آقُوٌآلَ رآقُتٌ لَيَ 💕

آقۆآلُ رآقتٌ لُيَ 102

#القدر:-

الاقدار انكتبت والنصيب انقسم! ومحد يموت ناقص عمر، اطمئنوا وارتاحوا وعيشو بنفس راضية، اتركوا الماضي ليورا وحبو الحياة الي انتو بيها! دائماً بهاي الحياة تروح على الشخص الي مسلم نفسه للأحزان يمر العمر وهو دافن نفسه وما عايش حياته مثل ما الناس عايشه لذلك بلشو اليوم بدعاء الصباح وطلو عالحياة بصورة حلوة وشنو ما واجهتو لا تنفعلون خليكم مسلمين أمركم لله ومطولين بالكم ع كل شي. راح تشوفون راحة وهدوء ونجاح وخير، لا تفقدو الامل برب العالمين بالعكس ع گد الصبر بيجي الجبر و ع گد التفاؤل بيه يجي الخير، بكل ثانية حاول انك تسوي شي زين الك ولآخرتك لو حتى تبتسم بوجه شخص ما تعرفه ! لا تخلي ذكر الله ينقطع من لسانك، خليك عايش بروح مليانة حب وبس هيج راح تكون راضي.