رِفان_مع_كاتبة✍🏻🤍.
تابع مع ماريا الخمسي🤍
رِفان : اصعب شي يواجهك في الكتابه؟
ماريا : الانضباط في التنزيل و انا من الناس اللي نقدس المواعيد و ننحرج هلبة لو ما وفقت في التنزيل ع الوقت هذا اولا الشيء الثاني اني نركز ع التواريخ و نربطها ببعض احيانا تخونني الذاكرة.
رِفان : صح بس برضو الإنسان مرات يصيرله ظروف مرات النت مفيش او الضو او ظروف اخرى فلازم الكاتب يحاول ينضبط والقارئ يقدر الكاتب.
ماريا : اي اكيد و الحق لمست الاحترام من الاغلب وقت نتاخر او يصيرلي ظرف.
رفان : لانك ملتزمه في اغلب الوقت مشاءلله.
رِفان اكثر روايه تعبت فيها ماريا وخدت منها هلبا طاقه و وقت واثرت على نفسيتها؟
ماريا : اثنين
فتاة المراعي طيبة
و حجر صوان
رِفان : من ناحيه الكتابه او تسلسل الافكار والاحداث ؟
ماريا : فتاة المراعي من كمية الحزن اللي فيها وانا من الناس اللي تتاثر يعني نكتب و نبكي لدرجة مرة ولدي خاف اما شافني و بدي يبكي معاي تحشمت نقوله السبب 😅
رِفان : للامانه قعده مقريتهاش كنت بنبدا فيها قالولي فيها حزن قلت بعد رمضان نقراها بعون الله♥️.
ماريا : و بالنسبة لحجر صوان لحساسية الموضوع الاساسي متاع الرواية و متوقعة بصراحة من البداية اني ح نواجه هجوم بسبب الرسائل اللي فيها.
رِفان : صح نتابع في التعليقات وفيه هلبا حساسيه ومرة مرة هجومات ربي يكون في عونك♥️.
رِفان : من وين تستوحي في رواياتك من الحقيقه او الخيال؟
ماريا : هي خيالية بس الشخصيات اغلبها نقتبس فيها من الواقع انا الحمدلله عندي خيال واسع يعني حتى الروايات اللي نقراهم نتخيل في نهايات مختلفة ديما فنحب نربط بين ماهو موجود ع ارض الواقع وهذا من خلال شخصيات موجودة لكن احداثها و مسار حياتها مختلف.
رِفان : حلووو وهذا يلي محلي رواياتك انها مزبج.
ماريا : شكرا عزيزتي.
رِفان : لو خيروك روايه ليك تبدا مسلسل او فيلم اي روايه حتختاري؟
ماريا : الحق صعب نختار بس اعتقد مد و جزر
و اللي نتمناها مع اني عارفة مستحيل هي حجر صوان.
رِفان : مفيش حاجه مستحيله متندريش مرات تبدا وان شاءالله تبدا ♥️♥️♥️
ماريا : ان شاء الله انا قلت مستحيل للجدل اللي فيها
رِفان : ان شالله بلادنا تتهنا وتبدا الروايه مسلسل ونتفرجوا ويكون كله ماضي♥️
رِفان : كيف تقدري تقسمي وقتك بين الكتابه وبين حياتك العاديه مع كونك ام لتلاته اطفال فنحسه صعب صح؟.
ماريا : هو اكيد صعب بس انا ليا وقت خاص معاهم و الحمدلله نلقى في ساعات نهرب فيها لنفسي و لعالمي الخاص الحمدلله بس اكيد ليهم الاولوية قبل كل شيءٍ
رِفان : شخص تتمنيه يقرا كتاباتك؟.
ماريا : والدي.
رِفان : بالنسبه لماريا ماهو الاهم التفاعل وعدد المتابعات يلي تتحصلي عليها او الرسائل يلي في كل حلقه من رواياتك توصل للقارئ؟
ماريا : اكيد زي اي كاتب يهمني التفاعل و عدد المتابعات بس ابدا مش ع حساب التوجه اللي انا ماشية فيه .. و بصدق لو خُيرت بين الاثنين ح نختار الرسائل اللي نهدف انها توصل للقراء حتى و لو خسرت جزء منهم زي ما صار في الرواية الاخيرة.
رِفان : اكثر رساله تحاولي توصليها برواياتك للقراء؟
ماريا : الاختلاف في الراي لا يفسد للود قضية
نختلفوا عادي لكن ما يعني ان نخالفوا بعض بسبب هذا الاختلاف.
