رواية اجرام

البارت 6.

رواية اجرام

البارت 6.

الكاتبـه : بيـراي

بحر ـ جدي قال بكره الصبح تروحو
ليل ـ خاطري نقعد
صخر ـ تو نجو مره ثانيه بس ماعرفتش شن في
بحر ـ لا والله قالي بكره
جبل ـ انشاءالله خير
رعد و نسيم ـ انشاءالله
اواب ـ خ خيره جدك
صخر ـ النبي انت ارقد ارجلك
اواب ـ خير دين ام امك تدوي هكي انت
صخر ـ بحر فكني منه راني انوضله انكسره
ليل ـ تعدلش عليه هذا مزطول توا
نجمه تدوي ف البث ـ ااااه هذا ولد عمو بحر قوللهم هاي بحوري
ليل ـ تعرفي اطفي ولا انطفيه ف راسك
نجمه ـ شنووو هذا انا دايره بثث احترمي نفسك الناس تسمع فيك
بحر ـ حولي غادي لو سمحتي و عدي كملي كلامك الفاضي غادي
نجمه شبحتلهم ب كره ـ هههه قايز عيال عمي و بناتهم يحبو يبصرو معايا
ليل ـ وهميه الزف
صخر ـ هيييي اسلوبك
ليل ـ باه معليش
صخر ـ مره ثانيه بقفا يدي ف نص فمكك
ليل ـ باه المهم مش متريحه ل جدي
رعد ـ انشاءالله خير
نسمه ـ ماتفكري في شي بكره هانعرفو كل شي
قمر ـ بس بجد ماسكه بطني منه
غيمه ـ انشاءالله مافي اله كل خير
جبل ـ انشاءالله
ليل ـ انشاءالله

و عدت الليله كلها ضحك و لعب و ع الفجر لمو حاجتهم و روحو
قمر ـ خلوها راقده طول الليل و هيه تفكر مارقدتش بكل
نسمه ـ اي كل مانوض نلقاها واعيه
بحر ـ عليش كنها
صخر ـ اكيد من مكالمة جدي
نسيم ـ اصلن غريبه الصراحه نحن عابيين نقعدو اسبوع و خبرناه بالشي هذا
رعد ـ اي استغربت لما قال روحو بكره الصبح
غيمه ـ زعمك شن في
صخر ـ والله ماني عارف الصراحه غريبه
قمر ـ ربي يستر
جبل ـ مافي شي انتم بس مكبرين الموضوع
غيمه ـ انت عندك كل شي تافه مش عارفه شن هوا يلي مهم ف حياتك
جبل طلع موبايله و بعت مسج ل غيمه ـ انتي
غيمه شبحتله بصدمه و هو غمزلها فا برمت وجها ل الروشن
غيمه بعتت سكرين ع القروب ـ بناااات شوفننن
قمر ـ حييي حييي
نسمه ـ و بدت قصة حب جديده ف العيلههه

