*وكملت ميسون وكأنها سمعت أفكاري اللي بدور جوه رأسي..
_حميد لسه بيحبك وبعد اللي عرفه حبك أكتر أنا متأكده من كده..
_عرف إيه ياميسون؟
_يعني مش عارفه..
_لا والله مش عارفه أي حاجه صدقيني..
*صرخت عليا وقالتلي بدموع القهر..
_أنتي دمرتي حياتي ... هديتي اللي كنت ببني فيه من سنين كنت كل مفتكر انه نساكي ارجع واشوف جوه عيونه حبه لكي .. كنت بتقهر لما اسمع اسمك اللي بيهلوث بيه وهو نايم كنت بشوف نفسي جوه عيونه انتي .. سنين وانا بحاول أظهر سعادتي في شوية صور بنشرهم ع الفيس ولا ع الانستجرام علشان تشوفيهم انتي كنت واثقه انك متابعه
كل اخبارنا لاني أنا كمان كنت متابعه كل حاجه تخصك وهو
كمان .. بس كل الصور ديه كانت كدب ضحكه حميد وفرحته كانت مع حبيبة وبس وهي الحقيقة الوحيدة اللي في حياتنا..
*قد ايه انتي بتتعذبي ياميسون بس انا كمان زيك بالظبط ع الاقل انتي كنتي بتتعذبي وهو قريب منك بتشوفيه كل يوم وتلمسيه وتشمي رايحته وتنامي جنب منه ... لكن انا مكنش
باقي ليا منه غير شوية ذكريات حلوة...
_انا ماليش ذنب انا كمان كنت بتعدب زيك واكتر منك انتي عارفه أنا عملت ايه علشانه..
*سألتها وانا متأكده أن الاجابه مش عندها وانا واثقه أنها مش عارفه اي حاجه ولا عارفه تمن تضحيتي علشانه لكن
اتفجئت انها عارفه كل حاجه زي ماهو كمان كان عارف أو عرف من وقت قصير....
_ضحيتي يسلام انتى كنتى ضعيفة خوفتي واستغنتي عن حبيبك علشان جبنك ومجرد تهديد فارغ من أب اناني..
_أنتي بتقولي إيه؟
_بقول الحقيقة اللي أنا عرفها وحميد كمان ... مش ابوكي
هددك من عشر سنين وخلاكي ترفضي حميد وترفضي انك
تنجوزيه وتسفري معاه...
_ميسون عرفتي الكلام ده من مين؟ عمي عبد الوهاب هو اللي قال لحميد..
*هزت رأسها وهي بتولع سيجارة تانيه بصوابعها اللي لسه بترتجف وضحكت وهي بتقولي..
_عايزني أصدق انك مكنتيش متقفه مع باباكي على كل حاجه قبل مايقول الحقيقة لحميد..
*بابا .. بابا هو اللي قال لحميد مش ممكن .. بابا اللي رفض من عشر سنين جوازي منه اللي هددني انه هيخلص عليه
بسهولة في اي حادثه من تدبيره هو اللي قاله ع الحقيقه
بابا اللي مرحمش دموعي ولا توسلي له علشان يسبني اروح معاه هو اللي قاله ع السر اللي دفنته جوه قلبي سنين .. بابا
اللي وقف يتفرج عليا وانا بنهار وادبل وبموت وقلبه كان اقسي عليا من الحجر ... معقول مفاجأة تانيه يا حامد يابو
المجد مفاجأة جديده من مفاجأتك الغير متوقعه اللي بتظهر
بعد موتك طيب ليه من الأول عملت فيا كده؟ ليه مسبتنيش أعيش معاه السنين اللي ف......
_قولت خلاص انا راضية براجل من غير قلب وروح معايا كنت راضية بحميد الزواج الرائع اللي مكنش بياثر معايا وكان بيديني كل حقوقي بإخلاص راضيت بزوج رائع طيب حنون بيخدني جوه حضنه دايما من غير ماطلب منه حميد
احن أروع اب في الدنيا وقولت مش مهم قلبه مش مهم عقله وروحه اللي مش معايا كفاية انه زواج مثالي وأب رائع
بس كل ده اتغير من شهر تقريبا لما باباكي اتصل بيه وشوفت صدمته بعيني لما رد عليه وعرف الشخص اللي بيكلمه مين ولما نطق إسمه عرفت انه ابوكي ياطيبة ولقيت حميد بيتصدم أكتر ولون وشه بيتغير وكل اللي كان بيقوله..
