#رِفان_مع_ڪاتبة 🤍✍🏻.
ڪاتبتنا اليوم ڪاتبة عسل بـڪل ❤️❤️ ، طريقتها في السرد والقصص يلي تختار فيهن ميزنها عن غيرها❤️ ، واسلوبها الحلو برضوا ميزها عن غيرها بـڪل ❤️ ، ڪاتبة انا عن نفسي غاليه عليا ❤️
من ايام رواية المستشفى ❤
رفان: اهلين آية❤
آيه: اهلين رفان ❤
رفان: آية الاسئلة حتكون قسمين القسم الاول آسئلة شخصية والقسم الثاني آسئلة عن آية الكاتبة ❤جاهزة اية
آيه: يس جاهزة 😎
رفان: ڪلنا عارفينك بأسم آيه ، هل هو اسمك الحقيقي ؟
آيه:ايوه اسم ايه اسمي الحقيقي ...بس مؤخرا عرفوه
فالبداية كنت نكتب ب اسم الصفحه مش بإسمي
رفان: كم مواليد آيه ؟
آيه: مواليد 1997
رفان: العمر ڪله ❤️
آيه: حبيبتي تسلمي ❤️
رفان:تخصص آيه الدراسي ؟
آيه:متخرجه من تخصص تقنية معلومات
رفان: تشتغلي حاليًا او لا ؟❤️
آيه: كنت نشتغل ... بس حاليا لا ما نشتغلش بس نقرا في معهد
رفان:شن اكثر شي تحب اديره آيه وقت فراغها ؟
آيه:نحب وقت الفراغ يا اما نتفرج علي يوتيوب او فيلم او نكلم صحباتي او نطلع نحب ندير الحاجات البسيطه الي تغيرلي في جوي ومرات نرقد 😂علي حسب المود
رفان : اكثر شي يزعل في آيه ؟
آيه:قلة التقدير و عدم الاهتمام اكثر حاجتين يزعلني لاني انسانه نعطي فكل طاقتي للناس فلو مالقيتش مردود او تقدير ولو بسيط مش مطلوب نفس ما انا ندير ف نزعل
رفان: ربي يبعثلك الناس الحلوه ديما ❤️❤️
آيه:امين يارب ❤️❤️❤️
رفان: حالة آيه الاجتماعية ؟
آيه: ههههههه بين البينين 🤣 بس لا مش مرتبطه
ارتباط رسمي الصراحه 🤪
رفان: مقولة او حكمه تحبيها ومعتبرتيها اساس ماشيه بيه في حياتك ❤️؟
آيه:"المكان الذي تضطر فيه لتبرير عفويتك ليس مكانك المناسب."
رفان: من اكثر شخص مُقرب لِ آيه حاليًا ؟
آيه: هلي .. ماما بالذات وبعدها صحباتي ❤️
رفان: هكي كملنا الاسئلة الشخصيةشنو آيه جاهزه للقسم الثاني ؟❤️
آيه: يس جاهزه 😎
رفان:كيف بدت آيه في الكتابة ، او شن الشي يلي خلاك تخشي لِ عالم الروايات وتبقي كاتبه ؟
آيه: كنت نقرا في روايات عربيه لكاتبين كبار و روايات خليجيه كانت مشهوره في وقتها كنت نقول كيييف يقدرو يكتبو مليون حرف هكي بدون ما يلخبطووو وبدون ما يضيع منهم السرد كم ياخذو في وقت تساؤلات واجد مسكت الملاحظات و بديت نكتب و كتبت رواية بلهجه اقرب للفصحي و ما نشرتهاش و امتسحت مني 🤣 وبعدها لقيت روحي قادره نكتب و سردي متقن وكان وقتها ٢٠١٤ بداية الروايات الليبيه ماكنتش نقرا فيهن بس يمرن عليا وكان في صفحة تكتب في روايات كوميديه ليبيه وعجبني كيف السرد و كيف تضحك حبيت الروايات بلهجتنا ف خشيت علي الصفحة الي انا توا ماسكتها و حطوني ادمن و كتبت اول روايه الي هي شباب ولكن وبديت 🤍