ليل ناضت و طلعت موبايلها ـ خيركم
نسمه ـ ع موضوع جدي جبل قال مافي شي انتم بس مكبرين الموضوع غيمه قالت انت كل شي عندك تافه مش عارفه شن هيه الحاجه المهمة ف حياتك بعتلها مسج انتي و غمزلها
ليل ـ مشاءالله ربي يجمع بينكم حبيبتي
غيمه ـ سلمك ليلى
بحر ـ ليل وعيتي
ليل ـ اي
بحر ـ صح النوم
ليل تشرب اميه ـ سلمك
و عدت ساعه و اثنين لين وصلو نزلو كلهم تعباانين خدو شناطيهم و دخلو القصر الكل قعد ايسلم ع باته و امه اله ليل و بحر طبعاً
ليل ـ شن في يا جدي انشاءالله خير
معمر ـ قعمزو كلكم
الكل قعمز
قمر مسكت ف يد ليل بخوف و برضو ليل نفس الشي
معمر ـ انا مش معروف لعند امتى بنعيش
ليل و الكل ـ بعد عمر طويل انشاءالله
معمر ـ انا قررت انجوزكم لبعضكم
صخر لونه انخطفف ـ بس
معمر ـ خليني انكمل
صخر سكت
معمر ـ بحر و نجمه / غيمه و جبل / رعد و قمر / صخر و ليل / نسمه و اواب
ليل ـ مستحيل يا جدي انت عارف علاقتي ب صخر شنو
معمر ـ بس هوا مش خوك
ليل ـ صخر ننظرله خويه و مستحيل ننظرله جوز او حبيب او اي شي مستحيل مستحيل صخر احكييي
صخر ـ جدي ماتخربش حياتنا انا و ليل خوتت مستحيل نقعدو جوزين
معمر ـ انا قراري و خديته
ليل ـ حرام عليك يا جدي حرام انت ادمر ف حياتنا
نسمه ـ جدي مستحيل نقعد معا اواب ف نفس الدار و نعتبره جوز
نسيم ـ مستحيل نجوز اختي بواحد حشاش كيف هذا
بحر ـ جدي انا و نجمه معا بعض مستحيله حتى ف الحلم
معمر ـ جبل و غيمه و رعد و قمر كنكم ساكتين
جبل و رعد ـ الي اديره انت يا جدي نحن فيه
جبل ـ مش هانلقه كيف غيمه
رعد ـ ولا انا هانلقه كيف قمر
ليل ناضت ـ جديي جبل ماشي معا غيمه لي انه هما الاثنين لايقين ع بعض برضو رعد و قمر نفس الشي لكن انا و صخر خوت افهمو نحن خوووت من يوم وعينا ع الدنيا صخر خويه و انا اخته و نسمه حرام ادمر حياتها صغيره اتعدي تعزقها ع واحد صايع و حشاش ليله نهار و نهاره ليل و بحر قالك انا و نجمه مستحيل
معمر ـ تمام بحر و ليل / غيمه و جبل / رعد و قمر
صخر ـ جدي انا نبي وحده و بنعدي نخطبها
معمر ـ خارج العيله لاااا
ليل ـ جدي حرام خليه ياخد يلي يبيها و البنت عدي انت اسال عليها و شوفها لا عندها اب ولا ام ولا اخ ولا اخت وحيده تكسب فيها حتى اجر
معمر ـ انعدي نشوفها و نسال عليها قبل و بالنسبه ليل شافت ل صخر بفرح❤️
نسمه ـ ممكن نعدي نرقد
معمر ـ خلاص عدي
ليل ـ هي بايي
و ركبت ل غرفتها و في نوم عميييق
الساعه 7 المغرب ناضت ليل غيرت حويجها و نزلت
ليل ـ اهلين
مقعمزين الكل شباب و بنات ـ هلا
قمر ـ صح النوم عيوني
ليل قعمزت يلاها ـ سلمك
نجمه تشبحلها بكره
ليل ـ خيرك يا بيبي
نجمه ـ اففففف
نسمه ـ ممكن نفهم حاجه
غيمه ماسكه الموبايل ـ خيرك
نسمه ـ يعني غيمه و جبل - قمر و رعد - ليل و بحر
ليل ـ شن دخلني انا
نسمه ـ امبدري جدي قال ليل و بحر
ليل ـ اتبصرو
غيمه ـ اقسم بالله ولا انتي تكلمتي ولا بحر حسيتكم موافقين
ليل شبحت ل بحر ـ من موافق انا لا
بحر مبتسم
صخر ـ جدي مش عارفه من وين جاب هالقرار
قمر ـ انت تبي تاخد يلي تبيها فا اسكت
ليل ـ و انتي شنو؟
قمر ـ باه🙂
ليل ناضت ـ يوم قلت انه حبيبي و عتبرته من نصيبي غاب رغم انه طبيبي راح وين اعلاج توقي
