عريان السيد خلفوتعده العمر ونكطع نفس الياس
رحيمه : كومن بسرعه كومن ماعدي نوم لظهاري كومن
حنين : جانت لازمه العصه وتضرب بيهن طفرن ذيج الطفره
هيا : يااا خاله شبيج
سما : شنو بيش ساعه
رحيمه : الشمس توها نزلت
سما : المن مكعدتنا
رحيمه : وياي بسرعه كلنا نشتغل مو بس حنين
حنين : خاله اني اشتغل هنا وين يكدرن
رحيمه : حنييييين لاتدخلين
حنين : صرخت بعصبيه خفت وسكتت كامن غسلن كعدنا تريكنا وكمنا نشتغل
سما وهيا يغفن شبعن رزايل خالتي خلصتها روحن تعالن اني كلبي يفور عليهن وهيه تضحك
بعنا وجبه الصبح كلها كيمر وجبن والظهر هم تغدينا وشمرن رواحتهن ينامن سودا عليه ممتعودات فوك تعب الثالث
رحيمه : يتعودن يمه
حنين : للمغرب كعدن
يردن يبجن من تعب اسبوع وصدك تعودن خالتي كامت تطلعلهم اسبوعيه حالهن خلصت العطله بسرعه البنات بهاي الفترا ياكلون ومرتاحين لو مالشغل بدن يسترجعن عافيتهن
بعد اسبوع لدوام جنا كاعدين بليل بصاله شفت خاله غسلت عبايتها العصر وجواريبها وشيلتها وبليل كامت جابت جنطه حطت بيها ثوب وجواريب جنت اباوعلها سكته
رحيمه : شني كومن حظرن رواحتجن حته نطلع من الفجر لزياره
حنين : عاااا صدك خاله
سما : ويامن
رحيمه : سجلت حمله دار وي ام عماد
حنين : كمنا نتراكض غسلت عباتي وشالي ورجعت طلعت ملابس باجر قميص وبنطرون
هيا وسما ميلبسن عبي ولاشالات سافرات ماعرف شبيهن يكرهن الحجاب وبيوم خاله حاجتهن علي ضلن يبجن وكطعن الاكل من شافتهن قافلات كالت عوفيهن تالي يندمن
اجينا نام بالغرفه خليت راسي علئ مخده اريد اقدم الوقت حته نروح لزياره اريد ازور ابوي واشكيله علئ كلشي
كعدنا ب3 كامن البنات بدلن بناطير وقمصان بس طوال شالن شعرهن ذيل حصان خالتي باوعت وسكتت
بدلت وحظرت عباتي تريكنا علئ سريع وخالتي الروبه مسويه جدر واحد خلته بثلاجه
خذت محفظتي وخليت فلوسي الي لامتهن والبنات يضمن فلوسهن عندي ضميتهن نص وياي ونص رجعتهن طلعنا علئ شارع واكفه سياره كوستر
صعدنا بيها هواي بنات بعمري ونسوان متوسطه وكبار كعدت اني وخالتي سوه
وكعدت سما وهيا كدامنا حته عيني تضل عليهن عمار جاي هوا ولد اول ماشافني ابتسم بوجهي استغربت ودنكت
![](https://img.wattpad.com/cover/302338356-288-k350864.jpg)
أنت تقرأ
امانه ابي
Misteri / Thrillerقاروره تتحمل امانه ابيها لتگشف سر هذا الامانه قصه عراقيه حقيقه بقلمي زهراء ال حمد