#رِفان_مع_كاتبة ✍🏻🤍.
ڪاتبتنا اليوم ، ڪاتبة قديمه ، بدت تكتب من سنة 2016 ، ڪاتبة انا عن نفسي يعجبني اسلوبها وقصصها واجد ♥️ ، لانها تتميز بـ قصصها العائلية الحلوه ♥️ ، وبعيدًا عن الروايات نحبها كَ شخصية ، لانها لطيفه جدًا وعسل بجد 🥺♥️♥️♥️.
رِفان : طبعًا الاسئلة حَ تكون مقسومه ليك قسمين ، قسم اسئلة شخصية ، والثاني اسئلة ليك كَ كاتبة ♥️ ،
شنو سنيورينا نبدوا ؏ بركة الله ؟
سنيورينا : تمام هي ♥️،
رِفان : شن هو اسم سنيورينا الحقيقي ♥️؟
سنيورينا: ملاك الخمسي ♥️
رِفان : عاشت الاسامي ملوكه .
سنيورينا : الله يسلمك حبيبتي ♥️
رِفان : كم مواليد سنيورينا ؟
سنيورينا : 1988
رِفان : العمر كله يارب ♥️
سنيورينا : تسلميلي ♥️.
رِفان : حالة سنيورينا الاجتماعية ؟
سنيورينا : عزباء
رِفان : سنيورينا من اي مدينة ؟
سنيورينا : بنغازي .
رِفان : مؤهل سنيورينا العلمي ؟
سنيورينا : بكالوريوس في ادارة الاعمال
رِفان : سنيورينا تشتغل ؟
سنيورينا : نعم نشتغل سكرتيرة في مكتب محاماة .
رِفان : مدينة خاطرك تزوريها ؟
سنيورينا : درنه ♥️.
رِفان : سنيورينا شخصية انفعاليه او هادية ؟
سنيورينا : والله علي حسب الموقف اللي نكون فيه بس اغلب شي هادية ♥️
رِفان : توقعت الحق نحس فيك كيوت بـڪل 😂🥺♥️
سنيورينا : هههه مش بالساهل نعصب 😁
رِفان : اكثر شي يجذبك في الشخص يلي تتعاملي معاه ؟
سنيورينا : اسلوبه .
رِفان : اقرب شخص ليك ؟
سنيورينا : بنت عمي ♥️.
رِفان : حلمك ؟
سنيورينا : حلمي ماعندش حلم كبير بس نتمني تتحسن ظروف الحياة في بلادنا
عشان اغلب شي نتمني نوصله وصلت فيه بتعبي ♥️
رِفان : شن الشي يلي ما تحبيهش في سنيورينا ؟
سنيورينا : انا انسانة نزعل بسرعة وهضا شي متعبني ومانحبش فيا 😁
رِفان : اكثر شي يفرح في سنيورينا ؟
سنيورينا : وقت ندير شي يفرح شخص غيري
رِفان : وين تشوفي في سنيورينا بعد 5 سنوات ؟
سنيورينا : الله اعلم بس ان شاء الله يكون في مكان احسن من توا ..
رِفان : وهكِ نكونوا كملنا اسئلتنا ليك الشخصية ، نبدوا في الاسئلة ليك كَ كاتبة ؟
سنيورينا : توكلنا ؏ الله ♥️.
رِفان : كيف اكتشفتي موهبتك في عالم الروايات ؟
سنيورينا : بصراحة كنت ديما وقت بنرقد نقعد سارحة في عالم تاني ونالف في عقلي في قصص وحوارات وشخصيات لعند مانرقد مافكرتش نكتب لعند بعد بدايت نتابع في روايات ونقرا قلت ليش مانحاول نكتب وفعلا بديت نكتب في افكاري علي الورق وبعدها بديت في اول رواياتي .
رِفان : اول ما بديتي تكتبي هل حصلتي دعم من اهلك وناسك او كان في اعتراض ؟
سنيورينا : باامانة الدعم كان من بنات عمي وعمتي ❤
رِفان : اول رواية ليك كانت " سأبتعد لأجلهم " كيف قدرتي تنسقي الاحداث وتألفي شخصيات وحوارات ، يعني هل واجهتي شوية صعوبه ؟ ، بحكم انها اول مرة طبعًا .
سنيورينا : كان موضوع صعب جدا بصراحة كاول رواية نكتبها وان تنسقي وتختاري الشخصيات وتفكري في مواقف تجذب الناس شي صعب بس بنسبة لاختياري لاسماء الشخصيات من الاقارب ومعارف وبنسبة للاحداث والحوارات من الحياة والمواقف الي قدامي تصير والقصص الي نسمع فيها وفي احداث من خيالي🤍
رِفان : تحبي في رواياتك ان الرواية يكون عدد حلقاتها طويل او قصير ، والسبب ؟❤️
سنيورينا : انا نحب الحلقات الطويلة وليش عشان صعب عندي نكتب رواية بتفاصيل وحوارات وبمواقف في حلقة قصيرة نحب نعطي كل المواقف مساحتها في الحلقة بس مانوصل لمرحلة الملل😁
رِفان : شي معين في الكتابه تحبيه مثلًا الاحداث القوية ، الحوار بين الشخصيات ، وكذا ؟
سنيورينا : اكثر شي نحبه ونستمتع فيه وقت اللمة العائلية والهدرزة والضحك بين الشخصيات وهك ، نحس فيه الكلام يطلع بسهولة 🤍
رِفان : نحس فيه اكثر شي يميز في رواياتك ، المواقف العائليه والبصارة بين الشباب والبنات تبدعي فيهن بصدق ، نعترفلك عن نفسي اكثر شي نحبه في رواياتك المواقف هذين ونحب نعاودهن اكثر من مره ❤️❤️
سنيورينا : تسلميلي من ذوقك ❤
رِفان : لو قتلك بطل من ابطال رواياتك تتمني انه يكون موجود في حياتك الشخصية ، من يكون ؟
سنيورينا : صلاح 😁 ، بطل ساكتفي بالواقع ولن احلم بالمستقبل ❤
رِفان : شن هي الرواية يلي من رواياتك قريبة من قلبك جدًا وتحبيها ؟❤️
سنيورينا : مسارات حياتنا ستتغير وسيم وملاك ❤
رِفان : رواية تحسي انها خدت منك جهد و وقت وتعبتي وانتِ تكتبي فيها ؟
سنيورينا : الماضي قاسي والحاضر اقسي وقلبي تعب بينهم ، نذكر وقتها كان عندي ظروف وكنت نكتب بصعوبة ونسرق في وقت سرقة وتعبت فيها 💔
رِفان : ربي يكون في عونك بجد ، وهي نذكر كانت رواية صعبه بـڪل وحزينه تبي جهد بـڪل. ♥️
سنيورينا : اها بس الحمدلله نهيتها وكان رد فعل المتابعين كويس فيها ❤
رِفان : هل جاء يوم فكرت سنيورينا بالأعتزال ؟
سنيورينا : ....
تبوا تعرفوا رد سنيورينا ؟ ، راجوني بعد نص ساعة. ♥️
يتبع ..
#رِفان_مع_كاتبة ✍🏻🤍