قمر ـ لولولولولي
ليل شبحت ل نجمه و تصفق ـ نسوم دربكي
نسمه ادربك ع الطاوله
ليل ـ عين بناديرك دقي يا عين بناديرك ناس اعزاز خدوهم غيرك
غيمه ادير ف حركات بيدها بمعنى انقهري ع نجمه😂
قمر ـ يا قبيله يا القبايل ريدي سمح طويل و خايل
نسمه ـ حي حييي
غيمه ـ حطي الفاسوخه يا زينه بنات العم تلاقينا
نسمه ـ لولولولولي
ليل تشبح ل نجمه و ترقص بكتوفها و يديها😂 ـ مملي كبده منسحنه يا يدوي فيت علينا نحن
قمر ناضت معاها ـ مملي كبده مقهوره انشاءالله يلقاها ف عيونه😂
نسمه ـ يا عاليه و العلوه لنا عاليه بكراسي هلنا💃🏻
ليل ـ و المرهون انكان نويته انصيده من قدام وليته
غيمه ـ يا مولي عطيني قدره
ليل حطت يدها ع فم غيمه ـ لااااا عيبببب توا معانا الشباب😂🙂
قمر ـ قبل جنيتي ع روحك و علينا🙂
غيمه ـ اي نفعلت شويه🙂😂
ليل قعمزت يلا نجمه ـ اهلين بيب بشويه ع اعصابك نخاف عليك انا
نجمه دفتها و ركبت ل غرفتها
قمر ـ قويه اقسم بالله😂
ليل ـ ماشافت شي
نجمه نازله و عيونها نار
ليل ناضت اتسقم ف شعر بحر ـ حبيبي شعرك خيره مش منظم
بحر يشوفلها و ساكت
نجمه عزقت كباية الميه ع الارض و طلعت ل الجنان
ليل ـ اوبسسس "وردت قعمزت" ااااه نستمتع انا هكي
قمر ـ بس ركحي الكارطه شويه
ليل ـ ماتخافيش
نسمه ـ اول مره نشوفك هكي قبل ديما هاديه و ف حالك
ليل ـ هيه بدت مش انا
قمر ـ تربيتي
غيمه ـ غير افطنن راهي مش ساهله هاتودرنا كلنا
ليل ـ خلن كل شي عليا
صخر ـ ركحي بدون لعب عيال
ليل ـ تعرف تسكت
صخر ـ راه انوض انكسرك
ليل ـ وريني عرض كتافك
صخر ناض
و ليل ناضت تجري
صخر ـ مش قدها ماديريهش
ليل ـ خلاص يارا كنا انبصرو
صخر ـ اممممم
ليل ـ بنات
نسمه ـ هممم
ليل ـ بكره عيد ميلاد جدي راه
غيمه ـ حييي نسيت باهي خلينا نوتو
ليل ـ هي قوللي و انا نكتب
نسمه ـ تورته كبيره مكتوب عليها هابي بارذي معمر  بالذهبي
غيمه ـ شماعي رقم 72
نسمه ـ موالح و عصير طبيعي منقه
قمر ـ انبولات
ليل ـ شنو اخره
قمر ـ خلاص تقريباً
ليل ـ خلاص باذن الله بكره تو نعدي انا و عمو ماجد نجيبوهن و نروحو
قمر ـ اوك رعد و نسيم انتم زينو وسط الحوش و بحر و جبل ياخدو جدي يبرمو بيه لين نكملو و صخر يقعد كان نبو منه حاجه هكي ولا هكي
الشباب ـ اوكي
ليل ـ هي انا نستاذن
قمر ـ وين
ليل ـ بنركب نقعد ف غرفتي و ماتكلمونيش ع العشاء
غيمه ـ خي
قمر قطعتها ـ تمام حبيبتي نقصاتك شي كلميني اوك
ليل ـ اوك
و ركبت ل غرفتها
غيمه ـ خيرها؟
قمر ـ مش عارفه بس خلوها براحتها
نسمه ـ اوك
صخر ـ تو نجي
وركب ل ليل
طق طق
ليل ـ تفضل
صخر ـ ليلى خيرك
ليل ـ ولا شي بس عارفه تو تنزل عبير و ادير موضوع فا خليني ف غرفتي خير
صخر ـ ما تحرميش روحك و انزلي
ليل ـ فوت يارا نبي نتريح
صخر مسكها من يدها ـ انزلي معايااا
ليل ـ اوك خلاص
صخر قعد ماسكها من يدها و نزل بيها ـ مره ثانيه اتفكري التفكير هذا نقتلك
ليل تضحك ـ اوك
قمر ـ خيرها
صخر ـ شي
بحر طبعاً يشوف و ساكت و نااار فيه😂🔥
معمر نزل ـ العشاء مزال؟
نسمه ـ مش عارفه يا جدي
و بدت العيله كلها تنزل و قعمزو الكل يراجو ف العشاء
عبير داخله من بره بلبستها الفاضحه ـ السلام عليكم
الكل ـ وعليكم السلام
