YOU WILL BE MINE AGAIN ♥️🔞[ចប់]

EP10 : ខ្លាចញញើតគេ!

@Next Day ~~~~~

ធ្មេចបើកៗមួយខែបានកន្លងផុសទៅបាត់ហើយ ចំណែកឯទំនាក់ទំនងរបស់ ថេយ៉ុង នឹង ជុងហ្គុក វិញគឺនៅតែដូចដើមអាចនិយាយបានថាស្និទ្ធស្នាលគ្នាខ្លាំងជាងមុនទៀតក៏ថាបានព្រោះពួកគេជួបគ្នានៅជាមួយគ្នាសឹងតែរាល់ថ្ងៃ អ៊ីនណា វិញមិនបានដឹងរឿងអ្វីឡើយតែក្នុងចិត្តក៏មានការសង្ស័យខ្លះដូចគ្នាដោយ សារឥឡូវនេះប្ដីរបស់នាងប្លែកខ្លាំងណាស់តែនាងមិន ទាន់ដល់ថ្នាក់គិតថានាយលួច លាក់មាននរណាទេព្រោះគ្រប់ពេល ជុងហ្គុក តែងតែនិយាយលើកហេតុ ផលបែបនេះបែបនោះមករហូតទើបធ្វើអោយនាងជឿ

< ចៅហ្វាយតូចបន្តិចទៀតដល់ម៉ោងចូលប្រជុំហើយបាទ > អាឡិច និយាយប្រាប់ទៅ ថេយ៉ុង ដែលកំពុងអង្គុយឈ្ងោកមុខពិនិត្យសុីញេឯកសារ

< អ្ហឹម យើងដឹងហើយនាយចេញទៅចាំយើងនៅខាង ក្រៅមុនទៅយើងរវល់មួយភ្លែត > ថេយ៉ុង ប្រាប់តបគេវិញដោយមិនបានងើបមុខសម្លឹងមើលគេឡើយព្រោះរវល់តែសុីញេឯកសារអោយឆាប់រួចនឹងអាលបានឆាប់ទៅប្រជុំរួចហើយគេក៏ត្រូវមើលឃ្លាំងទំនិញបន្តទៀត

< បាទ > អាឡិច យល់ព្រមដើរចេញទៅចាំគេនៅខាងក្រៅសិនណាមួយគេក៏រវល់ធ្វើការដូចគ្នាគ្រាន់តែគេខ្លាចថា ថេយ៉ុង ភ្លេចទើបចូលមកនិយាយប្រាប់រំលឹកគេប៉ុណ្ណោះ

ថេយ៉ុង អង្គុយធ្វើការយ៉ាងយកចិត្តទុកដាក់ម៉ឺងម៉ាត់បំផុតពេលវេលាម៉ោងធ្វើការគេតែងតែក្លាយជាមនុស្សបែបនេះតែបើសិនជាពេលដែលគេនៅក្បែរ ជុងហ្គុក ចរឹកគេគឺមួយបែបផ្សេងទៀត

< ហ្ហេឺយ រួចហើយ > ថេយ៉ុង ទម្លាក់ប៊ិចចុចអង្គុយ ដកដង្ហើមធំបន្តិចក្រោយពេលសុីញេឯកសាររួចព្រោះ តែឯកសារវាច្រើនខ្លាំងណាស់តាំងពីព្រឹកមករហូត មកដល់ស្មាលនេះជិតថ្ងៃត្រង់ទៅហើយទើបគេពិនិត្យសុីញេវារួច

< នៅប៉ុន្មាននាទីទៀតទើបដល់ម៉ោងចូលប្រជុំ? >
ថេយ៉ុង ពោលឡើងមកតិចៗពេលមើលនាឡិកានៅ ជាប់នឹងដៃរបស់ខ្លួនទើបដឹងថានៅសល់ពេលប៉ុន្មាននាទីទៀតបានដល់ម៉ោងប្រជុំគេឃើញអញ្ចឹងក៏យក ទូរស័ព្ទចុចខលទៅនរណាម្នាក់

< ហាឡូ! >

< លោកនៅឯណា? > គ្រាន់តែអ្នកម្ខាងទៀតព្រមលើកភ្លាម ថេយ៉ុង និយាយសួរទៅនាយតែម្ដង