- U -
" အမလေး အဲ့ဒီငါးတွေက ဘူး တစ်ဆယ်ကျော်တောင် မှာသွားတာနော် ကြော်စားစား ချက်စားစား စားချင်သလိုသာ စား "
ငါးဒိုင်ထဲကနေ လာဝယ်ရင် အပြင်က စျေးသည်တွေထက် စျေးသက်သာ၍ တစ်ချို့ဆို ဟင်းစားအတွက် ရှောင်းကျန့် တို့ ဒိုင်ကနေ ငါးလာဝယ်ကြ၏။
" တစ်ခါမှ မစားဖူးပါဘူးတော် "
ဝယ်သူက ငါးအားကြည့်ကာပြော၏။ ငါးမှာ အနည်းငယ် အမဲရောင်ဖြစ်ပြီး ပဟက်လေးတွေရော ကုန်းမြှီး နှင့် အမြှီးများမှာလဲ အနီရောင်လေး သန်းနေသေးသည်။
" အဲ့ဒါ ငါးမုတ်လို့ ခေါ်တယ် ကြော်ချက်စားကြည့် အိမ်က ကျန့်ကျန့်တောင် တော်တော်ကြိုက်နေတာ "
ရွှေဆွဲကြိုးအကြီးကြီးဆွဲထားသည့် ဒေါ်နန့်စံ က သူမ၏ သားကြိုက်ကြောင်းလဲ ပြောလိုက်သေးသည်။
" ဟုတ်ပါပြီတော် ယူမယ် ယူမယ် "
ဝယ်သူအဒေါ် နှင့် ဒေါ်နန့်စံ က စျေးတည့်နေကြ၏။
" အမေ ငါးဖယ်ဆုတ် လုပ်တဲ့ အထုတ်က ဘယ်လောက်လဲ "
ငါးဖယ်ဆုတ်လုပ်သည့်အထုတ်တွေအား ရေခဲဘူးထဲ၌ထည့်ထား၏။
" ၄၃၀၀ နဲ့ ပေးလိုက် "
ရာသီဥတုက ပူအိုက်လာပြီမို့ ဒေါ်နန့်စံက ယပ်တောင်တဖြတ်ဖြတ်ခတ်နေပြန်သည်။
ရှောင်းကျန့် တို့ မြို့လေးက ဖုန်းလိုင်းမိပေမဲ့လို့ မီးကတော့ မရပေ။
သို့ပေမဲ့ ညဘက်ကျရင် အိမ်တိုင်း၌ မီးစက်နိုးကြ၏။
မီးစက်မရှိသူများမှာလဲ ဘတ်ထရီအိုးလေးနှင့် ဆိုလာ မီးလေးနှင့် ဖြစ်သည်။
" အစ်ကို ရှောင်းဟန် လဲ မတွေ့ပါလား အစ်မ "
" အေး မင်းအစ်ကိုက ငါးမန်းသားခြောက်တွေ သွားပို့တယ်လေ ဘယ်နှစ်ရက်ကြာမယ်မသိဘူး"
အိမ်၌ ရှောင်းကျန့် ၏ အဖေအား မတွေ့၍ အသိတစ်ချို့က မေးကြပြန်၏။
" ယပ်တောင်ကြီး တဖြတ်ဖြတ် နဲ့ ရှောင်းကျန့်ရယ် ပင်လယ်နားမှာ နေတဲ့လူက ဒီလောက်ပူနေရင် ငါတို့တွေကောဟာ "