_ليه عملت فينا كده؟ ليه كل القسوة ديه؟ ليه فرقتنا عن بعض ... وبعدها خرج وقالي على كل حاجه زي ما قالي في بداية علاقتنا عنك وعن اللي عملتيه وعن اللي قولتيه لما راح يتقدملك...
*فوقت على كلامها وبيقت اسمعها وانا سكته مش قادره أصدق اللي بسمعه وعذرتها وقدرت كرهها ليا...
*مسحت دموعها وقعدت اخيرا وهي بتتنفس وتبصلي بكره..
_قالي الحقيقه اللي مكنتش عايزه اسمعها ... حامد أبو المجد هو اللي فرق بيني وبين طيبة ياميسون هو السبب في انا طيبة ترفضني لما روحت أتقدم لها هو اللي قالها تقولي انها مش عايزني ومش عايزه تسافر معايا وعايزه تعيش في المستوى اللي اخدت عليه ... هو السبب في كل
حاجه حصلت معانا مكنش عايزيني كان بيكرهني زي ما كان بيكرهه بابا و ماما وكل ده ليه لانه كان عايز ينتقم مننا
ومن طيبة بسبب نفسه المريضه بسبب انه يفرق بينا زي ما
خالتي ام طيبة فرقت بينها وبينه بالموت ... طيبة عمرها ما
باعتني ولا اتخليت عني زي ما كنت فاكر ياميسون..
_كان بيتكلم بطريقة غريبة كلها لهفة وحزن وخوف كان بيقولي اللي جواه وكل الكلام اللي دار بينه وبين باباكي بكل صراحه وكأن اللي قدام منه مش مراته اللي بتحبه....شوفت الدموع في عيونه لتاني مرة وكانت أول مرة لما حكالي عنك وعن اللي عملتيه معاه وعن حبكم اللي بعتيه عشان نفسك وحياتك ... وتاني مرة كانت دموع فرح متشبهش ابدا دموع حزنه عليكي وعرفت انه متوتر لما....
*وقولت معاها في نفس اللحظة من غير ماقصد وكأني شايفه حميد قدامي...
_لما فرك ايده ببعض...
_لما فرك ايده...
*ضحكت ضحكة كلها مرارة ضحكة ضحكتها كتير وعارفه طعم مرارتها كويس..
_لسه فاكره وحفظها ... للأسف افتكرت أنها فترة وهتعدي وخلاص مش هيتكلم معايا تاني كام يوم وهيعدوا وتحملت حزنه الغريب ودموعه اللي كنت بشوفها جوه عيونه لما بيضم حبيبه لحد ماتنام على صدره ... تحملت خروجه الكتير لأوقات طويلة من البيت ولما يرجع ينام جنبي جسم
وبس ولكن كل نفس كان بيخرج منه كان لكي انتي مش ليا وتحملت وانا بسمع تنهيداته وكوابيسه وهو بيقوم منها وهو في عز نومه وينادي باسمك اتحملت قلة اكله وشربه و شروده حتى وهو بيتكلم معايا اتحملت كتير وقولت خلاص اتحملي هما يومين وهيعدوا .... لحد ما جه وقالي بصراحه غريبة من غير اي مقدمات ولا تجميل للحقيقة اللي هتكسرني قالي وكأنه بيفرض أمر واقع عليا واقع حقيقي في حياتنا...
_ميسون احنا هنرجع مصر و و ... ميسون أنا هتجوز طيبة..
*انا فعلا حزينة ومقهورة ع الست الجميلة اللي قدام مني حزينه عليها جدا جدا ومقدره كل اللي هي فيه اي ست في
مكانها كانت ممكن تقتلني او تهددني زي حامد أبو المجد اللي لحد دلوقتي مش عارفه هو عمل كده ليه ... حزينة على ست بتحكي لغريمتها عن الحب اللي كانت بتشوفه جوه عيون جوزها لوحده تانيه فضلت عايشه معاه وجوه قلبه يمكن لو كنت مكانها كنت اتصرفت بتهور كبير من غير
ما فكر في اي عواقب انا بحسد ميسون على قوتها وانا اللي
كنت بقول عن نفسي قوية ... القوة هي الست ديه وبس....
