رواية اجرام
البارت 2.
الكاتبـه: بيـراي
ليل مقعمزه ع الهاتف كل شوي ترن ع واحد تبي تطمن ع جدها بس مافيش اي حد فادها بأي معلومه و الدنيا ظلمت ناضت صكرت الرواشن متاع الاستراحه كلهن و صكرت الباب بالمفتاح و قعمزت ف وسط الحوش تراجي
ليل ـ ايوه صخر شن صار ف جدي
صخر ـ جدي يا ليل جدي
ليل ـ صخر احكي جديي خيره
صخر ـ جد ....
و انقفل موبايلها شحن
ليل ـ اوووووف وقتك وقتك تواا
و ناضت بتحط موبايلها ف الشحن و يطفا الضي
ليل ـ لا يا ربييي لااا
قعدت تتلمس لين جابت كشاف و قعدت امقعمزه اتفكر فكره تشيلها و فكره تجيبها و بدت اتحس بالخوف الدنيا بره ريح و الشجر يتحرك و ظلامم داامس
ليل ـ حي عليا زعمك جدي كنا شن صار فيهه اوووووف يا ربيي شن هذا كنها الدنيا بره تبي تنقلب
#في_مكان_ثاني
نسمه مقعمزه ف حضن جدها
رجب اب نسمه ـ نوضي يا بنتي من علي جدك خليه ركب يتريح
نسمه ـ تؤتؤ
معمر ـ خليهم احفادي جنبي
بحر و جبل ـ السلام عليهم
الكل ناض ايسلم و فرح ب رجعت بحر و جبل من المانيا
بحر ـ كيف حالك يا جدي و خيرها يدك
معمر ـ حادث بسيط
جبل ـ الحمدالله ع سلامتك
عبير داخله تتمخطر ب مكياجها و لبستها الفاااضحه ـ السلام عليكم اوووو بحر و جبل الحمدالله ع السلامه
جبل ـ الله يسلمك مرات عمي
بحر ـ الله يسلمك
عبير ـ ليل وين خليني نتفاهم معاها
قمر ـ خلي البنت ف حالها و انتي ماعندك غير تنكدي عليها ف الطالعه و الخاشه
عبير ـ قمر بيني و بين بنتي انتي مادخلكش و وين هيه
صخر ناض قافز ـ حي علميي نسيتت ليل ف الاستراحه بروحها
معمر ـ الساعه 11 ماتتحركش تو يعدي بحر يروح بيها
رعد ـ يارا كيف تنساها
صخر ايرن ع ليل مقفل ـ موبايلها مقفل يا جدي خليني انعدي انجيبها بحر مروح تعبان اكيد من السفر
قمر ـ حي عليككك لو تطلع سياره فيها حاجهه
بحر ناض خدا مفاتيح سيارته و طلع ل الاستراحه
#نردو_لـ_ليل
ليل تسمع ف اصوات خارج و قريب اتموت من الخوف شويه و سمعت صوت القزاز متاع وحده من الغرف تكسر زاد خوفها و لفت ايديه ع كرعيها و حطت راسها ع رجليها و بدت تبكييي و تشهد و تقره ف معوذات و بعد حوالي ساعه ونص و هيه ع الحاله هذي سمعت صوت الباب انفتح
ليل تبكي بصوت عالي ـ ياااا مامااا لالاااا ماتقربش علياا ماتقربش عليااا ااااااااااه يا ربيييي
بحر حط يده ع كتفها ـ ليل ماتخافيش انا بحر انا بحر ولد عمك ماتخافيش
ليل بدون وعي حضناته ـ ماتسيبنيش يا بحر ماتسيبنيش
بحر شالها ـ باه ماتخافيش مش مسيبك ماتخافيش
و طلع بيها و صكر الباب حطها ف السياره و ركب يلاها
بحر ـ خلاص ماتخافيش اهو تو نروحو ل القصر
ليل مسكت في يده و زادت تبكي
بحر قعد ايسوق و عيونه فيها لين خداها النوم و رقدت
بعد ساعتين
بحر ـ ليل ليل
ليل ناضت منفجعه
بحر ـ بسم الله نوضي وصلنا
ليل فركت عيونها بلطف و نزلت من السياره ـ شكراً لي انك جبتني لكن مش انت قاعد ف المانيا
بحر يمشي جنبها ـ اي توا روحت
ليل ـ الحمدالله ع سلامتك و شكراً مره ثانيه تعبتك معايا
بحر ـ ولو العفو
قمر جتها ـ خيره وجك هكي
ليل ـ صخر وين
صخر ـ اهو جيت
ليل عدتله تجري و بدت تضرب فيه ـ هكييي ادير فيااا اقريب انكلبتت من الخوووف
صخر مسكها من يديه ـ تي بااااه اهدي اقسم بالله لهيت ف جديي نسيتكك
ليل ـ و انا نقول صخر ينعبه عليهه و هواا كخخخخخ
صخر ـ باهي باه "وحط يده ع وجها" خيره وجك هكي
