رواية اجرام

البارت1.

رواية اجرام

البارت 1.

الكاتبـه: بيـراي

ليل ـ ممكن نعرف خيرك
غيمه ـ ليل النبي خليني ف حالي مش ناقصه رااه
ليل ـ تي كنك احكي
غيمه ـ الكلب واطي هزبني
ليل ـ من
غيمه ـ يلي اسمه نسيم
ليل ـ تعدليش عليه
غيمه ـ اوووووف
ليل ـ المهم انا طالعه
غيمه ـ باهي ربي معاك
ليل ـ سلاام
و نزلت اركبت معا السواق و عدت دارت شوبينق

خليني نحكيلكم ع ليل
ليل بنت هاااديه ل ابعد الحدود مش اي حد تدوي معاه و مش اي حد اتخالطه ديما في حالها
اقرب حد الها قمر بما انها بنت عمها
ليل عمرها 20 سنه متخرجه من ادارة اعمال
شكلها طولها 160 وزنها 55 شعرها لنهاية ضهرها لونه اسود بشرتها مش بيضه واجد عيونها كبااار
طريقة حويجها جاكات اطوال و بيشتات بنطلونات مش ضيقات واجد ماتحبش ولا شعره تطلع من الوشاح (تلبس ف بندن) برضو ديما ادير ف ميك اب خفيف(كوري) و ديما تلبس ف اللون الاسود
تعرف اتسوق بس هيه ماتسوقش عندها سواق (العم ماجد)
ماعندهش خوت ولا خوات امها عبير و بوها ناجي
طبعاً شخصية موجه عكسس هلها تماااماً كيف ما حكيت ان موجه شخصيه هاديه و في حالها ديما لكن هلها ايحبو القتل الضرب و الجرام التجاره ف الممنوعات و الاسلحه ........)

خلينا انردو ل الروايه

ليل ـ السلام عليكم
معمر جدها مقعمز هوا و العيله ع طاولة العشاء ـ وينن
ليل ـ اهلين جدي كنت نشري ف حوايج
معمر ـ اخر مره اطولي
ليل ـ حاضر
غيمه ـ وريني شن شريتي
ليل ـ شوفي
نسمه ـ كان قلتي راه طلعنا معاك
ليل ـ نسيت والله
نسيم ـ تكذب عليكن
رعد ـ فتان
صخر ـ لا حول ولا قوة الا بالله
نسيم ـ خيرك
صخر ـ خلي البنات ف حالهن
نسيم ـ وووووواه وانت مش متحمل فيهن شي
صخر ـ تعالي يا ليل تعشي
ليل ـ صحيت تعشيت ف المطعم
صخر ـ صحه
ليل خدت حاجتها ـ سلمك هي نستاذن ليلتكم سعيده
الكل ـ و ليلتك

الصبح الساعه 9:00

قمر ـ ليل ليل
ليل ـ همممممم
قمر ـ نوضي نبيك
ليلقعمزت تفرك ف عيونها ـ شنو
قمر ـ انا
ليل ـ انتي شنو
قمر ـ انا بطلب طلب
ليل ـ احكي
قمر ـ نبيك اتشيلينا ل الاستراحه متاع جدي
ليل ـ و شن تبي فيها
قمر ـ انكسدو فيها
ليل ـ و المطلوب
قمر ـ ادوي ل جدي
ليل ـ عارفه انك فاضيه "و ارقدت و غطت روحها ب البطانيه"
قمر اطلعت ـ مابتش
غيمه ـ شن نديرو بااه
نسمه ـ انكلمو خويه نسيممم شن رايكم
غيمه ـ وباهي؟
قمر ـ ولا خويا صخر
نسمه ـ اوك
ليل ناضت ادوشت و توضت و صلت و نزلت تفطر
ليل ـ صباح الخير
الكل ـ صباح النور
ليل قعمزت تفطر بهدوء بدون اي صوت
عبير امها ـ اليوم حفلت بنت صاحبتي نبيك تلبسي و تمكيجي و تمشي معايا
ليل تاكل و عيونها ف الماكله ـ ماعنديش خلوق
عبير ـ بس انا نبيك تمشي معايا
ليل ـ و انا مانبيش شن تبي اتكريني من كراعي
عبير ـ اسكتي يا قليلت الادب
ليل حطت السكينه و الشوكه بكل هدوء و مسحت فمها و ناضت ـ الحمدالله صفره دايمه
قمر ـ لا حول ولا قوة الا بالله عليك نكددد
عبير شبحت ل قمر
ناجي هايم ف عالم ثاني
معمر ـ لا حول ولا قوة الا بالله
ليل اركبت ل غرفتها خدت كتاب و قعدت تقره فيه
صخر ـ ليلى
ليل نحت نظراتها ـ نعم تفضل
صخر ـ ليل اتعدي معانا
ليل ـ وين
صخر ـ استراحة جدي
ليل ـ اربحو مانبيش
صخر ـ ليلى هيا ع خاطري
ليل ـ صخر والل....
صخر قطعها ـ هيا بس
ليل ـ اوك خلاص
و طلع صخر خبر البنات و ليل غيرت حويجها و نزلت
لبستها كانت عباره عن "بنطلون اسود واسع شوي معا تيشرت ارقبه و جاكيت سوده طويله و بلد و وشاح اسود و بندن سوده و سبيدرو اسود"