( B)
Unicode -
ေကာ်ဖီဆိုင်လေးနဲ့ပတ်သက်နေတဲ့ အတိတ်မှတ်ညဏ်တွေကို ပြန်လည်ဖန်တီးအပြီးမှာတော့ ကျွန်တော့် Hyungလေးက အပျော်ကြီးပျော်နေခဲ့တယ်။ ခဏတာစိတ်ကောက်သွားပေမယ့် သူပြောသလို ငါးမိနစ်ပဲ စိတ်ကောက်ခဲ့တာ။
" ငါတို့အတွက် အချိန်သိပ်မရှိဘူးဆိုတော့ မိုးမတိတ်သေးခင် ေနာက်တစ်နေရာကို သွားကြရအောင်လား။ ကော်ဖီဆိုင်ရှေ့ ကားလမ်းတစ်ဖက်ခြမ်းက ပန်းခြံလေးဆီကိုလေ "
အစ်ကို့စကားဆုံးတော့ ကျွန်တော့်မျက်နှာက ပီတိတွေဖြာပြီး ပြုံးဖြီးသွားခဲ့တယ်။ အစ်ကိုပြောပြခဲ့တဲ့အတိုင်းဆို ဒီပန်းခြံလေးထဲမှာ ရင်ခုန်စရာ အခိုက်အတန့်တွေအများကြီး ရှိခဲ့ကြတာလေ။
" ပြီးတော့ အဲ့ဒီပန်းခြံထဲမှာ ဘာဆက်လုပ်ကြမလဲ။ အစ်ကိုပြောကြည့် "
ကျွန်တော့်ရဲ့ပီတိဖြာနေတဲ့ မျက်နှာကြီးက Overတွေဖြစ်နေခဲ့သလား မသိ။ အစ်ကို့နှုတ်ခမ်းရဲရဲတွေဟာ မလိုမကျသလို စူပုတ်ပုတ်လေးဖြစ်သွားခဲ့တယ်။ ပန်းနုရောင်သန်းသွားတဲ့ ပါးပြင်လေးတွေနဲ့ ရဲရဲနီလာတဲ့ နားရွက်ဖျားလေးတွေကတော့ သူရှက်နေကြောင်း သက်သေပဲပေါ့။
" မင်းသိပြီးသားဟာကို ဘာလို့ လာပြန်မေးနေတာလဲ။ သွားမယ် ထ "
အစ်ကိုပေါက်စလေး ကျွန်တော့်ကို အတင်းဆွဲခေါ်ပြန်တော့ စပ်ဖြီးဖြီးမျက်နှာနဲ့ ထိုင်ရာထမဘဲ ထပ်စနေမိပြန်တဲ့ ကျွန်တော်။ စိတ်မရှည်တော့သလို ကျွန်တော့်ကို လက်သီးဆုပ်တွေနဲ့ ထုရိုက်လာပြန်တဲ့ အစ်ကိုဟာ ကျွန်တော်ခေါ်နေကျနာမည်လေးအတိုင်း တကယ့်ဘေဘီလေးပါပဲ။
" ငါ့ကို စိတ်တိုအောင် မလုပ်နဲ့တော့နော် ဂျောင်ဂုရာ။ ဆိုင်ထဲကလူတွေတောင် ဝိုင်းကြည့်နေတာကို မင်းမရှက်တော့ဘူးလား "
မရှက်ပါဘူး...အစ်ကိုက ကျွန်တော့်အပိုင်လေးဆိုတာ သူတို့ပါ သိသွားတာပေါ့။ ဒါပေမယ့် ပါးစပ်ကတော့ ထုတ်မပြောရဲခဲ့ဘူး။ ထပ်ပြီးစိတ်ကောက်သွားရင် ခက်ရချည်ရဲ့။
" လာ သွားမယ်လို့။ မင်းဘာလို့ ပေကပ်ပြီးထိုင်နေတာလဲ။ ငါ့ကို မချစ်တော့လို့လား။ ငါမင်းအပေါ် အရမ်းဆိုးမိသွားလို့လား။ ဟုတ်နေတာပဲ...မင်းမျက်နှာကိုကြည့်ရတာ ငါ့ကို လှောင်နေသလိုပဲ "
YOU ARE READING
Rain On Me (Completed)
Historia Corta🏅Best Fiction Award (Eden Contest) မိုးတဖွဲဖွဲရွာတဲ့ နေ့လေးတစ်နေ့မှာ ကျွန်တော့်ဘဝရဲ့ ပထမဆုံး သူငယ်ချင်းနဲ့ ဆုံတွေ့ခွင့်ရခဲ့တယ်။ နောက်တော့ သူက ကျွန်တော့်ရဲ့ ပထမဆုံးချစ်သူဖြစ်လာခဲ့ပြီး မိုးရာသီဇာတ်လမ်းလေးတစ်ပုဒ် ဖြစ်တည်လာခဲ့တယ်။