عبير شبحت ل ليل ـ بكره جايين ناس يتقدمولك وتي روحك و مانبيش نقاش
ليل ماردتش عليها
عبير ـ تسمعي فيا شن ندوي؟
ليل ـ انا موافقه؟
عبير ـ مايهمش كلمتي انا يلي ماشيه راجل فلوس و جمال و تاجر كبير و عمره مش صغير كيف هالمفارخ يلي توا و اسمه جبريل و عمره 37 اكويس ايربيك ع يده
ليل ـ تي هذا اصغر من بابا ب 9 سنين راه
عبير ـ كلمتي و قلتها
ليل ـ بس جدي عطاني
عبير ـ و لمن عطاك انشاءالله
ليل ـ ل بحر ولد عمي و انا موافقه و متفاهمه انا وياه
عبير ـ تاخدي واحد عايش تحت جده و باته و امه ميتين يا مضحكه اتشوفي بنات عمك حمواتهن يجرن بيهن هكي و هكي و انتي ماعندك لا عم ولا عمه يدوروك هذا يتيم ما عنده من يسال عليه
ليل بجد وجعها الكلام ف بحر و ماقدرتش تسكت و وقفت  ـ انتي من قالك تعطي رايك فيه اليتيم يلي ماعنده من يسال عليه انا نبيه اقل شي انتي قلتيها بروحك يتيم مش كيفكم عايشين و مش مدوريني و بدال ماتشوفي بنات عمي حمواتهن يجرن بيهن شوفي امهاتهن بعدين شوفي ل حمواتهن
بحر ناض من يلاهم و طلع
ليل رفعت صبعها بتهديد ـ لو تعاود الموضوع هذا صدقيني مش هانرحمك يا عبير بحر خط حمررر
و طلعت تجري ل بحر
ليل ـ بحر بحر استنا
بحر وخر السياره و طلع
ليل ـ عمو ماجد بسرعه بالله عليك الحق بحر
ماجد ـ تمام
و قعدو يلحقو ف بحر لين بحر درس ع البحر
ليل نزلت و فتحت الباب ـ بحر
بحر ـ انتي شن جابك هنا عدي روحي
ليل ـ بحر اسفه ع كلام عبير معليش امسحها ف وجي
بحر بصوت عالي ـ قتلك عديي روحييي
ليل ـ مانيش
بحر بصوت مخنوق ـ انا قتلك روحيي
ليل حضناته ـ اسفه
بحر حاول يبعدها بس بعدها استسلم و كاين كيف العيل الصغير يلي يبكي ف حضن امه
و ليل كانت مصدومه شويه لي انه بحر ماعمرش نزل دمعه من صغره و هوا قوي و شخصيته قويه ماعمرهش شافته ضعيف حتى ف اصعب الاوقات
ليل ـ اسفه اسفه
بحر ـ شن ذنبي كان باتي و امي ماتو عليش ايعايرو فيا بالشي هذا ليش انا يلي ديما مش معبريني لي انه انا يتيم ليش
ليل اثر فيها كلام بحر و قعدت تبكي ـ اششش خلاص معش اتقول هكي انا معاك و في جنبك ديما ديرني امك و باتك و اختك و خوك و اي شي انت تبيه
بحر بعد من عليها و مسح دموعه ـ خلاص عدي ل القصر شويه و نلحقك
ليل عدت فتحت الباب و ركبت جنبه و بعتت مسج ل ماجد "عمو ماجد تقدر تروح تتريح ف حوشك خلاص تو نروح معا بحر" و عدا ماجد روح
بحر ـ خيره ماجد روح
ليل ـ انا قتله روح
بحر ـ عليش طلعتي من القصر انتي عارفه جدي شن هايدير صح؟
ليل ـ مايهمش المهم انا يلي شفته صح درته
بحر ـ امممم باهي ممكن سؤال
ليل شبحتله ـ تفضل
بحر ـ ليش وافقتي عليا
ليل ـ I don't now🙂
بحر ـ امممم متاكده
ليل ـ اي
بحر ـ تمام

و طول الطريق كانو الاثنين ساكتين لين وصلو ل القصر
معمر كاين راقيله ـ وينن كنتي
ليل ساكته
معمر ـ وين كنتييي
بحر ـ جدي انا خديتها معايا
معمر ـ مشاءالله بدون ماتقولو
بحر ـ كنت مستعجل بس
معمر ـ ليل ل غرفتك و معش نبي نشوفك مخطيه عتبت هالقصرر رايحه معش تسالي و تطلعي بجوك بدون حارس شخصي و تسوقي بروحك مهزله قعدت
ليل ـ حاضر
و ركبت ل غرفتها
نجمه ـ صح يا جدي
بحر و صخر ـ انتي اسكتي

الكاتبـه: بيـراي

#يتابـع