اسيرة الانتقام

- لدي أصدقاء لا يقلوا عن العالم الآخر بشيئ، اتالم ولا أستطيع لمن أتكلم، تقتلني العزلة ولا أجد الا نفسي وحيداً مرمياً في زوايا الذكريات
كل شيء في العالم يزيحني نحو الوحدة ، كانت هي الشيء الوحيد الذي تعلمني إياه الحياة، حتى أولئك الذين ألتقيهم كلهم يبحثون عن أنفسهم من خلالي.
كنت أظن أنني سأتوقف عن التساؤلات عندما أعرف الأجوبة، لم أكن أعلم أن التساؤلات الحقيقية لا تأتي إلا بعد المعرفة.
هذه المرّه انا حقاً لا أعلم ما الذي يعنيه هذا الشُعور ، ولا أعرف كِيف سيستقر ، أنا لا اثق بهذا الهدُوء الذي أعيشه مُطلقاً.
لا أظن أن الأمر قابلاً للشرح ، إنها مأساة الذي يركض بكامل لهفته تجاه الأشياء، ثم يعود بخيبة شعوره الفذّ، يعود خاويًا وحزينًا وشنو
وشوكت
وشصار
كولشي ما اعرف اسئلة هواي بالي واريد اجوبة الهة
في احد البيوت العراقية بيت عائلة مليئة بالحنان والحب ليس فيه اي من الكره ولكن هل ستدوم هذه المحبة في هذه العائلة الجميلة
تعالو ندخل هذا البيت ونعرف شنو راح يصير بافراد العائلة

.................................~................

رجعت من المدرسة واني والجو حارر وصلت للبيت بس طبيت صحت

جووعااانة
الام :هاي بدال السلام عليكم

مزن :ماما الصبح جنت يمج عليمن اسلم

الام :دمشي امشي بدلي بين ما اصبلج غدة

مزن :اوكي ماما صعدت لغرفتي غسلت وبدلت

ونزلت اكل كملت اكل وغسلت مواعيني ورجعت

الغرفتي العب بالتليفون راسلت صديقتي سيلين

هاي مو بس صديقتي اختي وروحي من الدنيا

سندي واختي الجبيرة الي ما اتخيل حياتي بدونهة

كملت وكعدت ادرس ونمت هذا روتيني كل يوم

ثاني يوم كعدت هم كعدت نفس الشي بدلت ورحت

للمدرسة من رجعت جانو بيت عمامي يمنة ابن عمي

عباس عينة وصخة ويباوع علية بطريقة لعبت نفسي

رحت بدلت ونزلت جوة

صبيتلي غدة وكعدت اتغدة اجة عباس يمي وكعدت يباوع علية

شكو مضيع شي بوجهي

عباس :اعصابج ست مزنة

مزن :اولل شيي اسمي مزن منو انتة ودلعني وثاني

شي ما تستحي عايف الزلم وكاعد يمي زلمة جيس

حب
عباس:لسانج لا اكسر راسج

مزن :دكوم لك تكسر راسي مدلل الماما

كام لزمني من شعري لزمت ايدة

مزن :ايدك اذا تمدهة علية اكسرهة ما عاش اليمد

ايدة علية وهسة ولي هناك احسن ما الم الكل عليك

عباس :الي حساب وياج وراح رتبت مواعين وصعدت لغرفتي نمت

جانت حياتي حلوة صحيح تصير مشاكل بس ماكو

بيت متصير بي مشاكل جنت اشوف علاقة ماما

وبابا شلون قوية واحد يحب الثاني جانت حياتي

عبارة عن دراسة وتليفون ونوم ورغم عمري صغير

بس ذكية وعقلي جبير ولساني طويل وشخصيتي

قوية ما جنت اعرف انو بسبب الساني راح اوكع

بمشاكل هواي

مرت الايام ونجحت وصرت مرحلة دراسية جديدة

بأخر فترة كامت تصير مشاكل بين ماما وبابا بس

كلت مثل كل مرا فترا ويتصالحون عادي بس كامت

تكثر وبيوم بابا سافر علساس بشغل بالبداية جان

يصل علينة بس يطول ايام يلة يتصل بعدين بابا

اختفة نتصل علي ميجاوب ومرات مغلق دخلنة

برعب ليش وين اختفة انطينة خبر لبيت جدي اهل

بابا وكالو يمكن عندة شغل او تليفونة ضايع وما

مهتمين للموضوع وماما كولش تمرضت وكطعت

الاكل وخواتي واخواني يبجون علة بابا وبيوم من

الايام نزلت للمطبخ واشوف ماما متخربطة رحت

ركض لجيرانة اجت بنتهم يم اخواني ورحنة اني

والام والاب وماما للمستشفى كالو انو عدها فقر دم حاد ولازم ترتاح وتهتم بأكلهة بهاي الحضة ضجت من بابا كولشش وتمنيت اعرف شنو الشي الشاغلة عن عائلتة