رواية اجرام

البارت 7

رواية اجرام

البارت 7.

الكاتبـه ـ بيـراي

الصبح الساعه 11
قمر و نسمه و غيمه راقدات عند ليل و كانو نايضين ل الفجر
صخر يخبط ع الباب ـ ليل يا ليل راني ندخل
قمر ناضت ـ خشششششش
صخر ـ شباب تعالو
بحر ـ كنك
صخر فتح الباب و دخل هو و الشباب و نجمه
قمر عزقت الوشاح ع ليل و ليل ف نوم عميق
غيمه تحك ف عينها ـ خيركم
نسمه ـ ليل نوضي
ليل ـ هممممم حولي
غيمه ـ ليل نوضييي
ليل ـ النممم
قمر حطت يدها ع فم ليل ـ نوضي يا كلبهه بحر و صخر قاعدينن
ليل فتحت عينها ـ ووووك شن في خيركم كلكم ف داري
صخر ـ تو تشوفي
بحر ـ البسي الخرا ع راسك
ليل لبست الوشاح و ناضت ادخلت الحمام و طلعت بسرعه
ليل اتحط ف المرطب ـ شن في ع الصبح
غيمه ـ اي خيركم
نسيم ـ ع الحاجات متاع العيد ميلاد هذينا بس
ليل ـ اممم هذينا افتح وتس تو نبعتهن لك
نسيم ـ بحر بيجيبهم
ليل ـ خلاص بحر تو نبعتهن لك
نجمه ـ قصدي شن بديرو الون
ليل ـ بنات شن رايكن حمر ف الابيض
قمر ـ حلو بكل
غيمه و نسمه ـ اوك
ليل ناضت وقفت جنب بحر و فتحت موبايلها ـ شوف هكي نبوها التورته
بحر ـ باه من وين نجيبها
ليل ـ عدي ل حلواني الفايدي حاجاته حلوه
بحر ـ تمام
ليل ـ شوف القرورات هكي
بحر قرب منها اكثر و كاين قريب منها واجد و البنات يتهامسن عليهم😂
ليل ـ طبعاً الريش هذا تلقاه الوان جيب ابيض و جيب منه 30 طرف و نيسترو حمر هكي يقعد غلظه مش رقيق و مش غليظ تمام
بحر ـ باهي
ليل ـ شوف جيب الشكلاطه هذي حلوه لون احمر و جيب من الملبس حمر و ابيض
بحر ـ باهي
ليل ـ اهااا صح جيب من هذي تمتسك ف اليد و هذي ع التورته اوكي
بحر ـ باهي
ليل ـ وراك تنسه الشماعي هذينا شوفهن و جيب معاك مكسرات
بحر ـ باهي شن اخره
ليل ـ خلاص هذا يلي تجيبه و نحن يا بنات وصينا ع الموالح قالت تو يوصلن ع الساعه 3
نسمه ـ ولد عمي الطرف "وعدت وقفت جنب جبل"
جبل ـ كنك
نسمه ـ بنات شن رايكن ف الليل نديرو سهرايه ف السينماء
قمر ـ اوك عادي
غيمه ـ عادي
ليل ـ مش مشكله
نسمه ـ جبل تو غيمه تبعتلك حاجات اتجيبهن تمام🙂
جبل ـ تمام
ليل ـ السينماء لنا وين معش دخلناها فا تبي تنظيم و تنظيف راه
قمر ـ تمام تو نركب انا و نسمه انظفوها
ليل ـ و انا و غيمو هاننزلو انديرو الفراوله و انظمو الحاجات و رعد و نسيم هي انزلو زينو و جبل خود جدي ابرم بيه و صخر انت خليك مرات نحتاجوك و بحر عدي جيب الحاجات
نجمه ـ و انا
ليل ـ انتي خليك ع التصوير اول باول بس
اواب ـ و انا
ليل ـ انت خليك معا صخر
قمر ـ اااااه نعلي نحس ف ظهري من سريرك
ليل ـ اسكتي انا راسي انحس فيه بينفجررر
نسمه ـ مش منكن امس وطن الاذاعه وطن ماتبنش و مقعمزات يدون ع الجنون اعوذ بالله من الشيطان
غيمه ـ نعلي يا بنات قعدت نحلم بيهن
ليل ـ قويه😂😂😂
صخر ـ تعالي نبيك
ليل ـ شنو
صخر ـ نوضي بس
ليل تباعدت عليهم ـ نعم
صخر ـ انكلمها ولا شنو؟
ليل ـ اسكت خلي كل شي عليا رعود رعود تعال نبيك
رعد ـ خيرك
ليل ـ شن رايك اتكلم سكرتيرتك ع عيد ميلاد جدي
رعد ـ عليش
ليل ـ كلمها بس
رعد ـ باه تو نكلمها
ليل ـ منووور
و عدو ل الشباب و البنات
ليل ـ قايز اليوم بنكلمو سكرتيرت رعد نتعرفو عليها
قمر وقفت ـ عليش انشاءالله
ليل ـ نتعرفو عليها
قمر ـ لا حبيبتي فكوووني منها نعن جد هذييي
ليل ـ تبي تسكتي ولا كفف ع فمك
قمر ـ هااا نعم
ليل ـ قمر اتجي شورها اقسم بالله اتشوفي شي مايعجبكش
قمر ـ خلوكم فيهاا هييي
و طلعت و طربقت الباب وراها
رعد ـ عارفها هادير هكي
ليل ـ تعدلش عليها خليها عليا
رعد ـ تمام
ليل ـ هي غيمو
غيمه ـ انعدي ندوش و نلحقك
ليل ـ تمام
و عدا كل واحد اطرطش و ليل عدت ل قمر

