||King's a Cup of Rum||

Intro

NY 1762
CAMWICH KINGDOM

"CamWich နိုင်ငံ​တော်၏ အရှင်သခင် King William X Robert Sean နှင့် Queen Avate Mateno Sean တို့၏ ​သန့်စင်​သောသွေးသား ။ CamWich နိုင်ငံ​တော်၏ သန့်စင်​သော အရှင်သခင်​လောင်း Crown Prince Eustass X Khol Sean ၏ ကြွယ်ဝ​သော ပညာများဖြင့် လာ​သောလမ်း​ကို ကြိုဆိုချီး​မြှောက်​သော အားဖြင့်....."

မိုက်ခနဲဖြစ်သွား​သော ခံစားချက်နှင့်အတူ သူ၏ကမ္ဘာသည်ချာချာလည်သွားသကဲ့သို့ခံစားလိုက်ရသည်။

တိတ်ဆိတ်​သောအခန်းတွင်း အသံတိတ်ငို​ကြွေး​နေစဥ် ရုတ်တရက်ဆိုသလို လူအုပ်ကြားထဲ​ရောက်သွားတဲ့အခါ ဘယ်သို့​သောအရာကိုမှ နားလည်နိုင်စွမ်းမရှိဘူး ဖြစ်ရ​ချေသည်။

တီးမှုတ်​နေ​သော ဘင်ခရာအသံများ ၊ ကြဲချ​နေ​သော ​အ​ရောင်စုံ ဖဲစများ.. ထို့အပြင် လူထုအများ၏​​သောင်း​သောင်းဖျဖျအား​ပေး​နေသံတို့သည် သူ၏ပတ်ဝန်းကျင်တစ်​လျှောက် အလွန်အမင်းပျံ့နှံ့​လျက်ရှိ​နေပြီး သူ၏နားစည်ကိုအလွန်အမင်းထိခိုက်​စေ​၏။

​ဒါသည် ​ခြောက်ကပ်​နေ​သော အခန်းတွင်းမှ သူမကျွမ်းဝင်​သော နယ်​မြေသို့ ရုတ်တရက်​ရောက်လာရခြင်း၏အကျိုးဆက်ဖြစ်​ပေမည်။

အ​ရောင်စုံကာ လင်းလက်လွန်း​နေ​သောပတ်ဝန်းကျင်​ကြောင့် ဘယ်​သောအရာကို​ကောင်းစွာမမြင်ရ။ အရာရာမှာမျက်စိရှုပ်​နေ​စေ၏။

ရုတ်ချည်း...ရုတ်ချည်းဆိုသလို ဖြစ်သွား​သော အလုံးစုံသည့် ကိစ္စရပ်တို့အား သူသည် မနည်းလိုက်မှီ​အောင် စဥ်းစားလိုက်ရသည်။

သို့​သော် အ​ဖြေကား Prince Eustass X Khol Sean ၏ ချီးမြှင့်ပွဲ ဆိုသည့် အဖွင့်စကား​နောက် ​ပြေ​လျော့ကာ​ပေါ်လာ​​လေပြီး သူသည် မူး​ဝေချင်သည်ထက် ငိုချင်သည့်ခံစားချက်တို့ ရင်ထဲပြည့်လျှံလာ​လေ​တော့၏။

ဤ​နေရာ...ဤ​​နေ့သည် သူနှင့် ပထမဆုံးအကြိမ်​တွေ့ဆုံ​သည့်​နေရာမဟုတ်ပါလား...။

ထိန်းမရသိမ်းမရဖြစ်​နေ​သော ခံစားချက်တို့ကို ထိန်းရင်း ပတ်ဝန်းကျင်တစ်​လျှောက်အား လိုက်ကြည့်မိတဲ့အခါ လူမှာဝမ်းနည်းဝမ်းသာ တစ်ဆက်တည်းလာ​သော ခံစားချက်ကို လက်ခံလိုက်ရ၏။