رفان:بداية حلوه بـڪل ❤️❤️
ربي يوفقك في باقي مشوارك
آيه: ان شاء الله يارب💕
رفان: تذكري اول يوم كتبتي فيه رواية ، كيف كان شعورك وقتها ، وكيف كان شعورك لما لقيتي الناس حبوها وفي ردود حلوه عليها ؟
آيه: اول رواية الي هي ما نشرتهش كانت بين صحباتي وشجعني واجد ... بعدها رواية شباب ولكن نذكر الصفحة كان فيها ممكن اقل من ٧ الاف لايك وكان فيها ادمنز واجد ويكتبن في روايات بعد بديت شباب ولكن الصفحة وصلت لل ١٠ الاف و زادت وكبرت و كانت اكثررر روايه تاخذ في لايكات وقعدت نشوف فيها تنتشر بين الصفحات والقروبات كان شعور حلو وكنت متحمسه بكلللل وكتبت بعدها روايتين بسيطات وبعدها جت روايتي المستشفى الي كانت سبب انطلاقتي ❤️ وحاليا الصفحة قربت عال 90 الف❤️
رفان: من كان اول حد يعرف انك تكتبي في روايات
آيه: ماما و صحباتي كلهن💗
رفان: اكثر شي صعب يواجه آيه في الكتابة ؟
آيه: اصعب شي الضغط من الفانز عشان انزل حلقة مرات من حبهم وحماسهم يبوها تكمل فنفس اليوم ومرات فيه ناس تخش وتقول في كلام مش لطيف ابدا بس بجد الكتابه بنفس السرد لي انا ماشيه بيه صعب ويبي جهد ووقت💔
و برضو لما يكون عندي ظروف ونكتب غضبا عني بس عشان نكون مواعدتهم ومانبيش نخلف وعدي اوووف اصعب شي 💔
عشان هكي ديما نقول انه كلها روايه ف خوذو الموضوع بسهولة بدون حرق اعصاب ❤️
رفان: اكثر رواية تعبت فيها آيه وخدت منها طاقة و وقت وجهد ♥️؟
آيه: اكيد كلهم يراجو مني نقول المستشفي 😂بس صدقوني اكثر روايه كنت مش مهتمه بيها لدرجه ماعرفتش انها انشهرت واجد الا بعد سنه 🥺😂... الحقيقه اخر روايات ليا تعبت فيهن الي هنا طوارىء يوميات موظفين رغم الخفايا كان عندي ظروف وكنت نكتب تحت ضغط ونوقف ونرد بس الحمدلله كملتهن
رفان: من وين تستوحي في رواياتك ( من الخيال او الواقع ) ؟
آيه: رواياتي ممزوجه بين الواقع والخيال ماننكرش انه اغلبهن نستوحي فيهن من خيالي بس الخيال في اغلب الاحيان يتحول لواقع🫢
رفان: لو خيروك رواية ليك تبدأ مسلسل او فيلم ، يا ترى اي رواية حَ تقترحي ؟
آيه: هو في اكثر من حاجه 🥺
بس لو رواية وحده ح نرشح سجين و رُوح ومتاكده هـتنجح🤍
رفان: كيف تقدري تقسمي وقتك بين الكتابة وحياتك العاديه ❤️؟
آيه: لاني ببساطه حياتي العاديه هي اولويه وبعدها تجي الكتابه يعني عادي نغيب شهور ما نكتبش او نوقف روايه مثلا كم يوم عشان عندي مناسبه بس لما نبدا نكتب روايه نحاول نلتزم و الحمدلله قادره نوافق بينهن❤️
رفان: عمرك وصلتي لمرحله انا خلاص بنوقف كتابه ونمسح رواياتي وننسى عالم الروايات ؟
آيه: ...
بتعرفوا جواب آية انتظرونا ف التكملة 😍
#يتبع
