#رِفان_مع_كاتبة✍🏻🤍.
كاتبتنا اليوم كاتبة مميزة هلبا وبعيد عن الروايات فهي انسانه متواضعه وخلوقه واسلوبها حلو جداً واستمتعت جداً بالهدرزة معاها وفرحت هلبا لما قبلت انها تكون جزء من برنامجنا منطولش عليكم اكثر نبدوا في اللقاء🤍.
اللقاء كان عبارة على مجموعه اسئله وكان منها اسئله شخصيه وبرضو اسئله عن الروايات والكتابه 🤍
بعد السلام والتجهيز بدينا اللقاء🤍
رِفان : ماريا جاهزة نتوكلوا؟
ماريا : بسم الله.
رِفان : بسم الله . اول سؤال . كلنا عارفينك باسم ماريا هل اسمك حقيقي ؟
ماريا : لا مش اسمي الحقيقي للامانة يعني.
رِفان : تقدري تقولي اسمك ولا تحسي انه مش ضروري يعرفوه الجمهور؟
ماريا : بصراحة نفضل عدم ذكره لاسباب عدة اهمها ع شأن ناخذ مساحات حرية اكبر في كتاباتي.
رِفان : تمام السؤال التاني.كم مواليدك؟
ماريا : 1984😅.
رِفان : العمرك كله شباب مشالله😍♥️
ماريا : تسلمي كلك ذوق.
رِفان : تخصص ماريا الدراسي؟
ماريا : ادب انجليزي.
رِفان : تشتغلي حاليا او لا؟
ماريا : اكيد نشتغل الحمدلله و شغوفة بشغلي ع فكرة.
رِفان : حسيت،و توقعتك لغه عربيه للامانه.
ماريا : نحب اللغة العربية اكيد هي الاساس.
رِفان : من الاقتباسات والاشعار يلي تكتبي فيها في الروايه ركزت انك شخص مثقف مشاءلله♥️
ماريا : شكرا عزيزتي❤.
رِفان : شن اكثر شي تحب ماريا اديره وقت فراغها؟
ماريا : الكتابة و القراءة و سابقا كنت نحب ممارسة الرياضة و الرسم.
رِفان : متعددت المواهب كاتبتنا مشاءلله .
ماريا : الحمد لله بس والله حاليا مش زي قبل.
رِفان : اكثر شيئ يزعل او يضايق ماريا؟
ماريا : بصراحة اكثر شيء يزعلني وضع البلاد العام و نفسية الناس اللي تغيرت للاسوء الامراض الاجتماعية اللي انتشرت بينا بكثرة.
رِفان : ربي يفرج على البلاد والعباد💔.
ماريا : امين يارب.
رِفان : حالة ماريا الاجتماعيه؟
ماريا : متزوجة وام لثلاثة اطفال ❤️.
رِفان الله يبارك ربي يحفظهملك.
ماريا تسلمي يارب ويحفظ احبابك.
رِفان : مقوله او حكمه تحبهيها ومعتبرتها اساس توجهي بيه حياتك؟
ماريا : خير الامور اوسطها.
ماريا : انا ما نحب المغالاة في الشيء ايا كان حب كره عمل راحة.
رِفان حلو حبيت♥️.
رفان : من اكثر شخص مقرب لماريا؟
ماريا : والدي ربي يحفظه و يمده بالصحة و طول العمر.
رِفان : امين ان شاء الله ربي يخليه لك.
رِفان : كيف بدت ماريا في الكتابه كيف دخلتي لعالم الكاتبة شنو الشي اللي خلاك تكتبي ؟
ماريا : بصدق و للامانة من لمًا كنت طالبة جامعية كنت نكتب في شعر بالفصحى طبعا و شاركت في كذا مسابقة بعدها انشغلت في الحياة وبسبب تخصصي ابتعدت ع الفصحى فترة و بديت نكتب بالانجليزي قصص قصيرة
من فترة سنتين بديت نقرا في روايات ع الوتباد و شفت جمال الروايات بالعامية و قلت نجرب و جربت.
رِفان فكرتي تكتبي روايه بالفصحى حاليا؟
ماريا : نفكر بس تبي شغل هلبة و تفرغ بس الموضوع في بالي.
رفان : ان شاء الله تكتبي وتوصلي بيها العالميه تستاهلي♥️♥️
ماريا : شكرا❤❤.
رفان : من كان اول حد من عيلتك يعرف انك تكتبي في روايات؟
ماريا : زوجي الاول والاخير يلي يعرف من عيلتي حاليا.
رِفان : ربي يخليكم لبعض♥️.
ماريا : تسلمي.
رِفان : من اكثر شخص داعم لماريا سواء في الكتابه او في اي شي في حياتها ؟
رِفان : حيكون الجواب زوجك صح؟
ماريا : لا والدي بصراحة اكثر من دعمني سابقا و حاليا في كل شيء.
ماريا : ممكن مش عارف بموضوع الكتابة هذه بس انا ما وصلت اني نكتب الا بفضله هو من بعد الله.
رِفان: انا توقعت زوجك لانه الوحيد العارف ، بس طبعا سند البنت بوها مهما كبرت♥️.
ماريا : صح بس الدعم قد يكون غير ملموس يعني والدي كان ليه الفضل ان يخليني في المكان اللي انا فيه اليوم حتى في تخصصي و في كتابتي و وقت كنت نكتب شعر بالفصحى دعمني هلبة.
رِفان : ربي يعطيه الصحه ويخليه تاج على رؤسكم♥️.
رِفان : تتفكري اول يوم كتبتي فيه كيف كان شعورك وقتها وكيف كان شعورك بعد لقيتي الناس حبوها وفي ردود حلوة عليها وهل كنتي متوقعه النجاح يلي وصلتيله اليوم؟
ماريا : تعرفي كنت مرة نبكي و مرة نضحك زي المجنونة او مش مصدقة.
ماريا : رغم اني شاركت سابقا في مسابقات و فزت بس الرواية الاولى ليًا ع الوتباد كان وقعها واثرها مختلف
رِفان : توقعتي النجاح يلي وصلتيله؟
ماريا : ابدا و الحق يقال صح كنت محصلة عدد قراء كبير ع الوتباد بس لمست النجاح اكثر ع الفيس و كان الفضل لانسانة مستحيل يجي يوم و ننسى انها هي اللي بعثتلي و دورتني هلبة لعند القتني ام ميار الخير من وقت بديت انزل ع الفيس و حسيت ان رواياتي انتشرت اكثر و لاحظت زيادة نسب القراءة ع الوتباد.
رِفان : حلوو وان شاءالله توصلي لاكثر من هكي♥️♥️
ماريا : ان شاء الله يارب.
رِفان : اصعب شي يواجهك في الكتابه؟
تبو تعرفوا؟🤭 استنوا التابع بعد نص ساعه ♥️♥️
#رِفان_مع_كاتبة🤍.