_ميسون مش عارفه اقولك ايه؟
_هتقولي ايه؟ خلاص اللي كنتي عايزه هيتحقق على حساب حياتي وبيتي وبنتي..
_انا معرفش حاجه وماليش ذنب وعمري ماكنت اتوقع ان بابا يروح ويتكلم مع حميد ويقوله الحقيقه انا لحد دلوقتي
مصدومه ومش مصدقه والله..
_صدقي باباكي قبل وفاته بفترة قليلة قال الحقيقة كلها لحميد ولو انتي مش متفقه معاه يبقى كان بيكفر عن ذنبه
وعن اللي عمله معاكم انتي وهو..
*وسكتت وهي بتبصلي وجوه عيونها الف سؤال وسؤال يظهر انها كانت مستنية اجابتي على كل أسئلتها ديه وانا من جوايا مصدومة ومحتارة ومش عارفه اقول ولا اوصف كل اللي كان شاغل بالي هو أن حميد عرف الحقيقة وعرف اني
عمري مفرط فيه ابدا ابدا ... يمكن تكون ديه انانية مني في
الوقت ده إني افكر في نفسي وانسى الزوجة و الام اللي بتتعذب بسببي يارب أنت عالم و عارف كل حاجه مفيش أي حاجه في الكون ده بتم الا بأمر منك مفيش حاجه بتحصل
إلا وأنت عالم بيها يارب كان نفسي في زمان افرح و اضحك
احس بطعم الفرحة والسعاده سنين وانا مستنية اني ارجع
طيبة اللي حبيت حميد ويشوفني من جديد حبيبته اللي ضحت بكل عمرها عشانه يارب امنحني السلام والطمأنينة
والنفس الراضية بالقدر و المكتوب يارب قويني بقوتك و
أرحمني برحمتك لحد مايؤن الأوان ويحصل اللي انت عيزه
يارب دلني على الطريق الصحيح يارب...
_طيبة لو كنتي مكاني كنتي عملتي ايه؟
*اتجمدت في مكاني ومعرفتش أرد عليها اقولها ايه؟ لأن الإجابة صعبه أصعب سؤال مر عليا وأصعب اجابه لأنها محتاجه الصدق وأنا خايفه اكدب...
_هتوافقي .. حميد ناوي يتكلم معاكي بكره او بعده بالكتير ومصمم قوليلي ياطيبة هتوافقي على الجواز منه هترضي
تفرقي مابينا..
_افرق مابينكم هو انتي هتسيبي حميد؟
*سألتها بساذجة وكأني معرفش الإجابة ازاي اسألها سؤال كده ازاي احطمها..
_تفتكري ممكن أفضل معاه وانا عارفه انه رايحه يتجوز من حبيبته ويعيش معاها وانا ابقى ضيفة في حياته بس أم بنته .. تفتكري انا معنديش كرامه ولا عزة نفس لدرجة ديه
حميد مصمم وماسبش ليا اي خيار او أختيار فرض عليا اني
ابقى زوجة تانيه...
_بس انتي الأولى دايما في حياته..
_متهيلك انا دايما التانية في حياة حميد من يوم ماعرفته وانا التانية ياطيبة وانتي الأولى في كل حاجه .. عايزه اعرف لو حميد اتكلم معاكي هتوافقي ولا هترفضي؟
*استجمعت شجاعتي وفكرت اني لازم افرح لازم حميد يكون معايا انا من حقه وهو من حقي استجمعت قوتي قدام عيون ميسون اللي بتشتعل بالنار وكأنها كانت متوقعه اجابتي..
_سامحيني ياميسون علشان حميد من حقي انا كمان..
