عشق الادهم.. ميفو السلطان

الحكايه الخامسه

#عشق_الأدهم
#حكايات_mevo
البارت الخامس .قلم ميفو السلطان...
بعد ان بعث لها الرساله كان ينتظرها علي احر من الجمر كان وصل من الجنون والهوس بها مداه وانها بتركه اياه ممكن ان يقتلها... فهي متغلغله بداخله خصوصا وقد صور له الشيطان انها ارتضت بغيره....... ميفوميفو
ظل ينهر نفسه ويقول.. اهدي يا ادهم هيا هتيجي دلوقتي وهتاخدها في حضنك وهتحل امورك.. اهدي وهدي نفسك اول ماتلمسها وتبقي جنبك حنيتها هتطلع لوحدها... عشق دي بتاعتك وانت بتاعها اهدي يا غلبان انت مالكش غيرها اصلا انت عايش عشانها..

سمع خبطا علي الباب اندفع اليه لتدخل. وقفا بعضا من الوقت صامتين كان قرب منهم للاخر هو كل مناه ليسبقها الي حجرته ظلت تتلفت حوليها ولكنها ارجحت ان تكون والدته نائمه.. فدخلت بهدوء وما ان دخلت حتي شدها اليه وحضنها بشده وازال حجابها وهو يتمتم وحشتيني وهو يقبل راسها ويتلمس شعرها ويدفن راسه فيه هتف بهمس .. كده يا عشق اكتر من شهر يا قلب ادهم وانت بعيده هنت عليكي دانا كنت هموت واشوفك والمسك يا قلبي..
كانت تتمزق كانت مستسلمه تماما تحاول ان لا تبدي رده فعل وفي الوقت نفسه تحاول ان تبقي اكتر وقت لتنعم باخر لمسه حانيه منه . شوقها اليها يمزقها اربا.. كان لمساته حانيه كعادته معطاء صبورا. كانت تعشقه .
ظل يمسد جسدها بحنيه.. قلبي انا يسيبني الفتره دي بس مش زعلان واديكي في حضني دا كل اللي يهمني انك تبقي في حضني راضيه وبخير.. دانا كنت هتجنن عليكي وحشتيني يا قلبي وشدد عليها بشده وقبلاته لا تفارق راسها... وكانت مازالت متجمده موجوعه عليه.. ولكنها ستقتل نفسها لاجله..
. فهتفت وهيا في احضانه.. خلصت....
تجمد هو من كلمتها وبلادتها ابعدها بهدوء ونظر اليها ليري جمودا غريب علي وجهها.. هتف بهمس وتوجس ....مالك يا عشق.. انت فيكي ايه يا قلب ادهم...
تنهدت تتصنع الزهق.. لتبدا بغرز نصالها في قلبه لتبدا اول يوم في دفنها حيه.. شوف يا بشمهندس اظن احنا قضينا ايام حلوه مع بعض واننا نختمها بخناق بقه وقرف يبقي مش تحضر خالص.
فاقترب منها وصرخ... انت بتعملي كده ليه..
لتكمل. انت كنت في دماغي حاجه ودلوقتي حاجه تانيه ماتنفعنيش وانا معلش يعني صغيره وحلوه ايه اللي يجبرني يعني وانا اشاور يجيلي اللي عايزاه..
كان ينظر اليها بذهول هجم عليها ومسك يدها بعنف... انت بتتكلمي كده ليه انطقي انت اكيد اتجننتي وخبط دماغها لو عايزه تتعالجي قولي وانضبطي بدل ماضبطك انا لحد دلوقتي صابر. بقول فيكي حاجه.ثم اخذها في حضنه بعنف.. انت قلبي انا.... حته من جوا  عمري اللي فات واللي جاي.. اوعي يا عمري تتكلمي كده دانا اموت ونزلت دمعه من عينه لتتمزق هيا وتحس بقلبها ينشق ..