#أحببت القيصر
#الفصل الرابع
مها بصت في الأرض واخدت نفسها :جوزي.
أسماء بصدمة:جوزك!!انتي بتقولي ايه ...ازاي وأمته أصلا.
محمد بملل:بقولك ايه انتي مش كنتي عايزة تعرفي وعرفتي اسكتي بقا عشان مبيتكيش في الحجز النهاردة
مها :خلاص والنبي. وبصت لأسماء امشي دلوقتي والنبي وانا هفهمك كل حاجة بعدين .
أسماء بغضب:ماشي لما نشوف اخرتها ...بس انا هروح ازاي.
جاسر :انا هوصلك . وكان هيسندها
أسماء :بعد اذنك متلمسنيش....مها اسنديني لغاية العربية . وركبت وجاسر مشي بالعربية
محمد بإبتسامة خبيثة :مش يالا احنا كمان ولا ايه داحنا عرسان جداد
مها بصوت عالي:سيبني في حالي انت عايز مني ايه .
محمد ضغط على ايدها جامد:صوتك لو على تاني انا هقص لسانك مفهوووم.
مها بألم:مفهوم.
محمد:اركبي يالا. مها اترددت تركب بس في الأخر ركبت ووصلوا تحت عمارة كبيرة يظهر عليها الرقي
محمد:انزلي ومش عايز اسمع صوتك.
مها نزلت وطلعو الشقة ومها اول ما دخلت اتفاجئت بمنظر الشقة زي ما يكون الي عايش فيها مش بني آدم
محمد:هتفضلي متنحة كدا كتير .
مها بخوف: عايزني اعمل ايه يعني.
محمد بخبث: واحدة عروسة ليله فرحها هتعمل ايه . فجأة قلب وشه لغضب نضفي الشقة انتي هنا ذيك زي الخدامة ويمكن الخدامة مقامها عالي .
مها :وانا مش خدامة مع احترامي ليها كفاية بقا حرام عليكم الي عملتوه فيا
محمد :حلو الكلام. وداس ع سنانه.. بس يا ريت مسمعهوش تاني علشان متندميش ..مفهووم
مها بخوف:مفهوم.
محمد شاور على اوضة:الاوضة دي لو لمحتك فيها هقتلك جواها فاهمة
مها هزت راسها بحاضر
محمد سابها وخرج
مها قعدت تعيط علي نفسها وعلى ابوها الي رماها كدا وفضلت قعدة لغايه ما نامت
⬅⬅⬅⬅⬅⬅⬅
عند جاسر كان وصل أسماء تحت العمارة ونزلو من العربية بس هي مش عارفة تتحرك.
جاسر:ممكن اسندك ...متخافيش
أسماء :لا مش هينفع هحاول اتحرك براحة. وبدأت تتحرك وجاسر متابعها بس كانت هتقع وجاسر لحقها وحط ايده تحت ضهرها
جاسر:انتي كويسة.
أسماء هزت راسها بمعنى ايوة .
جاسر من غير ما يتردد شالها مرة واحدة وهي اتخضت
أسماء بشهقة:يا لهوووي نزلني بسرعة ايه الي انت بتعمله ده .
جاسر لسه شايلها وبيتحرك بيها:بس بقا خلاص سيبتك وكنتي هتقعي. جاسر وصلها لغاية باب الشقة .
جاسر:هتقدري تدخلي.
أسماء :ايوة هتسند وادخل . دخلت قعدت وهو لسة على الباب .
اسماء:احم شكرا لحضرتك.
جاسر بإحراج:الشكر لله لو عوزتي أي حاجة ابقي كلميني عن اذنك. ومشي.
أسماء بتكلم نفسها :مالو ده هو كمان نايم على نفسه ليه كدا..... بس بصراحة الواد قمور يخربيتك وانت عسل كدا هييح.
⬅⬅⬅⬅⬅⬅⬅
قلم نزل على وش محمد ومش عارف ليه
"انت ازاي تعمل كدا انت مش بني آدم
محمد بعصبيه :ليه يعني مش بني آدم. ...على فكرة انا بحس وبتوجع ومحدش بيحس بيا.
"وانا فين ....انا اكتر واحدة حاسة بيك وعارفة انك بتتعذب بس مش لدرجة انك تعذب واحدة ملهاش أي ذنب.
محمد:وانا كان ذنبي ايه في كل الي حصل كنا هنموت لولا ربنا ستر .
"بس بلاش هي يامحمد
محمد بسخرية:حظها بقا أنها اتجوزتني انا
" لو حصلها أي حاجة يا محمد انا مش هسامحك اعتبرها أمانة لغاية ما تنفذ بس مفهوم .
محمد سكت شوية :مفهوم.
⬅⬅⬅⬅⬅⬅⬅⬅
في أحد البارات
دخل علي وعينه جات على شخص معين
علي:اذيك ياباشا.
الشخص من غير ما يبصله"أهلا ....جبت الفلوس .
علي بتوتر:بصراحة لا.
الشخص بغضب :انت بتستعبط. ..امال انت جي ليه ...
علي:ياباشا انا عندي أغلى من الفلوس وبعدين انت الي هتدفع لي كمان .
الشخص بضحك:هههه انا الي هدفع ليه ماسك حاجة عليا وانا معرفش .
علي:لا هساعدك
الشخص بعدم فهم:على ايه؟!
علي:توقع محمد عبدالوهاب. .....
⬅⬅⬅⬅⬅⬅⬅⬅
بعد وقت محمد رجع الشقة لقا مها على نفس حالها ونايمة كان هيطنش ويدخل اوضته بس لقا الشقة زي ما هي فاتعصب وشدها من شعرها وصرخت
محمد بغضب:انا مش قولت ارجع الاقي الشقة نضيفة.
مها:ااااه سيبني يا حيوان .
قلم نزل على وشها
محمد بغضب :انا حيوان طب تعالي.
وشدها من شعرها وهي بتصرخ ودخلها اوضة ضلمة ورماها
محمد:دي هتبقا اوضتك من هنا ورايح أو بالاصح زنزانتك.
مها بخوف:لا والنبي متسبنيش هنا انا آسفة والله اسفة انا بخاف من الضلمة
محمد ضحك بسخرية :ومالو علشان تتعلمي الأدب .
وقفل عليها ومشي وهي بتخبط على الباب وبتنادي
مها بعياط:والنبي بلاش ابوس ايدك هعمل الي انت عايزه بس بلاش الاوضة دي بلااش . وطبعا هو لا مبالاة
تاني يوم الصبح محمد قام من النوم وافتكر انه قافل على مها فقام يشوفها يدوبك فتح الباب واتصدم من الي شافه......
#انتهى الفصل الرابع
يا ترا علي ناوي يوقع محمد ولا لا ؟
ومين الي بيدورو على مها ؟
ويا ترا محمد شاف ايه؟
توقعاتكووو
أنت تقرأ
أحببت القيصر
Mystery / Thrillerشاب غامض قلبه لا يعرف الرحمة وفتاة رقيقة وضعها القدر في طريقه لتغير حياته كاملة ولكن لا تكتمل الحياة كما نريدها....
