الثكيله وجوهم باجر ترا يموتون
وتثكل علئ خلك شيله جنايزهم
حنين : كمت وكومتهن وياي البجي مايفيد ولايسوي نتيجه طلعنا لسوك خذت تراجي هيا من اذانها ورحت بعتهن علئ صايغ جان يباوعلي ومعاجبه عباله بايكتهن طلب وصل
ابو ذهب : بنتي ميصير اله وصل مبينات غاليات
حنين : والله مااملك غيرهن تراجي اختي وارييد ابيعهن
ابو ذهب : مكدر والله
حنين : خذتهن ل3 محلات الرابع خذاهن مدري نغلبت بعتهن حتلو غشني هوا وربه خذت لفلوس ورحت اشتريت لفات وعصاير وكعدت سما وهيا علئ رصيف
يلا تعالو اكلو
سما : وانتي
حنين : شبعانه عمري انتن اكلن وكلتهن وخذت بطلين ماي من المحل امشي بشارع ذكرت اخت امي اسمها رحيمه مريه عايشه بالعماره
وحدها مزوجه وزوجها توفه وماعدها جهال اروح واشوف رحت للكراج كلها تصيح بجميع محافظات كربلاء نجف ناصريه سمعت واحد جبير يصير عماره
وكفت يمه السلام عليكم
ابو كيه : وعليكم سلام
حنين : عماره
ابو كيه : اي يابه شكم نفر
حنين : تلاثه
ابو كيه : عمي معوز ثنين واطلع انتظري البقيه السيارات البقيه وصعدي
حنين : عادي يكعدن ثنينهن بنفر صغيرونا
ابو كيه : طريق طويل يتكسرن
حنين : ميخالف عمو فدوه لعينك
ابو كيه : يلا يالله صعدو
حنين : صعدت زلم ونسوان بيها تنزل بطريق كعدت سما يم الجامه وبصفها اني ومنا هيا صارن وحدا ع هذا الجتف وحدا علئ جتف الثاني
تحركت السياره هدوء اباوع علئ طريق وين اروح وذني ثنين اجت عيني علئ سما ايدها محتركه وروحها رايحه من الخوف وين اروح بيجن وانتن امانه يمي وين انطي وجهي لو صار بيجن شي
هيا : حنين وين رايحين
حنين : لخاله رحيمه
هيا : بس هيه متحبنا متذكرين جانت متحجي وي امي
حنين : الله كريم هيونه نروح ونشوف
هيا : زين ماما وين
حنين : ارتاحيت ذيج الاشهر ومن اخر مره خذتهن كامن ميسئلن عليها
معرف هيونه معرف خلت راسها علئ جتفي وايدها بيدي وغفن ثنيهن طول الطريق نايمات من الهبطه وامس مانايمين عدل
مشت السياره هواي وطيت الكروه وي العبريه وصل لكراج
ابو لكيه : هذا الكراج بويه وهاي كراج لعماره
أنت تقرأ
امانه ابي
Tajemnica / Thrillerقاروره تتحمل امانه ابيها لتگشف سر هذا الامانه قصه عراقيه حقيقه بقلمي زهراء ال حمد
