عرين الأسد

البارت الاخير في الجزء الأول

عرين الأسد

#أميراحمد

______________________________________
"‏ أَمَامَهَا جِئتُ بالأَشْعارِ أقرأُها
والحُبُّ فِي عَينِها للشِّعْرِ ملْحُوظُ
تقُول "الله! يا حظّي" إذا استمَعَتْ
وَمَا دَرَتْ أنَّ هذا الشِّعْرَ محظُوظُ "
______________________________________

الدكتور : الجرعه الماخذها الطفل عاليه و ما اكدر اسوي شي كل الاكدر عليه اخليله مغذي

نور : لزمت الدكتور من ياخته ابني ما عاش حتى يموت سوي شي

حسين : دفعت نور تخبلت دكتور نعتذر بس هذا وحيده و فاقد عليه

الدكتور : الاحترام واجب اخي اني ما اشتغل عنده اشتغل عد الدولة

عباس : يا جماعه اهدو

نور : منتظر بغير عالم خلوله كانونه بركبته و كلبي نقسم نصين عباس اذا ارجع و اشوف بت الكلب بغرفتي مو بعيده ادخل السجن من وراها طلعها

عباس : خويه

حسين : عباس روح طلعها كلامه مفهوم شوف الجهال شصار بي

نور : بقينا ننتظر و هو غافي و لا رمش

الدكتور : اخذو المدينة الطب و راح تطلع وياكم سيارة اسعاف

نور : الله لا يحوجنا الكم حسين الزم المغذي

الدكتور : اتفضل هذا تقرير بحالته

حسين: نشكرك دكتور على جهودك

نور : ضامه بصدري اخوك أخذه التراب بس انت لا

علي : شنسالفتكم جان عندي واجب كوه نزلت

نور : بت الساقط مطيته منوم و الولد لا حس و لا نفس

علي : دمشي اصعد ناخذه البغداد اهنا امطايه الدكاتره لا تخاف انلحك عليه هذا شبل الاسد

نور : نفسه ودكات كلبه البطيئه تمشي السيارة دنيا فجر ايست من وضع منتظر حسين طلع التلفون من جيبي

حسين : شسوي

نور : طلعه و اطيني اياه

حسين : خوش

نور : اكتب مواليد منتظر و اتصلي على طيف

حسين : هاك

______________________________________

طيف : تعلمت من خالتي اصلي الفجر و بقيت اصلي لان جنت حامل بنظوري و من اصلي يتحرك صليت و اني لازمه بطني شصار لو انت يمي دك التلفون ألوو ها نور

نور : شعندج كاعده

طيف : جنت اصلي ليش

نور : طيف اريد امر عليج

طيف : صاير شي

نور : نظوري مريض و جايبه للمستشفى

طيف : منتظر ابني