- وَحِينما نحزَن فإننا نصمُت، صمتًا عميقًا، تمُر علينا الدقائق كالدهور..
لايوجد شكل ثابت للإنسان إننا نتغيّر بإستمرار تُغيرنا الكلمات،المواقف،الأيام،نحن مُجرد ردّة فعلٍ لكل مايحدث لنا في هذهِ الحياة.
انا ـلا استحق كل هذا الحزن ف واللۿ انا لم احزن احد من عبادك يالله...
تحطم ونكسار ونهيار علاقات ؟...
أنام الليل وأنا على أمل أن تتوقف الحروب التي بداخلي ثم أستيقظ الصباح على طلقات متجدده
لم أتصور أن تُصبح مثل هذه الرغبة عاده.
وجودي في هذا العالم أصبح مرهق أكثر من أي شيئ آخر، روحي تقتل في اليوم مئات المرات، أحاول النهوض مجدداً لكن كلما نهضت انتكست وسقطت.
........................................................................مزن:مرت3 اشهر وبيوم جنت راجعة من المدرسة
وضايجة لان ممجاوبة بالامتحان لكيت ام عباس واكفتلي بالباب عرفتهة تريد تسوي مشكلة
خير شكو
ام عباس :اكلج ليكون انتي مفكرة كاعدة بيت
الخلفج ليش ممسوية الغدة وخليتيني اني اسوي غدة
مزن:هوة مو بيت الخلفني بس بيت جدي ومو بيتج هم اوكيي
ام عباس :شنو انتي ميوكف بعينج احد لا جبير ولا صغير
مزن:محد يوكف بعيني عمة
اباوع عليهة شو هاي صاحت
ام عباس :لك عباس يمةة تعال شوف
اجة عباس
عباس :ها ماما
مزن:امدة حضي لك اني بنية وما اكول الامي ماما
ام عباس :ليشش وهية وينهة امج ملتهية بزواجها وعايفة بنتهة
مزن:عمة شو كمتي تخبطين هسة شجاب سيرة امي
عباس:هسة ع شنو صحتيني
ام عباس :لك يمة تعال شوف بنت عمك تعاندني
وتصيح علية وتكلي هذا مو بيتج وميوكف احد
بعيني
عباس:لجج انتيي شنوو ميفيد وياجج لا ضرب ولا رزايل شسوي بيج
ام عباس:ينرادلهة تربية ابوهة ملتهي يتزوج وامهة ملتهية تتزوج واحنة مبتلين بنتهم
عباس:هوة ما بقة شي وتخلصين منهة امهة وابوهة
ما يربوهة اني اربيهة شو
تعالي جرني من شعري ودخلني للغرفة جاب الحزام
وكام يضربني جنت هادئة ما قاومت ولا حجيت
شي وصلت لدرجة انو ما اكدر حتة احجي تكسر
جسمي من الضرب بس ما بجيت ما احب ابجي
كدام احد وابين ضعفي تعب من الضرب عافني
وقفل الباب علية واسمعة يكول الهم لحد يفتحلهة
الباب ولحد ينطيهة اكل ومي خلوهة حالهة حال
الحيوان وبعدهة تخربطت كعدت ولكيت نفسي
نفس نومتي باوعت من الشباك دنية ليل معقولة
لهاي الدرجة وصلت بيهم بنتهم مو غريبة اني
يضربوني وميسئلون علية ميتة لو عايشة كمت
واسحل بنفسي من الالم همزين اكو حمام داخل
الغرفة اخذت ملابس ودخلت اسبح رغم ما الجو
بارد بس سبحت بمي بارد ثلج اريد يهدة الوجع
البجسمي احس المي ينزل نار ع جسمي توضيت و
طلعت فرشت سجادة وصليت كملت وكعدت ادعي ربي وابجي
يا ربي ضاقت الدنيا بية والله بعدني طفلة الديصير
بية اكبر من عمري يربي والله تعبتت وين جنت وين
صرت يا ربيي اني شنو ذنبي اذا امي وابوي نفصلو
ليش كاعد اتعاقب ع شي مسويتة تعبتت والله شنو
سويت ودتعاقبني هيج يا ربي اذا جان امتحان من
عندك فأني مو كد هل امتحان والله كمت ابجي
كمت اخذتلي حباية منوم ونمت واني دموعي ع
خدي وعندي امل انو حتتغير حياتي مجنت اعرف
شنو راح يصير وشلون راح تتغير حياتي
.................يتبععع
طبعا دتشوفون ماكو احداث هواي بالقصة لان بداية القصة بعد مصاير شي مضاهر البطل مضاهرين الاشخاص المهمين بالقصة غير مزن البطلة فهية الدتحجي وبس بس من راح يضهرون الابطال حتشوفون هواي احداث وكلام
متابعة حبايبي وتعليق ع البارتات
أنت تقرأ
اسيرة الانتقام
General Fiction- هذا العالم موحش، للحدّ الذي تجد الكثير حولك، مع ذلك لا تجد من تخبره بسواد ايامك، فتضطر لكتابة شعورك حتى ترصد من يشبهك هذه اللحظة.
