رواية اجرام

البارت 11.

رواية اجرام

البارت 11.

الكاتبـه: بيـراي

ليل مقعمزه ف كافي و تشرب ف قهوه و عقلها ماشي ل بعيييد
قيس ـ السلام عليكم
ليل ـ و عليكم السلام كيف حالك توا
قيس ـ الحمدالله
ارسولان ـ ماما ماما
ليل حضنت ولدها ـ اهلين يا روح ماما شن درت ف المدرسه
ارسولان ـ درت حاجات حلوات
ليل ـ يا روحي
قيس ـ ليل
ليل شبحت ل قيس ـ نعم
قيس ـ مش ناويه تروحي ل ليبيا
ليل ـ لا
قيس ـ براحتك هي نوضي خليني نوصلك ع الحوش
ليل ـ اوك هيا ارسولان
و ركبو معا قيس و اتجهو ل الحوش يلي كاين عباره عن حوش صغير و بعيد خارج المدينه
ليل غيرت ل ارسولان حوايجه و رقداته و قعمزت تقره ف كتاب
ارسولان يحك ف عيونه ـ مامي
ليل ـ نعم حبيبي
ارسولان ـ وين بابا
ليل ـ بابا سافر بعيد حبيبي
ارسولان ـ انا نبيه يجيني ماما بنشوفه
ليل ـ حاضر يا عمري ارقد هي
ارسولان حط راسه ع المخده و رقد
ليل طلعت من الدار و قعمزت ع الارض و تبكي بصوت واطي ـ حرقتني يا بحر حرقتنييي الله يسامحك كسرتنيي خليت ولدك يعيش بدون اب
قيس طلع من غرفته ـ ليل خيرك
ليل ناضت و مسحت دموعها ـ شي ليلتك سعيده
قيس ـ و ليلتك
و دخلت ليل ل غرفتها قعدت اتفكر اتفكر لين خداها النوم

ثاني يوم الصبح
ناضت ليل دارت فطور ل ولدها و ل قيس
قيس ـ ليل انا لازم نسافر ليبيا اليوم
ليل ـ عليش
قيس ـ جدك عطاك عمره
ليل بصدمه ـ نعم جدي معمر؟؟
قيس ـ اي ادعيله بالرحمه ليل
ليل ـ احجزلي اول طياره ل ليبيا الله يربحك
قيس ـ في طياره بعد ساعه
ليل ـ اوك
و ناضت ليل وتت حويجها و حوايج ولدها و اتجهو ا المطار
طبعاً ليل طول الطريق و هيه تبكي لين نزلو ل ليبيا
قيس يسوق ف سياره ـ خلاص ليل من مبدري و انتي تبكي
ليل حطت يدها ع وجها
ارسولان ـ ماما معش تبكي حلاص
ليل ـ ماما حبيبي حط السمعات ف ودنك
ارسولان ـ حاضر ماما
ليل حطت ع اغنيه ـ قيس ممكن نطلب طلب
قيس ـ تفضلي
ليل ـ نبيك اتحط ارسولان عند عمتي فتحيه
قيس ـ امي؟
ليل ـ اي مانبيش بحر يشوفه
قيس ـ تمام
ليل ـ بالله عليك ردو بالكم منه
قيس حط يده ع كتف ليل ـ كوني هانيه ارسولان في عيوني
ليل ـ ارسولان ماما
ارسولان حول السمعات ـ نعم ماما
ليل ـ عدي معا عمو قيس تو يحطك عند اجديده فتحيه تعرف عليها و تو نجيك ف الليل ناخدك تمام
ارسولان ـ بس انا نعرفهش ماما
ليل ـ تو تتعرف عليها حبيبي اجديده فتحيه انسانه طيبه و حلوه بكل
ارسولان ـ تمام ماما
قيس ـ ليل وصلنا
ليل شبحت ل القصر و زادت تبكي و حضنت ولدها ـ رد بالك ع روحك حبيبي تمام
ارسولان ـ تمام ماما Sine sviorm "نحبك بالتركي"
ليل ـ حتى انا ماما باي
ارسولان ـ باي
ليل نزلت و قعدت تشبح ل القصر بحسره و تبكي ـ بعد سنتين من هروبي منك رديتلك مازلت كيف ما انت ماتغيرتش
و دخلت ل القصر كانو جبل و رعد و نسيم واقفين يعزو فيهم الناس و ليل دخلت من بين الرجاله بحيث ان محد يشبحها
ليل دخلت و قابلتها قمر عدت تجري حضنتها و قعدت تبكي معاها
قمر ـ ليلى ليل انتي هنا وين كنتي حبيبتي
ليل تبكي بحرقه و ساكته
نسمه ـ ليل انتي هنا
و حضنتها
ليل ـ جدي وين يا نسمه وين
غيمه نزلت و بطنها قدامها ـ ليل حبيبتي انتي هنا
ليل حضنتها و تبكي
طبعاً كانت الانظار كلها ع ليل لي انها ردت بعد سنتين وين كانت شن يلي صاير مش معروف
نجمه ـ وين كنتي عليش جيتييي
غيمه ـ نجمه صكريفمك
قمر ـ الناس تشبحلكك اسكتي
ليل ـ وين صخر
قمر ـ امبدري شفته بره
ليل عطتهم بظهرها و طلعت ل صخر قعدت ادور فيه بعيونها لين لقاته نزلت و عدتله تجري حضناته و قعدت تبكي
صخر ـ ليل ليل انتي هنا ليلى ردي عليا
ليل ـ جدي يا صخر جدي
صخر ـ اششش خلاص
ليل ـ جدي بنشوفه يا صخر
صخر ـ حاضر حاضر عدي باهي خشي جوا
ليل دخلت قعمزت جنب ولاء و كانت مش مخليه حيل ف حد من بكاها و دوتها
ولد قمر ـ ماما جابو جدي
طلعن البنات بيشوفن جدهن
صخر ـ باهي خشن جوا تو نجيبوه لكن جوا
قمر تبكي ـ بنشوفه
ليل حولت الكفن من وجه ـ جدي حبيبي سامحني سامحني ع كل شي اسفه معش قدرت نتحمل الوضع ل انا فيه و مالقيتش حل قدامي اله اني نهرب سامحني يا جدي لقيتها من كل الجيهات بابا ماما راجلي و عقمي كل شي كان موقف ف وجي سامحني
صخر ـ خلاص ليل اهدي
ليل نقطع عليها الاكسجين مره وحده و داخات
صخر شالها يجري ل السياره و عدو ل المستشفى و لحقه قيس
عند البنات يلي قعدت يعيطن لما شالو جدهن و دفنوه
قمر ـ حي عليا جديي وووووووه
نسمه ـ شالووووه لالااا
غيمه ـ ضي حوشنا عدااا عمود حوشنا عدااا
نسمه ـ حي عليا لمن بنقول يا جديي حي عليااا
قمر ـ من بيقولي شن ناقصك من بيوقف معايااا لا يا ربييي لااا