#unicode
Giselleက ထူးဆန်းတဲ့ မိန်းကလေးဖြစ်ပေမယ့်လည်း သူမရဲ့အကြောင်းတွေ ပြောပြဖို့ Yizhuo ဖိအားပေးမမေးခဲ့ပါဘူး
Giselleက အေးချမ်းပြီး ငြိမ်သက်တဲ့မိန်းကလေးဖြစ်လို့ Yizhuoလည်း တိတ်ဆိတ်နေတယ်လေ
Giselleနဲ့ ပတ်သက်ပြီး အရမ်းသိချင်နေပေမယ့်လည်း Yizhuoက မမေးဘဲ Giselleကိုယ်တိုင် ပြောပြမယ့် အချိန်ကိုဘဲ စောင့်နေခဲ့ပါတယ်
Yizhuoဟာ သူ့အကြောင်းနဲ့ ပတ်သက်ပြီး တစ်ဖက်လူကို ပြောပြရတာမျိုး မကြိုက်ပေမယ့် တစ်ဖက်လူပြောမယ့် စကားတွေကို နားထောင်ရတာတော့ သဘောကျသည်
အထူးသဖြင့် Giselleရဲ့ စကားတွေပေါ့ Giselle ပြောတာကို နားထောင်ရမှာ Giselleအသံကို နားထောင်ရတာ အရမ်းနှစ်သက်သည်
ဘာလို့ နှစ်သက်မိလည်းဆိုတာ သူမကိုယ်တိုင်တောင်မသိပေ
"ငါ လမင်းကြီးကို သဘောကျတယ် "
လမင်းကြီးကို ကြည့်ရင်း Giselle ရေရွတ်လိုက်သည်
Giselle ကြည့်ရတာ တည်ငြိမ်ပြီး မျက်နှာပေါ်က အပြုံးသေးသေးလေးကလည်း ရှိနေသေးသည်
"လမင်းကြီးကို သဘောကျတာလား "
"ဟုတ်တယ် လမင်းကြီး ဖြစ်ချင်တယ် "
"ဘာလို့လည်း "
"အမှောင်ထဲမှာ ထွန်းလင်းလို့လေ အမှောင်ထဲ လမ်းပျောက်နေတဲ့ လူတွေကို ငါ အလင်းနဲ့ လမ်းပြပေးချင်တယ် "
"သူရဲကောင်းဆန်တဲ့စကားလေးဘဲ "
Yizhuo စကားကြောင့် Giselleရယ်လိုက်သည်
"အမှောင်က ကြောက်ဖို့ကောင်းတယ် မဟုတ်လား....အမှောင်ထဲ လမ်းမပျောက်ချင်ဘူးမဟုတ်လား "
အမှန်ပါဘဲ အမှောင်က ကြောက်ဖို့ကောင်းတယ်လေ
ဒါပေမယ့် လမင်းကြီး ရှိနေလို့ တော်သေးတာပေါ့
အထီးကျန်မှောင်မိုက်နေတဲ့ Yizhuo ဘဝထဲ ရောက်လာတဲ့ Giselleလိုပေါ့
Giselle ရောက်မလာခင်ထိ Yizhuo ဘဝက ပျင်းစရာကောင်းခဲ့တယ်လေ
Giselleလို ကောင်မလေးက သူမနဲ့ထိုက်တန်ပါ့မလားလို့တောင် Yizhuo တွေးမိသေးတယ်
