ولكنني أحببتك🥺 💛

1

كيف يعني اعرس نون انتو ح تجبروني عليها!! يا ولدي استهدأ بالله  كيف يعني نجبرك عليها!... طيب اها معنى كلامكم ده شنو وبعدين نون دي شافعه بالنسبة لي ياخ انا اكبر منها ما يقارب 15 سنة ربيتها بيدي دي...جايين هسي تقولوا لي اعرسها ما تخافوا ربكم ياخ،، عمو قال ليهو يا عمر نحنا عارفين الكلام ده كلو بس كمان دي وصية ابوها عايزنا نعمل شنو؟.. سكتاا مسافه ما عرفت اعمل شنو عقلي ما قادر يستوعب فكره انو اعرسها وكذا وفي نفس الوقت ما عايز اكسر بالوصية العملها ابوها علي فما كان قدامي غير اقول ليهم مش نون دي طيب انا بعرسها بس ختوا في بالكم انو انا ح اجي واعرس فيها ماهو ما ح تمنعوني من حقي برضو،،؟ أعمامي كلهم اتمحنوا ما كان في حل غير انهم يوافقوا بس العرس يكون بعد شهر وكذا..

______________-
    من جانبي
اول ما عرفت انو عمر ح يعقد علي  فرحت بس كمان كنت عارفه انو ما عرسني حب فيني لاا عرسني عشان وصية ابوي يعني كما الوصية دي ولا كان اشتغل بي.. وكيف يشتغل بي وهو شايفني زي اختو شيماء و بحكم انو رباني فما ح تجي في بالو انو يعرسني وكذا،، دموعي جات جاريه غلبني الاعملو يعني كان اهون علي ما يحبني بدل ينجبر علي  ليه يا ابوي تعمل كده ليه دخلتني في متاهة انا ما بقدر عليها؟! في بكاي داك جات شيماء من الباب تزغرد استغربت فيها اول ما شافت الدموع  اتهجمت جات علي جاريه قالت لي بسم الله مالك؟! ما رديت ليها بس الدموع عشره عشره،، قالت لي نون يا بت اتكلمي معاي مالك بتبكي عشان ح تعرسي عمر،، سكتاا وهي واصلت قالت لي عارفه عمر طبعو صعب بس برضو حنين وبتقدري تتأقلمي معاهو وبعدين مش انتي بتحبيه؟!  رفعت راسي  قلت ليها انتي ما عارفه داير يعرسني ليه؟؟؟! ما عارفه انو مجبور علي!!! قالت لي نون  عمر مافي زول بقدر يجبروا على حاجه وأأكد ليك تمام انو جزء منو عايز العرس ده يتم،، انفعلت فيها قلن ليها ما تكذبي علي انتي عارفه انو ما شايفني غير زي اختو وبس  قالت لي طيب طيب اهدي حتى لو هو شايفك زي اختو انتي طيب ماتحاولي تخليهو يحبك  هنا سكتا والبكى طار لي في راسي ده.. قلت ليها كيف يعني؟! قالت لي عادي يعني استغلي الفتره الح تكوني معاهو في بيتكم خليهو يحبك يا نون زي ما انتي  بتحبيهو،،، بقيت بفكر في كلامها منطقي شديد ليه انا ما أحاول اخليهو يحبني واكسب حبو جات لحظه في بالي وهو بحبني وكذا الفكره براها خلتني ابتسم وافرح كمان ليه فعلا انا ما أحاول؟!.....
___________
#ولكنني أحببتك "1"
من خمسه أجزاء بس 💛🌸
نون علي 💛🌸
_______
يخوانا انا بالجد محتاجه كومنتاتكم  💔❤️