_كنت عارفه وواثقة انك مجرد ممثلة قناع مزيف من الطيبة
و البراءة ورا وش حقيقي اناني يخرب البيوت كنت جايه و
عارفه إنك مش بالطيبة اللي كل الناس بتنخدع فيها بس انا لا ... من يوم ماعرفت حميد وحبيته وانتي غريمتي كل يوم كرهي لكي كان بيزايد ودلوقتي كرهتك اضعاف اضعاف
كرهي اللي جوه قلبي لكي بس خليكي دايما حطه جوه راسك اني مش هسبلك حميد ابدا حربي معاكي هتكون صعبه صعبه جدا بس انا معايا حبيبة اللي هي قلب حميد واستحاله يفضلك عليها الحرب بينا هتستمر والبقاء للقوي ياطيبة...
*خرجت ميسون وهي بتلعني وهي بتكرهني اكتر خرجت وهي مش عارفه ان ارتباطي بحميد حتى لو ساعه وحده هو امنيتي الوحيدة في الحياة كلها....
*الاتنين 19 يونيو 2019...
*ده كان آخر تاريخ تكتبه طيبة في مذكراتها اللي لاقيتها بالصدفة في تاني يوم من جوازنا ... جوازنا اللي فات منه
اسبوع واحد بس اسبوع كان بالنسبالي زي الحلم الجميل اللي صاحيت منه على صرختها وألم رأسها اللي زاد مع الأيام ... كنت أنا اللي بتألم مش هي وانا شايفها بتصرخ
وتبكي فوق صدري لحد ماتنام من المسكن بس يظهر خلاص المسكن بقا زي اي حاجه عادية مش بيسكن ألم رأسها ...... حبيبتى اللي كانت و مازالت حلمي ومنايا العمر كله بتروح مني وأنا مش عارف اعمل اي حاجه عشانها لعنت
نفسي ولعنت الطب ولعنت الماجستير و الدكتوراه اللي سفرت عشانهم وسبت حبيبتي وحدها لعنتهم بسبب عجزي
وانا مش قادر اعمل حاجه لقد سبق السيف العزل والورم انتشر في كل خلايا المخ واستئصاله مبقاش له فايده غير أنها هتتالم أكتر ويمكن تدخل في غيبوبة لحد ما ..... تموت
_دكتور حميد ممكن اعرف قرارك علشان نبدأ في تحضير مدام طيبة للعملية...
_مش عارف ... مش قادر اخد اي قرار يادكتور محمد..
_دكتور حميد حضرتك زميل وفاهم كويس أن تشعب الورم بشكل ده ممكن يوصلنا للعمي وأعتقد أن حضرتك مش عايز
مدام طيبة تتعذب بالشكل ده خلينا نعمل العملية وخلي عندك أمل..
_أمل أنت اللي بتقول كده يادكتور محمد..
_الأمل دايما وابدا في الله سبحانه وتعالى ... مدام طيبة مرضتي من سنتين من بداية ما اكتشفت المرض وكانت دايما زهده الدنيا والحياه مشوفتهاش اتمسكت بالأمل ده غير بعد ما حضرتك بيقت معاها من وقت قريب جدا كانت
رفضه حتى العلاج ومن يومين جيت بنفسها وطلبت مني اعملها العملية يعني متمسكه بالأمل حتى لو بنسبة 1%..
_لكن أنا و انت عارفين كويس ان حتى 1% دول مش ممكن يتحققوا..
_حتى لو مش موجودين بلاش نخليها تعيش الأيام اللي باقية ليها ضريره مش قادره تشوفك ولا تشوف الناس اللي بتحبهم وهي بتودعهم..
*حتى النفس مبقتش قادر اخده حبيب اتحرم من حبيبته عشر سنين اتحرم من قلبه ومن حياته ومن طفولته وشبابه
اتحرم من كل حاجه حلوه كانت في حياته ولما عرف الحقيقة عرفها متأخر جدا عرفها والحبيبة ديه هتروح من بين ايده عرف الحقيقة وعرف معاها مرض خبيث مستخبي
جوه منها بياكل فيها وينهشها وهي فضلت متحمله ومستنيه
الموت ... حامد أبو المجد قالي الحقيقة علشان كان حاسس
بالذنب لما اكتشف بالصدفة مرض بنته قبل شهر من وفاته مكنتش قادر اتخيل ولا أصدق اب عايش مع بنته ومش عارف ولا حاسس لمده سنتين بأن بنته مصابة بمرض خبيث...
