Love Needs No Language (Normal/OC)

Epi 4

သူတို့ မနက်စာစားသောက်ပြီးတာနဲ့ Petch က သူမကို Santa Cruz Chruch Catholic ဘုရားကျောင်းဆီခေါ်ဆောင်လာခဲ့တယ်။
ထိုSanta Cruz ဘုရားကျောင်းဟာ Chao Phraya (ကျောက်ဖုရား)မြစ်အနောက်ဖက်ကမ်းမှာတည်ရှိပြီး ပေါ်တူဂီလူမျိုးတို့က ၁၇၇၀ခုနှစ် ဝန်းကျင်လောက်မှာတည်ဆောက်ခဲ့တဲ့ရှေးဟောင်း Roman Catholic Christian Chruch ဖြစ်ပါတယ်။
ဘုရားကျောင်းအတွင်းမှာ Covid ကာလ ကန့်သတ်မှုတွေကြောင့် ဝတ်ပြုဆုတောင်းသူသိပ်အများကြီးတော့ရှိမနေ။
နှစ်ယောက်သား... လက်ဝါးကပ်တိုင်ရှေ့ Jesus ရှေ့မှာဒူးထောက်ထိုင်ခါ ဝတ်ပြုရင်းကိုယ်စီအသံတိတ် ဘုရားသခင်ထံဆုတောင်းနေမိကြတယ်။
တယောက်နဲ့တယောက်ဘာတွေဆုတောင်းနေမိကြလဲမသိပေမဲ့... နှစ်ယောက်သားပြိုင်တူတယောက်ကိုတယောက်အမှတ်တမဲ့လှမ်းကြည့်မိချိန်အကြည့်ချင်းဆုံသွားပြီး ကိုယ်စီရင်ထဲမှာတော့..

''ဘုရားသခင်ထံတိုင်တည်ပါတယ်.. သမီး Emerald Jung သည်.. Phapetch Jureonsuk ကိုအရမ်းချစ်မိသွားပါတယ် ..ဘာကြောင့်မှန်းမသိပေမဲ့တကယ်သူ့ကိုမှချစ်မိသွားပါပြီ''

''ကိုယ်တော်ဘုရား ကျတော် Petch တိုင်တည်ဝံ့သည်မှာကျတော်သည် Emerald Jung ကိုတကယ်ချစ်မြတ်နိုးသွားမိပါတယ်..မြင်မြင်ချင်းကိုသူမအားချစ်မြတ်နိုးမိပါသည် အဘဘုရားသခင်''

တယောက်ရင်ထဲကစကားကိုတယောက်မကြားနိုင်ပေမဲ့..ဆုတောင်းချင်းကတူနေတာကိုတော့ဘုရားသာလျှင်ကြားသိနိုင်ပေလျမ့်မည်။ ဘာလို့သူတို့တွေ့တွေ့ချင်း ချစ်မိသွားကြသလဲ..ဒါကဘုရားစီစဥ်ပေးတဲ့အချစ်ရေး..သူတို့ကဖူးစာဖက်တွေမို့ဆိုတာသူတို့သိနိုင်ပါရဲ့လား? သူတို့ရေရွတ်တဲ့ဘာသာစကားခြင်းမတူပေမဲ့ သူတို့ရင်ထဲကအချစ်ကတော့ဘာသာစကားတွေမလိုပဲ ထပ်တူညီလျှက်။ ဒီအခိုက်အတန့်ကလေးမှာကောင်းကန်တမန်တွေက ထိုမောင်မယ်ကို ကောင်းကင်ကဖန်ဆင်းထားတဲ့ဖူးစာဖက်တွေအဖြစ်ကောင်းချီးပေးတော်မူနေတယ်ဆိုတာကိုသူတို့သိနိုင်မလား..ရင်ထဲကခေါင်းလောင်းကိုယ်စီရယ်လဲ မြည်ကုန်ကြပြီ။ သူတို့ခံစားမိနေတာတော့အမှန်...မျင်ဝန်းကိုယ်စီမှာအချစ်ရည်ရွှန်းလဲ့လို့ရယ်..

ဘုရားဝတ်ပြုရှိခိုးပြီးတော့ ကျောက်ဖုရားမြစ်ကမ်းမှာလမ်းလျှောက်မိကြတယ်..မော်တော်တွေ ရေပေါ် ferry တွေကရှပ်ပြေးသွားလာနေကြတယ်။ ကျောက်ဖုရားမြစ်က တကယ်ကို ဘန်ကောက်မြို့ရဲ့အထင်ကရမြစ်တစင်းပေါ့
သူတို့ နှလုံးသားထဲကအချစ်တွေက..Seoulက ​ဟန်မြစ်ကြီးလောက်ရှည်လျားမလား..Bangkokက ကျောင်ဖုရားမြစ်လိုရှည်လျားမလား..သေချာတာကတော့ ဖွင့်ပြောဖို့အရမ်းကိုမတရားစောနေပြီလို့သတ်မှတ်နေမိကြလဲ..သူတို့ကြား
သံယောဇဥ်မြစ်နှစ်စင်းကထိုမြစ်နှစ်ဆင်းကိုဆုံဆည်းစေသလိုရှည်လျားခဲ့ပြီ။
ရေခဲမုန့်ဆိုင်ကရေခဲမုန့်တယောက်တခုဝယ်စားရင်း Emmy ဂုတ်ဝဲလောက်သာရှိတဲ့ ဆံနွယ်ခပ်တိုတိုနုနုလေးတွေကမြစ်လေပြေညှင်းအနော့မှခပ်သွဲ့သွဲ့လေးလွင့်ဝဲလို့..သူမကဆံနွယ်တွေကိုပင့်သက်လိုက်တော့Petch ရင်ခုန်သံမမှန်နိုင်အောင်ပါပဲ..သူမကဆွဲဆောင်လွန်း​နေတယ်။