ليل ـ يا نعلي يا صخر كان انقولك شن صار فيا
قمر حولت يد صخر ـ تحشم و انتي قوليلنا شن صار
ليل عدت باست راس جدها ـ الحمدالله ع سلامتك يا جدي جت هكي ساهله
معمر ـ الله يسلمك يا بنتي
ليل ـ الحمدالله ع سلامتكم يا جبل
جبل ـ الله يسلمك
نسمه ـ احكيلنا
ليل ـ اول شي بعد طلعتو انتم بشوي الدنيا بدت اظلم و ريححح نضت صكرت الرواشن و الباب بالمفتاح
قمر ـ باهي
ليل ـ خلاص انرن ع صخر مايردش و بعد رد قالي جدي يا ليل جدي و طفا موبايلي نضت نبي نجيب شحنن الضي طفاااء حي حي عديت جبت كشاف و قعدت امقعمزه بعد حوالي سااعه سمعت صووت الروشن فوق تكسرر خلاص هنا قلت نهااايتي
صخر ـ باهي
ليل ـ سمعت صوت الباب ينفتح و خش واحد لابس اسود و من طلع بحر و خداني وجينا
غيمه ـ وووووه كيف تحملتي اقسم بالله كاني انا راه انكللبت
ليل ـ اهو تحملت
عبير انزلت من فوق ـ تعالي هناا وين كنتيي و مش قتلك تمشيي معايا
ليل ناضت ـ انا نحس ف روحي متكسره المهم ليلتكم سعيده
عبير مسكتها من يدها ـ انا ندويي معاك صحح
ليل ـ ممكن يدك لو سمحتي
عبير ـ لما ندوي معاك اتصبي و تحترميني فاهمه
ليل ـ فكيني
قمر ـ فكيهاا خلي البنت تركب تتريح
عبير دفت قمر ـ ماتدخليش
قمر تعكفت ف الشبشب طاحت و جا راسها ع الطاوله
ليل فكت يدها من امها و نزلت ع قمر ـ قمر انتي كويسه وريني
قمر ـ مافيا شي مافيا شي
ليل ناضت و شبحت ل امها ـ عارفه هذي اخرلك مره اتقربي ع قمرر ولو حاولتي مره ثاانيه صدقيني مش هانرحمككك
عبير ـ مشاءالله مفزعه ف وحده ياريتها حتى اختهاا بنت من الملجاء
ليل قربت من امها ـ نعم عاوديي عاودي
صخر مسك ليل ـ ليل خلاص
ليل ـ صخرر ماتدخلشش لو سمحتت
صخر وخر من عليها
ليل ـ عارفه لولا انك امي راني شربت من دمك يا عبير و اخر مره نقولك عند قمر و صخر خط حمر
عبير عطتها ب ظهرها و ركبت
ليل عدت ل المطبخ جابت اميه و شربتها ل قمر ـ قمري انتي كويسه
قمر ـ اي حبيبتي مافيا شي
ليل ـ معليش اسفه ع كلامها بس هيه الوقاحه تجري ف دمها
قمر ـ تعدليش يا ليل تعودت عليها
ليل انزلت ع رجليها و مسكت يدين قمر ـ قمري معش تدخلي بيني و بينها لي انها هيه بديرلك حاجه كيف هكي و انا مش هانتحمل اوك مهما ادير فيا خليك بعيده اتفقنا
قمر ـ مانقدرش يا ليل
ليل ـ علي خاطري انا اول مره نطلب منك طلب
قمر ـ حاضر
ليل حضنتها ـ و اسفه مره ثانيه ع كلامها
قمر بادلتها الحضن ـ معش تتاسفي و انا مش معدله عليها اساساً و الخوت مافيش بينهم لا اسف ولا شكراً اوك
ليل ـ اوك
صخر ـ قمر ما حصلنا معاك شي راه
ليل ناضت حضناته ـ اهووو حصلتت معا انك تستاهل كفف
صخر بادلها الحضن ـ اسف بس والله انشغلت معا جدي
ليل حطت يدها ع خد صخر ـ ولا يهمك و معش اتقول اسف
ناجي ـ اركبي اعتذري ل امك
ليل تغيرت ملامح وجها ـ هي ماتبو شي
نسمه ـ وين
ليل ـ بنركب انصلي و نقره قران شويه علي ما خداني النوم
جبل ـ تقبل الله مسبقاً
ليل ـ منا و منك صالح الاعمال
وشبحت ل بحر و ركبت
أنت تقرأ
رواية اجرام
Romanceروايه ليبيه للكاتبه: بيراي الروايه تحكي ع جد متسلط ع صغاره و احفاده الجد تاجر معروف بالممنوعات و السلاح الخ..... و الشي هذا خدوه منه صغاره و احفاده و كل حفيد و حفيده لاه قصته الخاصه و حياته الخاصه لو حبيتو تقروها قرائه ممتعه للجميع. و هذا ايميلي...
