رفان: بالنسبة ليك الاحسن ان تحصلي تفاعل قوي على كل رواية من رواياتك او ان الرسالة اللي حابة توصليها من خلال رواياتك توصل؟
سهيلة: إن واحدة تخشلي وتقوللي سهيلة قصتك أثرت في وعطتني حلول واجد ما كنتش لاقيتها
أو واحدة تخشلي وتقوللي سهيلة أنت ملهمتي أو قدوتي
عندي هذينا بمليون تفاعل.
رفان: شن الرسالة اللي حابة توصليها للقاريء برواياتك؟
سهيلة: كل رواية لها رسالة
مثلا انتشال كانت رسالتي حول اضطهاد المرأة وكيف إن المرأة تعيش دور الضحية لدرجة إنها تتقمسها فتكون ظالمة لنفسها وللي يحبوها بدل ما تكون مظلومة رغم إنها مظلومة فعلا
في عائلتي ولكن كنت حابة نوصل حب العائلة وقوة تمسكهم رغم كل الصعوبات
وغيرهن من السيناريوات
كل سيناريو كان لي هدف نوصله.
رفان:شخص تتمنيه يقرأ رواياتك؟
سهيلة: نجيب محفوظ نتمنى لو عايش وقرأ رواياتي ونقدهن.
رفان: اقرب رواية من رواياتك ليك؟
سهيلة: بهذا ارتضينا وانتشال الاقرب لقلبي.
رفان: اكثر رواية مش انت كاتبتيها تحبيها؟
سهيلة: اولاد حارتنا لنجيب محفوظ.
رفان: اكثر شخصية من شخصيات رواياتك مأثرة فيك وتتمني انها تكون موجودة في الواقع؟
سهيلة: شخصيات واجد الحق
معتصم في انتشال
مروان ومودة في عائلتي ولكن
بريلنتي في بهذا ارتضينا
رفان: برلنتي🥺❤.
رِفان : رواية ليك حسيتها انظلمت وماخدتش حقها؟
سهيلة: كل رواياتي 🥺💔.
رفان: صح والله موهبة زيك نتمنى تتحصل على اعلى تفاعل لان نشوف انك تستحقي تكوني التوب ❤️
سهيلة: تسلمي ياخية❤❤
رفان: شن هو حلم سهيلة ككاتبة؟
سهيلة: ننشر روايتي إنا رادوه إليك عالميا وتترجم لعدة لغات لان قضيتها مهمة.
رفان: يارب يتحقق حلمك وتشوفيه بين ايديك❤
سهيلة: يارب.
رفان: عناوين رواياتك مميزة ✨ كيف تختاري فيهم وهل واجهاتك صعوبة في اختيارهم؟
سهيلة: الحق إلهام أكثر من كونه اختيار فجأة يخطر الاسم ونعتمده.
رفان: ايهم اصعب الكتابة بالعامية ام الفصحى؟ وايهم تستمتعي بكتابته اكثر؟
سهيلة: الفصحى أصعب أكيد
نستمتع بالعامي لأني نحس به أكثر
بس نفضل الكتابة بالفصحى لأنها أقوى.
رفان: شعورك وانت تجهزي لإول رواية ورقية ليك؟
سهيلة: رهبة وترقب.
رفان: موفقة يارب.
سهيلة: اجمعين يارب.
رفان: وين تشوفي فروحك وصلتي بكتابتك؟ ووين حابة توصلي ؟
سهيلة: مازلت في اول خطوة
حابة نوصل عالميا ونخلد كتاباتي للتاريخ.
رفان: طموح حلو ❤️ يارب تحققيه.
رِفان :هل سبق وجسدتي شخصيتك الحقيقية في احدى رواياتك ؟
سهيلة: لا .
كتبت قصص حقيقية في أول سيناريوات يعني يكون السيناريو مش حقيقي بس قصة شخصية من الشخصيات فيها حقيقية .
بس شخصيتي أنا لا.
رفان: ايهم اصعب الكتابة من الواقع ام من الخيال؟
سهيلة: الواقع اصعب
لانك مجبر تكتب بنمط معين بس الخيال عادي مش محصور يعني
مثلا في انتشال واجدين انزعجوا من التغيير اللي طرأ على السيناريو لما شخصية سليمة سافرت لانهم عاشوا الواقعية وفجأة نقلتهم للخيال اللي مايمثلش واقع الليبين .
رفان: صح حسيت مش الكل تقبل الفكرة وقتها.
سهيلة: اي بالضبط.
رفان: تقري لكتاب ليبيين او لا ؟ لو تقري من تشوفي انه رواياته الافضل؟
سهيلة: للأسف لا ما قريتش 💔
نقرا نصوص على الفيس أكيد ونحب نقرا لمفتاح العلواني نصوصه جميله
بس روايات لا ما قرأتش.
رفان: أخر سؤال.. لو قابلاتك رواية وكانت الاملاء صفر بس السرد قوي والاحداث قوية هل تقريها او ماتفكريش حتى التفكير ؟
سهيلة: نقراها عادي بس على مضض😂
لأن الكل يخطئ حتى أنا عندي أخطاء والسبب إنك لما تكتبي بتطلعي من كل حواسك وتبدي تكتبي ومش مركزة وما عندكش وقت أحيانا تراجعي عن نفسي نكتب وقتي وننزل ما نجهزش
رفان: هذا سؤال خطرلي لاني نشوف فيك مهتمة جدا بالاملاء وتتنرفزي من الاخطاء الاملائية عند البعض 😂.
سهيلة: الي ينرفزني في الفصحى أما العامي فعادي ما هو العامي كل واحد يكتب حسب نطقه .
رفان: سؤال كنت حابة نسأله🥺
سهيلة: تدللي.
رفان: من وين خطرلك سيناريو انتقام الذاكرة تعبتيني بيه 😂
سهيلة: والله ما نعرف من وين 😭💔
نتذكر الفكرة جتني وأنا نقرا لامتحاني 😂😂 بس ما نعرفش كيف ووين هي الفكرة ما كانتش هكي بس تغيرت وأنا نكتب
رفان: يعني في فترة صعبة وقتها وفعلا كان انتقام ذاكرتك 😂
سهيلة: بالضبط😂😂😂😭.
رفان: اخيرا سؤال كنتِ حابه نسألهولك؟ او يكون من ضمن الاسئلة.
سهيلة: كل أسئلتك كانت ممتعة والحوار كان جميل جدا
أخيرا حابة نشكرك على كل شيء ❤❤.
رفان: الشكر ليك انت اللي رحبتي بيا وبأسئلتي ووافقتي اني ناخد من وقتك وندردش معاك.
سهيلة: شرف لي ❤.
رفان: في الختام كلمة حابة توجهيها لقرائك واللي يحبوك زي طبعا🤭.
سهيلة: التمسولي العذر على تقصيري وأخطائي وادعولي دائمًا التوفيق يكون حليفي ❤
رفان: موفقة وين ماكنتي يارب ❤ سعيدة جداا بحواري معاك وان شاء الله نكون سبب ان ناس جديدة تتعرف عليك وتحب كتاباتك ❤.
سهيلة: شرف لي والله.
وبارك الله فيك على الفرصة الجميلة هذه.
وبهكي تم اللقاء ويلي كنت منبيشي يتم على كثر ما استمتعت بيه🥺🤍
وان شاء الله نشوفوا كاتبتنا في العالميه وتوصل وين ماتتمنى🤍🤲🏻🌼.
استنونا في اللقاء الجااي مع كاتبه تانيه متالقه 🌼.
#رِفان_مع_كاتبه🤍🌼.
#رِفان🌼.
