كان الشرطي سوف يصفعها لكن فجأة وجد نفسه علي الارض من بوكس أعطاه له ريان
ريان بغضب: انت ازاي تتجرأ وترفع ايدك عليها انت متعرفش هي مين من امته واحنا بنمد ايدنا علي ستات
الشرطي وقف بسرعه وحياه : اسف يا باشا لكن ..
ريان : بس مش عايز اسمع صوتك
بص لحبيبه
ريان : قدامي
وشدها ولينه مشيت وراها واخدهم المكتب
ريان كان ساكت لحد ما دخل فهد
فهد : ريان في ايه
وبعدين بص لحبيبه ولينه الي قاعدين قلقنين جدا
فهد : انتوا بتعملوا ايه هنا
ريان : خد لينه وصلها
فهد : ماشي
فهد خد لينه ومشي بعد ما سلمت علي حبيبه
ريان ببرود : يلا
حبيبه : فين
ريان : قولت يلا يبقا تمشي ورايا وانتي ساكته
مشيوا ركبوا العربيه ووصلوا اخيرا وكانت الدقائق تمر وكأنها سنين دخلت حبيبه جري وكانت تبحث عن والدة ريان لأنها الوحيده التي سوف تدافع عنها
حبيبه : طنط نور
كانت نور في المطبخ واول ما شافت حبيبه وهي بتجري انخضت جدا
نور بقلق: حبيبه في ايه
ريان بغضب : هتقوليلها ولا اقولها انا
كانت حبيبه سكته
ريان بصراخ وغضب : انطقي ايه الي انتي عملتيه ده
نور : ريان فيه ايه وعملت ايه
ريان : هتنطقيييي ولا انطقك انا
حبيبه : ريان انا معملتش حاجه انا بس اتسابقت مره واحده
ريان : انتي غبيه صح انا مديكي العربيه عشان تتسابقي لا وكمان في مكان مش مسموح فيه وممكن تعملي فيه حادثه وكمان كدبتي قبل ما تخرجي
حبيبه : انا مش بكدب بس انا روحت قابلت لينه ولقينا الشله دي واجبرونا نروح معاهم بس لكن.
ريان قطعها : انتي طفوليه زياده عن اللزوم ايه شكلي دلوقتي لما اروح الشغل انتي عارفه انا عرفت منين واحد من الي جم الفرح اتصل بيا وقالي أن انتي في الزفت والحمد لله اني وصلت في الوقت المناسب
بجد انتي واحده مستهترة ومينفعش تكوني زوجه انتي مش بتفكري غير في نفسك وبس بجد انا مبقتش طايقك
حبيبه الدموع اتجمعت في عينيها ومقدرش تسيطر عليها ونزلت فعلا وكانت مكسوفه جدا ومحروجه لان كل البيت كان واقف كانت ياسمين ونور وعمرو زعلانين جدا علي حبيبه ولكن هناك عيون نصر وفرحه أيضا وكانت تلك هي ساره
نور : ريان كفايه كده اويي خلاص
ريان بغضب : لو سمحتوا مفيش حد يدخل ما بنا
نور : انت اتجننت بقا حبيبه تعالي معايا
اخدت نور حبيبه لغرفتها هي وريان ودخلت حبيبه غرفة الملابس بدلت ملابسها وخرجت وجدت نور تنتظرها
نور : تعالي يا حبيبه
حبيبه بحزن : والله يا طنط انا مكنش قصدي أن دا يحصل
نور بحنان : عارفه يا حبيبتي خلاص اهدي ريان شويه كده وهيبقا كويس
حبيبه : حاضر
نور : بس انا عايزة اقولك حاجه
حبيبه : ايه يا طنط
نور : انتي ايه شعورك لريان
حبيبه بتوتر : الصراحه مش عارفه
نور: ازاي
حبيبه : يعني مش عارفه انا بحبه ولا لا
نور بمكر : اه بس ساره بتحبه جدا
حبيبه بغضب : حبها برص
نور بضحك : طب ما انتي بتغيري اهو امال ايه بقا
حبيبه بخجل : بجد مش عارفه احدد شعوري ايه لريان
نور بحنان : متقلقيش مع الوقت هتعرفي
حبيبه : اممم
ريان دخل الغرفه بغضب واخد لبس ودخل الحمام
نظروا حبيبه ونور لبعض ثم ضحكوا علي هذا البارد
حبيبه : مش عارفه يا طنط هوا جايبه البرود ده منين
نور بضحك : ولا انا والله
خرجت نور وظلت حبيبه تلعب في هاتفها وخرج ريان بعد قليل وذهب السرير واعطاها ظهره ونام
حبيبه غضبت من تصرفه وأعطته ظهرها هي أيضا
ولكن لم تستطع النوم فاعتدلت له وحضنته بشده كان ريان مستيقظ وابتسم عندما فعلت هذا
وبعد فتره عندما تأكد من أن حبيبه نامت اعتدل لها ليعطيها وجهه وحضنها بشده ونام
