شمس (مكتمله)

البارت الثاني من الجزء الثالث

"وعسى ما نُريده يُهيّأ لنا الآن♥️."

___________________________________

كانت تنظر الى المراه بحزن وهي تمشط شعرها
احست باحد يعانقها من الخلف فتنهدت واغمضت عينيها

زين بحب: شمسي زعلانه ليه

شمس بحزن: يعني عجبك اللي ليان بتعمله

زين بهدوء: انا شايف انها ما بتعملش حاجه غلط

شمس بغضب وهي تبتعد عنه : ازاي يعني ما بتعملش حاجه غلط انت عايزني استنى لحد ما لاقي بنتي جايلي ميته

زين بهدوء: ده شغلها وانا مستحيل امنعها عن حاجه بتحبها خلي عندك ثقه وايمان في ربنا ان ما فيش حاجه هتحصل غير اللي هو عايزو

شمس بحزن شديد: ماشي يا زين الي انت عايزه بس لو بنتي جرالها حاجه عمري ما هسامحك

ثم ذهبت وتركته بينما هو ظل ينظر الى فراغ

___________________________________

كان يوصل ابنة خالته الى المنزل فهو اعتاد على ذلك كل يوم

اوقف السياره امام منزلها وانتظر حت تنزل

كيان وهي تنظر اليه بستغراب: مش هتنزل معي

أسر بهدوء : لا انزلي انتي

كيان وهي تجلس مجددا : بس ماما قالت ما نزلش من غيرك وانت عارف خالتك بتزعل وانا الصراحه ما قدرش على زعلها

اسر بتنهيدا : طب يلا انزلي

ابتسمت كيان ثم نزلت ولحق بها اسر

كيان وهي تنظر اليه: ابيه هطلع انادي ماما و اغير هدومي واجي

هز اسر راسه فذهبت هيا الى الاعلا سريعا بينما هو ذهب الى الاريكه وظل ينتظر بضع دقائق حتى سمع صوت خطوات هادئه تاتي  من اتجاه السلم
نظر اليها وسرعان ما اشتعلت عينه بغضب و نظر الى الجهه الاخرى

كانت ملك تنزل من  السلم وهي ترتدي فستان اسمر يصل الى الركبه عاري الكتفين
وجدت اسر ينظر اليها بغضب ونظر الى الجهه الاخرى

ذهبت وجلست بجانبه وخبطت على كتفه حتى ينظر اليها لكي تستطيع التحدث لم ينظر اليها فرفعت وجهه اليها بحزن

ملك يحزن وهي تتحدث بلغه الاشاره: انت زعلان مني

أسر بغضب: ايه اللي انتي لابساه ده هو انتي على طول بتخرجي كده

ملك وهي تتحدث بلغه الاشاره بدموع وحزن: هو انا الي زيي ينفع يخرج اصلا

أسر بحزن وهو يمسح دموعها : ليه بتقولي كده انتي مش ناقصك حاجه

ملك بحزن شديد : انا ناقصني اهم حاجه يا اسر الناس تفهمني انتو فهمين كلامي لكن هم لا

اسر بحب : يا قلب اخوكي جربي تخرجي مش هتخسري وانا دايما معكي وواقف جنبك