#البطل_المغمور2 "زهور القمر"
#جمان_فريد
#الجزء_الثالث_والعشرين ".سقوط الأقنعة"
العمل الصالح هو الرفيق الوحيد في القبر
واحب الاعمال إلى الله الصلاة في وقتها
صلوا قبل
بعدين تعالوا للروايه..
قبل تقروها...اذكروا الله...وصلوا ع نبينا محمد..🌸
(الاحداث تدور في ليبيا لكن في زمن وظروف مختلفة عن الواقع الحالي..كلها من وحي الخيال )
💐💐💐💐💐💐💐💐💐💐💐💐💐💐💐💐
"ماتبيش تقري"
وهي مازالت ع حالها حال الرعب والصدمه...
هو جبد منها الكراسه وبدي يقرا..
(تسنيم..ياتسنيم اللي درتيه في دانيه نعرفه كويس..
نعرف انك خنبتي بحثها انتي وازهار من الشنطه الصبح لما خلتها ومشت مع انبار ونعرف ان انبار ساعداتك مرتين الاولى لما قالتلك ع موضوع بحثها وانتي عطتيه لغيرها والتانيه لما سحبتها بعيد عن الشنطه بش تاخدي البحث..وماتحاوليش تنكري كله موجود عندي بالصور بتنكري...ننشرهم ع الفيس)
مرر نظرهم عليهم وقال...gray cat...
كلهم كانوا مذهولين..
ودانيه مصدومه ع الآخر..عيونها قعدوا بين انبار وتسنيم وهي مش قادره تصدق اللي سمعاته..
اسماعيل لتسنيم:شن شعورك توا!!؟ عاجبك الموقف اللي حطيتي روحك فيه..!
هي كانت منزله راسها لوطا وترعش ودموعها ينزلوا ورا بعض..
اما ازهار بكل وقاحه وقفت وقالت:هادي وحده كذابه ومش اول مرة ديره الجو هو وتكتب ع كراسة حد دارتها لاكثر من بنت في الفصل..
ربى:لكن ولامرة كتبت حاجه كذب كله صح..
اسماعيل عقد حواجبه وقال:من هي هادي؟
ربى وقفت وقال؛هادي وحده استاذ من فتره كانت تكتب في رسائل ع كراسات البنات فيها معلومه عنهم تفضحهم بيها وتكون صح..
أزهار:شكلك تعرفيها كويس..
ربى:شن يابنات حق كلامي ولاكذب؟
البنات بأصوات منقطعه؛صح..ايه..مزبوط..
اسماعيل:خلاص انهوا الصوت...شبح لبنت من صفة الباب قاللها :اطلعي نادي ابلة جازيه..
:حاضر..ومشت طلعت بسرعه..
اسماعيل:تو ينحط مهزله للعب الصغار اللي ديروا فيه..وانتم التلاته ..ومرر سبابته ع انبار وتسنيم وازهار تو تتحسابوا..
ودانيه مازال قاعدن مش مستوعبه اللي صار..
ولاعارفه علاش تسنيم وانبار دارو فيها هكي..
شبحت لأنبار لقتها منزله راسها وتفرك في ايديها ببعض..
بعدين شبحت لتسنيم تبدلت ملامح وجهها للكره..
غيرت عيونها عنهم وشبحت القدام وبدت تغضب شيئا فشيئا..
ع خشة الأخصائيه..
؛السلام عليكم استاذ اسماعيل..
اسماعيل:وعليكم السلام..
الأخصائيه وهي تشوف لتسنيم كيف تبكي قالت؛خير ان شاء الله استاذ شن صاير...
اسماعيل مدلها الكراسه وقال؛اقري ياأبله..
خدت الابله الكراسه وقرت المكتوب فيها وشبحت لدانيه بعدين تسنيم...
واسماعيل حكالها اللي صار واللي سمعه من البنات..
هي بحده؛ممتاز ياتسنيم كويس هدا غير كنا نحترموا فيك ونقولوا تسنيم محترمه ومتفوقه وطالبه مثاليه..
وتسنيم تبكي بس مابتش تقول اي شي..
ازهار:كله كذب ياأبله..
الابله؛اسكتي انتي...التلاته..تسنيم وازهار وانبار اطلعوا قدامي للمكتب..تحركوا..
هما التلاته طلعوا من مقاعدهم وطلعوا برا الفصل...
بعد ماطلعوا الأبله مررت نظرها عليهم وقالت؛تو نعرفها من هي اللي دير في الحركات هادي.
شبحت للكراسات وقالت:كراساتهم هادم؟
اسماعيل هز راسه بإيجاب..
مشتلهم الأبله وقالت؛تو نعرفها من هي..
وبدت الابله تفتح في الكراسات وتقارن في الخطوط ببعض..
وكلهم يشبحولها..
ودانيه كانت مضايقه ع الآخر...
اكثر شي ضايقها احساسها انها غبيه وساذجه وكل مشي من تحتها زي الميه وهي مش حاسه بشي..
الأبله؛مافيش ولاوحده خطها يشبه خط اللي كاتبه الكلام..
اسماعيل؛طريقه الكتابه متاعها مختلفه واضح انها قاصده دير هكي بش مايعرفوهاش..
الأبله شبحتلهم وقالت؛عندكم مهله من هني لنهاية الاسبوع ماتطلعش اللي تكتب في الرسايل هادي حيتعاقب الفصل كله عقاب جماعي..فصل اسبوع كامل وترجعوا بعد اسبوع بأولياء اموركم...سمعتوني..
وهما في حالة صمت تام وخوف...
هي مررت عليهم نظراتها الحاده وطلعت..
واسماعيل طلع وراها..
اسماعيل؛ابله جازيه لحظه؟
الابله؛تفضل..
اسماعيل؛مانبيش ندخل في شغلك بس عندي اقتراح صغير ونتمنى تاخدي بيه..
؛تفضل استاذ..
اسماعيل؛عقوبه الفصل هادي مافيش منها فايده بدير دوشه وتكبر الموضوع اكثر..من رأيي وهما في المرحله هادي يتهددوا بالدرجات..مجرد تهديد..وهالتهديد مش حيتنفد لو جت البنت المقصوده بروحها لمكتبك بدون مايعرف حد وتعترفلك بروحها وتتكتمي عليها..يعني بش تتشجع وتجيك..
الابله وهي تفكر في كلامه هزت راسها وقالت؛عجبني اقتراحك..خلاص توا بنخليهم ونشوف شن يصير لبعد اخر حصه ماصار شي نفذ اقتراحك..
ابتسم مجامله وقال؛مشكوره جدا..
:عن اذنك..
اسماعيل؛تفضلي..
هي مشت..وهو خش للفصل..
اسماعيل؛شفتي يادانيه..
دانيه بضيق:اني مصدومه فيهم ياأستاذ مش مصدقه اللي داروه قصدي اني شن درتلهم بش يديروا فيا هكي..
ربى التفتت وقالت؛غيرة وحسد..
اسماعيل عقد حواجبه وقال:من هما اللي عطوهم موضوع البحث الاول؟
ربي شبحتلهم وقالت؛مجموعة خوله..
؛والله يااستاذ ماكنت نعرف هي جت تسال شن صار فيها قلنا
