ဘ၀အဆက်ဆက်

💻

မိုးသောက်ရေ စကားခဏပြောချင်လို့ အပြင်ခဏ'
မဂျူးက မိုးသောက်ကို အတန်းပြင်ခဏခေါ်ထုတ်ပြီး

'ဥက္ကဌကြီးက ခဏလာပါအုံးတဲ့
ခေါ်ခိုင်းလိုက်တယ်။ အတန်းပြီးရင် သွားတွေ့လိုက်ဦး'

ဟုတ်မဂျူး'

ဂျူဂျူးထွန်းခိုင် ဆိုတာ မိုးသောက်လိုပဲ ကွန်ပျူတာသင်တန်းကဆရာမတစ်ယောက်ပါ မိုးသောက်ထက်လည်း စီနီယာကျတယ်။
အလုပ်ခွင်ထဲက မြင်ဆရာဆိုလည်း မမှားဘူး။

တစ်ခုခုဆိုရင် မုန့်ကျွေးဖို့မမေ့နဲ့နော် '

မဂျူးရယ် အထောင်းခံရမလား အပြောခံရမလား နှစ်ခုထဲက တစ်ခုပဲ နှစ်ခုလုံးလည်းဖြစ်နိုင်တယ် အမရေ'

သွားတွေ့မှာသာတွေ့လိုက်ပါ မိုးသောက်ရယ်။ပြီးမှ မဂျူးပြောတာမှန်တယ် ဖြစ်နေမယ်။

ဟုတ်ကဲ့ပါ ခဏနေလည်း ပြီးတော့မှာဆိုတော့သွားလိုက်မယ်စိတ်ချ။

အေးဒါဆို အမသွားမယ်နော်။

ဟုတ်ဟုတ်။

မိုးသောက်အတန်းထဲ၀င်ပြီး သင်တန်းချိန်ပြီးတဲ့ထိ တာ၀န်ကျေလိုက်ပါတယ်။ပြီးတာနဲ့ သင်တန်းတစ်ခုလုံးရဲ့ အပေါ်ဆုံးထပ်မှာရှိတဲ့ ဥက္ကဌကြီးအခန်း ဆီသို့ --

'ဒေါက်ဒေါက် ၀င်ခွင့်ပြုပါ ဥက္ကဌကြီး

ကဲလာပြီလား သမီးမိုးသောက် လာထိုင်အုံး'

ဟုတ်ကဲ့ ဥက္ကဌကြီးအခေါ်လွှတ်လိုက်တာ မဂျူးပြောပြလို့
ရောက်လာခဲ့တာပါ။

ဟုတ်တယ် သမီးကို ၀မ်းသာစရာ သတင်းပြောမလို့
ဆရာတို့ သင်တန်းကို ကိုရီယားနိုင်ငံက seoul national university (Snu)ကနေ စကော်လာပေးဖို့ ကမ်းလှမ်းလာခဲ့တယ်။သူတို့က ကမ္ဘာအဝှမ်းက နိုင်ငံ ၁၅ နိုင်ငံက ပညာသင်၁၅ ယောက်ကို
နေ၊စား ပညာသင်စားရိတ် ကအစ လစာ အဆုံး ထောက်ပံ့ပေးပါမယ် ပြောတယ်။ဆရာတို့ကလည်း လက်ခံလိုက်တယ်။ကန့်သတ်ချက်တွေ စည်းမျဉ်းတွေကို လိုက်နာနိုင်သူ အိမ်ထောင်မရှိသူ ကြိုးစားသူ သွက်လက်ချက်ချာမယ့်သူ ပြီးတော့ အရေးကြီးတဲ့ အသက်အကန့်အသတ် အရ ဆရာတို့ ဒါရိုက်တာ
ဘုတ်အဖွဲ့၀င်တွေ ဆုံးဖြတ်ချက်က‌ေတာ့ သမီးမိုးသောက်ကို
လာမယ့် ဂျူလိုင်လကနေ ဒီဇင်ဘာလအထိ ကိုရီးယားလွှတ်ဖို့ စီစဉ်ထားတဲ့အကြောင်းနဲ့ သမီးဘက်က ပြင်ဆင်စရာရှိတာ ပြင်ဆင်လို့ရအောင်ခေါ်ပြောတာသမီး။ဒီကနေ့ နေ့လည်လောက် သမီးဆီ မေးလ်တစ်စောင်၀င်လိမ့်မယ်။ဗီဇာ ကိစ္စနဲ့ ဟိုဘက် အဖွဲ့အစည်းက ဖုန်းနဲ့ အင်တာဗျူးကို ဘယ်အချိန်လုပ်မယ် ဆိုတာတွေ ကျန်းမာရေးစစ်ဖို့တွေက အစပေါ့ ။