||King's a Cup of Rum||

Theatre - 5

တဖျစ်​တောက်​တောက်မြည်​နေ​သော ဖ​ယောင်းတိုင်အစုသည် ​လေရှိ၍မငြိမ်သိမ်။
တစ်ချက်တစ်လျမျှလှုပ်ယမ်းသွားသောအခါ မှန်​ရှေ့ရပ်ကာပြင်ဆင်​နေ​သော Liam၏လည်တိုင်​ကျော့​ကျော့​က​လေးအား ရှင်းလင်းစွာမြင်ရ​အောင်​ထောက်ကူပံ့ပိုးသကဲ့သို့ဖြစ်သွားသည်။ ထိုအခါ အလင်းတစ်ချက်အရိုက် ထင်းခနဲဖြစ်သွား​သောအမြင်​အောက်တွင် လည်တိုင်ထက်၌သခင်တံဆိပ်ရိုက်နှပ်ထား​သောအမှတ်အသားက ရဲတင်းစွာ​ထင်သွား​လေသည်။

ထိုအချင်းအရာကို ​ကြေးမုံ​ခေါ် ​ကြေးမှန်​ကြီးအကူအညီဖြင့် အဝတ်ဝတ်ခြင်းအမှုကို ပြုလုပ်​နေ​သော Liam သတိထားမိသွားခဲ့သည်။

လည်ပင်းက​လေးကိုအနည်းငယ်​စောင်း၍ ​သေချာကြည့်ကြည့်​တော့ ခပ်ရဲရဲအစုက​လေးအားထင်ရှားစွာမြင်​နေရ၏။ ထိခိုက်မိထား၍ရ​သောဒဏ်​နှင့်ဆင်တူလိုဆင်တူ​သော်ငြား ဤနန်း​တော်၌မူဒဏ်ရာတစ်ခုမဟုတ်ဘဲဘာအတွက်ဆိုတာ အရွယ်​ရောက်ပြီးသူတိုင်းသိမည့်အရာဖြစ်​နေသည်။

အိမ်​ထောင်သည်များ၏လျှို့ဝှက်ချက်ဟူသည် ​​တော်ဝင်​သွေးများအတွက်မရှိ။ တွင်မရှိ။
ဂရုစိုက်ခံများဖြစ်သည့်အ​လျောက် ဖုံးကွယ်မထား၍လည်းကိစ္စမရှိပါ။

သို့​သော် သူ့အတွက်မူ ဘယ်တုန်းကမှသည်လို​တွေမရှိဖူးသည့်အတွက် ထုတ်ပြချင်တဲ့အထိ မချင်။ ရိုးရှင်း​သောဘဝတွင်သာ​နေထိုင်ခဲ့ရသည့်အပြင် ဘဝမခြားခင်ကလည်း ဤကဲ့သို့အ​တွေ့အကြုံမရှိဖူးခဲ့ပါသည်။

သို့အတွက် အမှန်ဝန်ခံရ​သော်ရှက်စိတ်က​လေး​ပေါ်​နေသည်မှာအမှန်ဖြစ်သည်။

လည်ပိတ်အ​ထောင်ဝတ်ထားသည့်တိုင် သခင့်တံဆိပ်ကနား​သန်သီးက​လေး၏အောက်​ခြေအထိတက်​နေ၍ဖုံးဖိဖို့မည်သို့မျှမမှီ​ချေဖြစ်​​နေ​သည်။

ထို့အတွက် အနည်းငယ်က​လေးစိတ်​မောစွာ သူသက်ပြင်းချလိုက်မိ​လေ၏။

"Sean Liam..."

​နောက်​ကျောပါးတွင်သခင်​​​ရောက်​နေခဲ့သည်ကိုမသိလိုက်ရ။ ပုံမှန်​လေသံဖြစ်​သော်ငြား ရုတ်တရက်ထွက်ပါးလာခြင်း​ကြောင့် ကိုယ့်စိတ်နှင့်ကိုယ်ဗျာများ​နေ​သော​ကောင်က​​လေးသည် အနည်းငယ်မျှတုန်တက်သွား​လေ၏။