ليكمل..... انت قلبي والله انت زعلانه ليه طيب والله دي تهمه باطله وانا هبقي حاجة تانيه.. انا مش قليل يا عمري. طب بصي نقعد نفكر ايه اللي ضايقك ونحله بالله عليكي مَاتعملي فيا كده دانا حاسس بنفسي بيتقطع. دانت الحته اللي بتمناها من الدنيا فيكي ايه يا قلبي وانا هعملهولك.. انت بس شاوري وهتلاقيني تحت رجليكي... مش انا ادهمك وانت عشقي.. طب نقعد ونشوف وقولي اللي جواكي دانا خلاص وصلت وهحققلك كل حاجه دانا هفرحك قريب والله انا هكبر وانت معايا يا عمري.. طب ازعلي زي ماتحبي بس وانت في حضني اوعي تنزعي قلبي كده انا عارف ان اكيد اعصابك تعبانه مش كده يا قلبي.. ايوه هو كده قولي يا عمري فيكي ايه . كانت دموعه تسيل قهرا ويشهق بشده ويشدها اليه يعتصرها قهرا ويمسد علي شعرها ويقبله.. كان في حاله ياس وقهر فوق الاحتمال
(دا ايه الغلب ده منهم لله 😭😭😭)...
كانت قد تصلبت ثم دفعته فهتفت به بحده... ايوه فيا.. سنين وانت بتقولي مشروع وفلوس وتوهمني اني هبقي ملكه واخرتها تتلقحلي في السجن وتفضحني..
كانت كلماتها تنزل علي قلبه تهوي وراء بعضها ذبحا..لتتجمد دموعه ويشتد قلبه صلدا.. اوهمك...وفلوس.... انت كنت مستنيه فلوس..
فصرخت به.... امال مستنيه ايه الفلوس بتعمل كل حاجة وتشتري كل حاجه.... قعدت تقولي وتنفخلي فيك وانت ولا حاجه انا ذنبي ايه عايزه اعيش.. ليه ارضي بواحد زيك انا..
فهتف مبهوتا... واحد زيي..
فاكملت ....واحده بجمالي يتمنولها الرضا.... ارضي بواحد معدش ماحلتوش حاجه واخرتها رد سجون انت َمش حاسس بالمصيبه اللي فيك..
كان يبتعد عنها ليقيمها وينظر اليها وهيا تقطر سما من فَمها نظر ببلاهه.. مين دي الي قدامي.. كان امامها ممزقا  لكنها ارادت ذلك حتي تستحضر عزه نفسه حتي يلفظها خارج حياته.
هتفت...بص يا ادهم كنا وكان واتفرقنا وخلصت القصه وهتلاقي واحده ترضي بيك وانا اشوف حياتي. الدنيا موقفتش ماتبقاش قافش في الدنيا كده... لا خد منها واستغل الفرصه وانا صراحه عندي فرص ليه اسيبها وليه اربط نفسي واعيش معاك تخنقني وانا من حقي اعيش.. انا عايزه العز وانت بعيد عنه.. روح شفلك واحده يا ادهم ترضي بالاوهام اللي في دماغك انما انا لا.. هنتكلم في حب وبتاع وكلام فارغ هتخسر. وهنخسر وانا جايه عشان اكسب وانت تكسب وكل واحد يعيش حياته.. واطمن يا سيدي هبريك من كل حاجه ماتحملش هم وانا هعوز الكام ملطوش اللي هتديهملي خليهملك ربنا يعينك بقه عاللي جاي..
كان هو قد تجمد تماما واصبح كصخره عاتيه يتكسر عليها كل ما هو لين.. احس بانه تحول وقلبه انتزع من مكانه لتشعره بالدونيه وهو الذي في نفسه سلطان ليهتف ببرود.. لا والله هتبريني لا كتر خيرك فعلا دانت طلعتي طيبه ولقطه اه والله... انا ازاي ماشفتش المميزات الرهيبه دي.. ايه ده يا ادهم مراتك بلا فخر حاجه تشرف..
فتأففت بضيق..... ادهم اظن ماعتش له داعي.. انا خلاص انت خرجت من حياتي وجايلي فرص يا اخي بقه ماتحس..
فضحك بقهر.. احس.. احس.. فعلا لازم احس.. لا وانا خلاص خرجت من حياتك كتر خيرك مش كنت تاخدي رايي يا شيخه حتي قبل ماتبريني وتعتبري نفسك مطلقه هو انت متجوزه سوسن.. حد كان قالك عليا اني بقرون اسيب مراتي اول ما اقع تدور هيا  وتشوفلها سكه.. ماركبتش قرون ولا عمري هركب هتيجي انت تركبهملي..