قمر ـ من قالك تفضلي
ليل ـ صكريفمك و افهمي بعدين افتحي فمك نكدتي ع صخر حرام عليك
قمر ـ شن دخل صخر
ليل ـ صخر يحب ولاء و هيه يلي يبي يخطبها
قمر ـ تكذبي
ليل ـ والله بس ماتدويش ل الحد
قمر ـ هوا يلي قالك كلموها
ليل ـ لا هوا قبل بيتصل بيها فا قلت انا انكلموها نتعرفو عليها قبل
قمر ـ صح
ليل ـ ايوه المهم هيا نوضي نظمي انتي و نسمه
قمر ـ باهي هي
ليل ـ تمام
و نزلت ل المطبخ قعدت ادير ف الحاجات و جبل طلع هوا و معمر و بحر عدا يجيب ف الحاجات
غيمه ـ ااااه جيت
ليل ـ امسكي كملي عليا و خليني انا نطلع نشوف الزينه
غيمه ـ تمام
ليل طلعت ـ هذا شنوووو
رعد ـ زينه
ليل ـ انزل انت وياااه شنو هذا لعب عيال
نسيم ـ ها باهي كيف؟
ليل ـ انزل باهي
صخر مقعمز هوا و اواب ـ راك اطيحي
ليل راكبه ع السلوم ـ لالا عطيني يا رعد البلونات
رعد عطلها البلونه
ليل ـ اهو شوف انت وياه كيففف مش هذاا
نسيم ـ فا افطني راك اطيحي بس
ليل ـ لالا عطيني يا رعد وحده ثانيه
رعد ـ امسكي
ليل مدت يدها و تبي تمسك منه فلتت كراعها و جت طايحه ـ اااااااااااه
صخر ـ ليل انتي كويسه
غيمه ـ كنكم
رعد ـ ليل فيك حاجه
ليل ماحبتش اتنكد عليهم ع العيد ميلاد ـ انا كويسه مافيا شي
صخر ـ باهي نوضي معايا
ليل مسكت ف يد صخر و ناضت سندها و حطها ع الصالون
غيمه ـ اشربي اميه
ليل ـ يا هو مافيا شي
صخر ـ خلاص خليك مقعمزه قتلك نجمه يا نجمه
نجمه نزلت ـ نعم
صخر ـ خودي مكان ليل و ساعدي غيمه
نجمه ـ خيرها ليل
صخر ـ طاحت من ع السلوم
نجمه ـ امممممم
نسيم ـ ليل كانك اتحسي ف حاجه خليني نشيلك المستشفى
ليل ـ ما فيا شي كملو التزيين بس
رعد ـ تمام
قمر ـ ليلى كملنا راه
صخر ـ ليلى كملنا راه اننننن ليل طاحت من ع السلوم اقريب انكسرت
قمر و نسمه جنها ـ كذاب
ليل ـ مافيا شي طيحه بسيطه بس
صخر ـ لا والله طيحه قويه لين سمعت صوتها
قمر ـ يا روحي الحمدالله ع سلامتك
ليل ـ الله يسلمك
نسمه ـ اتحسي ف حاجه
ليل ـ لالا النبي يا نسمه انتي ابرمي ع الصالون و تمورتي خشي معا غيمه تقطعت بروحها
نسمه ـ تمام حبيبتي انتي خليك مقعمزت بس
قمر ـ تبي شي كلمينا تمام
ليل ـ تمام رعد دير هذي هكيي
رعد ـ هكي؟
ليل ـ رقيها شويه
رعد ـ هكي؟
ليل ـ ايوه
بحر ـ ليل
ليل ـ ها جيت وريني
بحر حط الاكياس ـ اهو شوفي هكي صح
ليل ـ ايوه جبت سلكون
بحر ـ اي
ليل ـ تمام عطيني ولاعه
بحر ـ امسكي
ليل ـ تعال ساعدني
بحر ـ مانعرفش
ليل ـ مافيش شي واعر لصق الريشه و بعدين دير عليها النسترو هذا هكي و لصقه بعدين حط طرف لولي بس
