حنين :
كون بمكاني تصير لحظه
انته وضميرك كلي ترضه
محتاجلك بس انته زعلان
ايامي تمشي شلون ماجان
حنين : شفت ابو جبل كاعد بمكاني ومخلي رجل ع رجل ويدخن
احس كلبي وكف النفس ميطلع من رياتي رجليه ثكلت ودموعي نزلت
وكف يمي وشمر الجكاره بدون تردد شمرت روحي بحظنه عطره لرجولي لممزوج بالجكاير
ابو جبل : حنيني رفعي راسج خلي اكحل عيوني
حنين : جنت حاظنته ودافنه راسي بصدره قفل عليه حيل
ابو جبل : تعالي اكعد اريد احجي وياج
حنين : وخرت راسي من حظنه واني خجلانه بس مكدرت الزم روحي اخذني من ايدي كعدني بمكاني وكابلني وكعد جان قريب كلش بقيت افرك بديه توتر وخجل وخوف وكلشي اجه بهل لحظه
ابو جبل : حنيني
حنين : هاا
ابو جبل : هاا يبعد اني وتعبي وسنيني هاا يبعد عيني وديرتي وحدتي هاا يبعد كلبي واول دگته هاا يااول حلال لابو جبل هاا ياغربتي
حنين : بده يحجي واني دموعي تنزل اخذ ايدي وشم باطنها جر النفس منها
ابو جبل : اخ ربي
حنين : باوعتله
ابو جبل : عيونج
حنين : شبيهن
ابو جبل : مثل خيام البدو لاهن وطن لاهن سجن
حنين : حجاها ولمني بحظنه ويجر النفس مايطلعه
ابو جبل : دوايني حنين ربيني ورتبيني علئ ايدج صيري حنين لواحد عمرا ماضاك طعم لحنيه صيرلي ام الي تحن واب سنديني لو مال بيه لوكت
صيرلي اخ مثل هيا وسما صيرلي وطن لواحد يردون ياخذون وطنه وكاعه
صيرلي بيت لواحد كضه عمرا بشوارع لميني حنين
حنين : جان يحجي واني ابجي بسكوت وخر مني ومسح عيوني
ابو جبل : مريد اشوف هاي لدموع عبن تحركني حرك راح اجي باجر احجي وي خالتج احجي اكدر ابيع بيتي واشتري بيت هنا بصفكم قبل لااصعد لجيش اريد اعقد عليج زين حنين
حنين : ليش تروح
ابو جبل : الوطن محتاجني
حنين : انيهم محتاجتك
ابو جبل : وياج مااعوفج يلا اروح ارتاح وباجر اجيكم
حنين : هزيت راسي وكلبي طلع من الفرحه باوعلي ولزمني من حنجي ركز نضره علئ شفافي ودنك خله شفته علئ شفتي
ورئسا فز وخر
ابو جبل : اصبر بس يومين بالحلال حته تصير احلئ
أنت تقرأ
امانه ابي
Mystery / Thrillerقاروره تتحمل امانه ابيها لتگشف سر هذا الامانه قصه عراقيه حقيقه بقلمي زهراء ال حمد
