حَلاتك مو سهل ڪلمآ تشح تنهاب
المآي البي حَياء وڪت الغرگ ينذم..
………………… .. ..........................................
هيا : طلعنا من دوام لكينا عمو واكف بالباب مثل كليوم ياخذنا ويجيبنا
تعودنا علئ وجوده صحيح خاله دقق ورانا بس معلينا نحس بالامان يمه
ابو جبل : هلا كواجن الله
هيا : يكوي حيلك
سما : يكويك عمو
ابو جبل : شلونه الدوام
سما : زين
هيا : لا زين باجر النتائج كلبي نار
ابو جبل : ليش مو زينه شنو
هيا : لا زينه بس مو احنا اعفاء بنص السنه كلي هسه يمكن مو كلهن اعفاء
ابو جبل : سباعيات ماينخاف عليجن هانت
سما : وراها سادس عمو ياهانت
ابو جبل : وانتو كدها
سما : ان شاء الله
هيا : وكف يم المحل مثل كليوم رغم بساطتهن والف لو الفين بس عدنا فد شي
اول فتره جان ابد مايسئل عله حنين اخر ايام بده يسئل شلونها ويسكت
ضعف حيل وجوه عيونه هالات سوده والحزن مغيم علي جان يضحك دوم
وصلنا لراس الدربونه وطلعت خالتي من البيت لابسه عبايتها
ابو جبل : يلا عمو فوتن مع سلامه واقرن
هيا _سما :: انشالله الله وياك
هيا : خالتي خزرتنا وراحت دخلنا عمار جان بالاستقبال اهوووو
سما : ولاينهضم
هيا : شويه وكبت العيطه صوته ترس البيت ترس وكفنا نصنت
حنين : صدمني لمن كال
عمار : هذا الشهر نعرس
حنين : شنوو بس اني كايلتلك لمن يتخرن خواتي
عمار : لمن يتخرجن خواتج ع اساس نتعرف وين التعارف بالموضوع لج نفورج واضححح شايفه تصرفاتج انتي
حنين : وانته اذ تعرف تصرفاتي لويش هيج مجلب
عمار : اريد اعلمج الذله شلوووون اني اتصل بيج ومتردين تره تاليتج بيتي
حنين : خوفني حيل جنت اشوفه حباب جانت نضراته قاسيه وكلامه لايطاق
واني اصلا ماناويه اكمل بهاي العلاقه من اولها كمت وكفت وكفه متردده احجي بس مدام علئ بر واشوف روحي مخنوكه ليش اضلم نفسي واضلمه وياي
اني اصلا مكدر اكمل خلي نفصخ وكلمن يروح بحال سبيله
عمار : ليش شايفتني لعبه كدامج تخلصين وكت وتشمريها من كل عقلج
أنت تقرأ
امانه ابي
Mistero / Thrillerقاروره تتحمل امانه ابيها لتگشف سر هذا الامانه قصه عراقيه حقيقه بقلمي زهراء ال حمد