بحر يجرب ـ هكي صح
ليل ـ ايوه هكي
قمر طلعت موبايلها و صورتهم
و قعدو ايتعانو لين كملو
غيمه ـ ليلى نوضي الساعه 6 راه وتي روحك
ليل ـ هي باه
و ناضت ليل كانت حاسه ان ضهرها بينكسر و رجلها المممم بس ماعدلتش و ركبت ل غرفتها غيرت حوايجها و دارت ميك اب وردي و لبست وشاحها و نزلت
قمر ـ ليل فيك شي
ليل ـ لا شي
غيمه ـ ليل سكرتيرت رعد
ليل سلمت عليها ـ اهلين حبيبتي كيف حالك
ولاء ـ الحمدالله و انتي
ليل ـ تمام الحمدالله انا اسمي ليل بنت عم صخر و رعد
ولاء ـ عاشت الاسامي و انا ولاء
ليل ـ سلمك
نسيم ـ في شبه كبير بينها و بين قمر صح
ليل ـ اي واجد اتقول تؤم
نسيم ـ اي
بحر نزل ـ جدي قريب يوصل راه
ليل ـ حي رعد طفي الضي
رعد ـ مزال
جبل ـ جدي جاي ورايه بسرعه
ليل ـ قتلك طفي
رعد ـ باه و انتي قريب تاكلي
ليل ـ موقفو بسرعه
ناجي ـ لاحول ولا قوة الا بالله
معمر دخل ـ خيره القصر مظلم
رعد ولع الضي
الكل ـ سنه حلوه يا جميل سنه حلوه يا جميل سنه حلوه سنه حلوه سنه حلوه يا جدييي
معمر يضحك ـ احفادي "فتح يديه لهم و هما جو كلهم حضنوه معا بعض"
ليل باست راس جدها و يده ـ العمر كله جدي
معمر ـ سلمك يا بنتي
نسمه ـ تعالو انقصو التورته
بحر ولع الشماعي
و قعدو الكل يغني
ليل ـ جدي جدي تمنى امنيه بسرعه
معمر غمض عيونه و تمنى بعدين نفخ و الكل قعد يعيط و نسيم و رعد و صخر يصفرو
ليل خطت التورته بصبعها و حطاته ع جبهت جدها ـ عادات كل سنه
معمر ضحك
نسمه ـ تعالي غيمو انقصو  التورته
و عدو الكل قعمز ف الصالون و نسمه و غيمه يحطو
ليل قعمزت بالم
صخر ـ ليل انتي كويسه انحس فيك من مبدري تتألمي راه
ليل ـ مافيا شي
نسيم ـ لا من مبدري لاحظة عليها مش قادره حتى تمشي
ليل اتغير ف الموضوع ـ باهي يا ولاء شن جو الشغل معا رعد
ولاء تضحك ـ تمام
قمر ـ ليلى
ليل برمت وراها و قمر لبزتها بالتورته
ليل ـ لاااا والله نوريك
و ناضت تبي تجري وراها ماقدرتش و زاد عليها الالم حطت يدها ع ظهرها و قعمزت ع الارض
بحر نزل عليها ـ ليل خيرك
نسيم ـ من مبدري قتلك نشيلك المستشفى
بحر ـ كنهااااا
رعد ـ امبدري طاحت من ع السلوم
بحر ـ و خيركم ماشلتوها ل المستشفى
ليل ـ بحر انا قلتلهم مافيا شي
قمر ـ ليل خيرك
نسمه جت تجري ـ شن في
معمر ـ بحر نوض شيلها المستشفى
بحر سندها ـ نوضي معايا
ليل حاولت اتنوض معا و مسحت وجها من التورته و عدت هيه وياه
صخر ـ رعد وين مفاتيح سيارتي مبدري طلعت بيها انت
معمر ـ مافيش حد يلحقهم
صخر ـ جدي بنطمن عليها
معمر ـ كلمهه هيه
صخر ـ باه