*ااااه ياطيبة سنتين وانتي بتتالمي وانتي مستنيه الموت وأنتي متحمله لوحدك كل الألم ديه كلها ده غير وجع قلبك وراضية ومتحمله وانا بظلمك وبظلم نفسي وقلبي وانا بحاول اعيش مع وحده غيرك حاسس ناحيتها بالذنب لأن قلبي لسه متعلق بالانسانه اللي باعتني وانا بظلمك في كل مره افكر فيها فيكي وانا ببص لبنتي وبلوم نفسي ازاي قدرت اسميها على اسمك .... حبيبة هي الشئ الوحيد اللي كان حلو في حياتي كنت بشوف فيها طيبة حبيبتي وقول
ربنا عوضني بيها عنك كنت بعمل المستحيل علشان اسعد
ميسون والسعاده ديه تنعكس على حبيبة وتنعكس على حياتي معاها وانتي وحدك عايشة الوجع...
*ودلوقتي المطلوب مني أوقع على ورقه متعلق بيها مصيري ومصيرك ياتعيشي الأيام الباقية لكي ضريرة مش قادره تشوفيني وتشوفي الناس اللي بتحبك .... ياتعملي عملية وتعيشي ايام الباقية في غيبوبة ياعالم هتفوقي منها
امتى ويمكن متفوقيش منها خالص...
_حميد توكل على الله يابني ووقع على الورقة ديه خليها تروح وهي مرتاحة خلينا نريحها من الألم اليومين اللي باقين ليها...
_مش قادر يا بابا مش قادر أنت عارف لو طيبة عملت العملية إحتمال 80٪ تدخل في غيبوبة مش هقدر اسمع صوتها تاني ولا هقدر اشوفها اسبوع مكنش كفايه يا بابا علشان اشبع منها ... مش كفاية ابدا حرام والله حرام....
_لا حول ولا قوة الا بالله العلي العظيم....لاحول ولا قوة الا بالله العلي العظيم لله الأمر من قبل ومن بعد يا حبيبي طيبة أمانة الخالق ولما يئن الأوان ويقول كن فيكون هيسترد أمانته كلنا في أمانته يابني ... ع الأقل هي بيقت مراتك وهتروح وتفرقنا وهي على اسمك وحلمك وحلمها اتحقق...
_اتحقق بعد ايه؟ بعد فراق عشر سنين بعد ظلم اتحقق اسبوع واحد بس وخلاص كل حاجه هتنتهي و.....
*اللهم لا اعتراض على حكمك يارب في وسط كلامي مع ابويا وثورتي و اعتراضي لاقيت حبيبتي بتصرخ صرخه شقت قلبي وجرحته وكأن روحي هي اللي بتصرخ الألم بيزيد والورم بيضغط على أعصاب العين حبيبتي كانت بتصرخ وهي بتنادي عليا وبتقول....
_انا مش شايفه كويس مش قادره اشوف حميد فين هو...
*حتى في عز ماهي بتتألم كان كل اللي يهمها أنها تشوفني وبس مقدرتش اتحمل كفايه انانية بقى كفاية ظلم لحبيبتي
كفاية .... وجريت على مكتب دكتور محمد ووقعت على ورق العملية وانا بقوله بجنون...
_لو تقدر تعمل العملية الليلة يكون احسن..
_اطمن يادكتور حميد مدام طيبة هتكون في العمليات بعد ساعتين من دلوقتي...
_والساعتين دول هتفضل تصرخ فيهم بالشكل ده خلاص المسكنات مبقتش بتعمل حاجه معاها ارجوك يادكتور محمد
متخلهاش تتألم ارجوك...
*ناسيت اني دكتور ناسيت اني بكتب وصفة للمريض علشان ازيل المه واشفيه بإذن الله ناسيت الطب ودارسة سنين ناسيت كل حاجه وبيقت بس حبيب و زوج عايز ينقذ حبيبت العمر من وجعها ... ناسيت حتى نفسي الا طيبة حبيبتي وطيبة بنتي كنت محتاج اشوفها اعيط انا على
صدرها وفي حضنها....
