- U -
" အဲ့ကလေးက အပြောသာဆိုးတာပါ စိတ်ထားလေးကတော့ ကောင်းပါတယ် "
" အဲ့ဒီ အပြောဆိုးတာကဘဲ လူတစ်ဖက်သားကို စိတ်အနှောင့်အယှက် ဖြစ်စေတယ်လေ "
အဘွားစုန် ၏ အပြောကို ရိပေါ်က ဘာမှမပြောဘဲ တိတ်တဆိတ်သာ နားထောင်နေပေမဲ့ ယန်ယန်ကတော့ ထိုသို့မဟုတ်ပေ။
နေ့လည်က ကိစ္စကို သူမ အလွန်အမင်း ဒေါသထွက်ရ၏။
သူမ သဘောကျနေသည့် လူရှေ့ကမှ အပြောခံလိုက်ရလေခြင်းဆိုပြီး စိတ်ထဲ မခံမရပ်နိုင်ရှိနေသည်။
" ယန်ယန်က လူကြီးဘဲ နားလည်ပေးလိုက်ပါ ဗျာ "
ဝမ်ရိပေါ်က စိတ်ဆိုးနေသည့် ယန်ယန်အား ဖျောင်းဖျပေးလိုက်ရ၏။
မဟုတ်ရင် ဒေါသက ပေါက်ကွဲထွက်တော့မလိုဘဲ။
" ယန်ယန် အိမ်ပြန်တော့မယ် "
" ကျနော် လိုက်ပို့ပေးမယ်လေ "
မိန်းကလေး တစ်ယောက်တည်း ညဘက်ကြီး အိမ်ပြန်တာ မသင့်တော်၍ ရိပေါ်က ယန်ယန်အား လိုက်ပို့ပေးလိုက်ရသည်။
----
" ဘွားစုန် ဆရာလေးက ဘယ်တော့ပြန်လာမှာလဲ"
အဖေ့မှာပါသည့် ငါးစည်ဘူးတွေကို ဆရာလေးအား စားစေချင်လို့ ရှောင်းကျန့် က လာပို့တာကို ဆရာလေးက ဟို ယန်ယန်ဆိုသည့် ကျောင်းဆရာမအား လိုက်ပို့သည်တဲ့လေ။
" ပြန်လာမှာပေါ့ ရိပေါ် က အထွက် ရှောင်းကျန့် က အဝင် လမ်းလွဲသွားတာနေမှာ "
" အဲ့ဆရာမကလဲ ကိုယ့်အိမ်ကို မပြန်တတ်ဘူးလား ယောကျာ်းပျိုလေး ရှိနေတဲ့ အိမ်မှာ အဲ့လိုဘဲ နေဝင်ညည့်နက်ထိ နေရသလား အလကား ကျောင်းဆရာမဆိုပြီး ပရမ်းပတာ နေနေတယ်"
" ဟဲ့..ဟဲ့..ရှောင်းကျန့် ရယ် အဲ့လိုမပြောရဘူးလေ မင်းနှယ့် အပြောအဆို ဆင်ခြင်ပြောမှပေါ့ "
" မဟုတ်လို့လား မိန်းမဖြစ်ပြီး အနေအထိုင်ကိုမတတ်ဘူး ဆရာလေးနား တောက်တဲ့မ လို လိုက်ကပ်နေတယ် "
" မိန်းကလေးတစ်ယောက်ကို အဲ့လောက်ထိ ပြောရသလား ရှောင်းကျန့် ! "
