عشق من رحم الجحيم

الفصل السادس

الفصل السادس 

وبعد ليله كانت كالجحيم على عائله جاسم المنزلاوى
فى الصباح اليوم التالى..........

جاسم : هتعملى اى يا هاله

هاله بثبات:  زى م قولتلك يا بابا هروح ارفع قضيه عليه

جاسم : يعنى مصرة متقوليش برضوا عمل اى او حتى نكلمه يطلق من غير شغل المحاكم دة

هاله :  ايوة يا بابا مش هقدر اقول  ولو سمحتوا متضغطوش عليا والنبى وبعدين قولتلكوا هو مش راضى يتزفت يطلق وانا هروح المحكمه ارفع القضيه واسد هيمشيها بسرعه

اسد : انا تحت امرك يا هاله ومعاكى .....  صح مش عارف هتعملى دة ليه لكن عارف انه اكيد سبب كبير اوى وانا فى ضهرك

هاله : شكرا يا اسد ....... انا هدخل انام شويه (ثم ذهبت)

عزة : انتوا موافقينها على اللى بتعمله دة ...... موافقين نشوفها بتدمر نفسها كدة ونسكت موافقين

جاسم : اهدى يا عزة بنتك كبيرة وعاقله واكيد مش هتعمل كدة من فراغ

عزة : يعنى هتسيبها تخرب بيتها بإيديها....... بيت اى دة حتى لسه فرحها عليه3 اسابيع

اسد : ماما حضرتك شوفتى قد اى هى منهارة وبعدين هاله مش هتعمل كدة وخلاص وحضرتك عارفه قد اى هى كانت بتموووت فى مراد وبتعشقه كمان يبقى سبب اقوى من اى حد فينا

عزة : مهو دة اللى مزعلنى انها مش راضيه تقول وشايله الحمل كله لواحدها

جاسم : ما انتى عارفه هاله طول عمرها تبقى شايله الحمل  و الحزن جواها ومتقولش لحد ولا تشاركه مع حد  حتى نيرمين توأمها

عزة : صح نيرمين......هى نيرمين اللى كانت معاها اكيد تعرف حاجه

نيرمين : انا معرفش حاجه انا كنت فى مكتبى والخناقه حصلت فى مكتب مراد اعفونى بقا وسيبونى فى حالى (ثم ذهبت)

جاسم : لا حول ولاقوة الا بالله عليه العوض ومنه العوض ربنا يسترها

اسد : ان شاء الله خير وهاله قويه وهتعدى المرحله دى وهتطلع منها اقوى من الاول

فى غرفه هاله.........

كانت هاله مستلقيه على ظهرها وتضع السماعات في اذنها وتستمع لتلك الاغانى وكأنها هى التى تعبر عما يدور بداخل قلبها اللعين الذى احب شخص مخادع بل عشقه حتى النخاع ولكن ما الفائدة هى الان اصبحت كالجسد بدون روح..... من احبته خانها.... من عشقته قتلها 

كانت تستمع لاغنيه (I'm so lonly)

كانت تعبر عنها بتلك الجملتين كثيرا وهم

I'm so lonly broken angel

I'm so lonly listen to my heart

انا ملاك محطم وحيد
أنا وحيد جدًا ، أستمع إلى قلبي