الريال٢:اقولك شوفها تجنن
الريال١:اذا ما انفتح المصعد شكلي بتهور
الريال٢:لاتتهور معاها واحد
حمدان:خير في شي؟
الريال٢:الخير كله معاك
استوعب حمدان انهم يقصدون نجود
الريال١:شفيك عصبت شكلك ماتباها بعد
حمدان:هي ملكي اصلا
استغربت نجود من كلام حمدان
الريال٢:راحت علي...
ما كمل كلمته ال حمدان هاجم عليه وكل واحد يضرب الثاني و نجود كانت تبكي فتح باب المصعد و طلعت نجود و هي تركض عند السكرتي عشان يبعد حمدان عن الريال لانها حاولت و لكن ما قدرت تفككهم
بعد ما فككهم السكرتي
نجود:حمدان خلنا نرجع الغرفه (فجاه انتبهت الا ملابس حمدان الي فيها بقع دم )حمدان دم دم انت تنزف
و هني صاحت
راح حمدان على طرف لانها كانت تصيح على طرف و كان يشوف حواليه اذ في حد من الشباب او البنات موجودين
راح و حظن نجود و حاول يهديها
نجود:تعورت فيك شي؟خلنا انروح المستشفى
حمدان:لا ما فيني شي بس انتي اهدي الحين
نجود:حمدان خلنا نروح الغرفه
حمدان:لا مانقدر كيف بروح وانا بهذه الحاله
في ذاك الوقت وصلو منصور و مريم و شافو حمدان و بحضنه نجود تبكي و بعدين شكو انه في شي صار
حمدان انصدم وشرح لهم كل الي صار عشان لايفهمونه غلط
منصور:انزين يلا انروح
حمدان:ما اقدر
مريم:انت تعال وانا بصرف الموضوع
(تلخيص دخلو الغرفه)
غيث:حمدان شفيها ملابسك؟
مريم:فهموه اني بالغلط كبيت العصير عليه
حمدان:احم انتي الي بتغسلينها
منصور:حرمتي مب خدامه عندك
حمدان:سير ولي تراها بنت عمي قبل لا تكون حرمتك
مريم:اف خلاص اسكتو
ميره:مريم شو يبتي معاج؟
مريم:كل شي تحبينه يالله رتبو لين ما ابدل و ايي
باقي البنات يالا حتى نحن بنروح نبدل
لبسو البنات بنطلون و هودي و راحو عند الشباب و بعدين انعكست الأدوار يعني الشباب راحوا يبدلون
كانو مسوين جلسه ارضيه و حاطين لحف و كل انواع الحلويات والعصائر
بعد ما خلصو الشباب كل واحد فيهم قعد مكان
ترتيبهم يسار مريم منصور و يمينها نجود و جنب نجود راشد بعدين فيصل و نهيان و شما و ميره و حمدان و غيث
بعد نص ساعه جا مسج حق مريم ولكنها كانت نايمه على كتف منصور فا شل منصور التليفون عشان يشوف منو مطرش و هني كانت الصدمه.
عبدالعزيز'مريوم قلتي حق منصور عن هذاك الموضوع'
منصور يتكلم على الاساس انه مريم'اي موضوع ؟'
عبدالعزيز'شو نسيتي موضوع التهديدات الي تيج '
منصور'لا بكلمه باجر'
عبدالعزيز'قولي لي شوبيصير'
هني بند منصور الفون و هو يفكر بالموضوع
(بعد ما خلص الفلم كلهم ناموا في الصاله)
الساعه ٣ الفجر قامت مريم على صوت خطوات راحت صوب البلكونه و شافت منصور قاعد
مريم:هلا منصوريي ليش لين الحين قايم؟
منصور:مريم قعدي جنبي
قعدت مريم و قام منصور قفل الباب
مريم:في شي صاير؟
منصور:اريدج تقولين الصدق
مريم:انشاء الله
منصور:شو سالفه التهديدات الي تيج
مريم بصدمه:ولا شي
منصور:نحن شوقلنا
مريم و هي تبكي:في واحد من فتره كان يهددني قبل الخطوبه و يقول لي ما اتقرب منك و اذا تقربت راح ينشر صور لي وبعد الخطبة قام يهددني انه يقتلك
منصور:ليش ما قلتي لي من البدايه؟
مريم:خفت يصير لك شي
منصور و هو يحضنها :خلاص لا تصيحين انا موجود
مريم:انا بردانه خلنا ندخل
منصور:افا بنت سعيد بردانا و انتي في حضني
مريم:منصور يلا بموت من البرد
وهني ابطالنا رجعو الغرفه
مريم:منصور انا بنام في الغرفه الثانيه هني برد ما اقدر
منصور:بنام معاج
مريم:انت نام فوق السرير و انا بنام تحت
منصور:تمام
و الساعه تسع الصبح قامت مريم و شافت نفسها فوق السرير و قامت اتدور منصور شافته نايم تحت فا عرفت انه شلها امس لما نامت و حطها فوق السرير راحت و باسته على راسه
حس منصور بحرك فا قام من الرقاد انتهب انه مريم كانت جدامه
منصور:صباح الخير يا حلوه
مريم:صباح النور
منصو:شرايج اليوم انسوي الريوق
مريم:يلا انا بتلبس و بروح المطبخ و انت خلص و الحقني
منصور:تمام
(بعد ما تجهزو)
مريم:اسمع انا بسوي البان كيك و سلطه و انت بتسوي البيض و عصير البرتقال
منصور:انشاء الله عمو
١ توقعاتكمم؟؟
٢ تفاعلو عشان انزل البات الثاني
