ilang taon siyang nawala pero ngayon bumalik na naman? 

Ang akala ko pa binibisita niya lang ang 'bestfriend' niya nung nakaraan pero heto na naman siya. 

My life is peaceful nung wala siya at mas mabuti pang wala siya. I won't trust him again dahil ang sabi niya sa akin noon hindi niya ako iiwan. Sinabi niya aalagaan niya ako pero anong ginawa niya, bigla na lang siyang nawala ni wala man lang abiso. Tapos ngayon ano susulpot na lang siya ulit?

"How's your sleep baby? Are you still having nightmares?" 

"As if." umirap ako sa kanya. "Don't act like we're close. Hindi na ako ang batang Adrianna na alagain mo. I'm grown up now and stop calling me baby, hindi mo ako anak."

Baka nakalimutan mong ilang taon ka ding nawala at pagbalik mo si Ariellana pala ang bestfriend mo. Hindi man lang ako na-informed. Gusto ko sanang idagdag pero pinili kong wag na lang baka magtutunog ampalaya lang ako.

"May bagong recipe si Kuya Zach mo, pinapasabi niya na ililibre ka daw niya. Gusto mo punta tayo mamaya after your class?"

I didn't talk, I just rolled my eyes at him before I look away. Sa labas ng bintana ako nakatingin. Pupunta ako sa resto ni Kuya Zach pero hindi ako magsasabi sa kanya. I will eat there alone, nagawa ko naman yun nung walang gustong sumama sa akin.

Narinig ko ang malakas niyang buntong hininga pero hindi ko ito pinansin. Ayoko siyang pansinin. Ayoko ng magtiwala ulit kahit kanino. Dahil alam ko namang darating talaga ang araw na walang akong aasahan kundi ang sarili ko. 

"I miss you, Addy."

"Stop!" mabilis kong putol sa kanya. "I don't want to hear anything from you. I don't need your explanation. Keep whatever reason you have to yourself. Tsaka bakit ba bumalik ka pa? Can't you find another job other than this? Yung mas malaki ang sahod at hindi pasaway na katulad ko?"

Tumingin ako sa salamin nagpang-abot ang mga mata namin doon, malungkot siyang ngumiti sa akin. "It's not about the money I'm earning, baby. It's about you. I want to make up for the lost time. Can you give me again another chance." mahinahon niyang sabi pero umiling ako. 

"Babawi ako sayo, namiss kita. Na-miss ko yung pagsusuklay at pagtatali ko sa buhok mo, yung paglalagay ko ng nail polish sa kuko mo, yung make-up2 session nating dalawa, yung swimming lesson natin tsaka yung martial arts class mo. Lahat yun na-miss ko. Ang dami kong na-miss sa yo, Addy. Na-miss kita..."

"Shut up!" malakas kong sigaw sa kanya. "You don't miss anything! Sinasabi mo  lang yan para maniwala ako ulit sayo. Pwes sinasabi ko, kailanman hindi na ako maniniwala sayo. Parehas lang naman kayong lahat, sa una lang kayo mabait sa akin. Kalaunan mare-realize niyo rin na ayaw niyo sa akin, ayaw niyo akong maging kasama. Kaya nga umalis ka ng hindi nagpapaalam diba?"