اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقة السادسة🖤
كانت صفاء تبربش في تليفونها وفجأة كلمتها بشرى تعيط : ايواا صفاء😭 صفاء فزت : بشرى خيرك بشرى تبكي : بابا ضربني طريحه وحبسني في الدار معرفتش من نكلم هيثم ميردش مسكر تليفونه😭 صفاء : خلاص اهدي معاش تعيطي يعني بشرى سامحيني ديما يضرب فيك بشرى : صفاء كلي دم معاش قااادره نتحمللل💔 صفاء : خلاص اهدي يا عمري تو نشوف هيثم (سكرت صفاء ومشت تجري لي هيثم كاين راقد ) هيثم هيثم هيثم نوض هيثم : اهااا اطلعي صفاء : هيثم تي نووض بشرى تبييك هيثم فز : بشرى خيرها صفاء : بوها ضاربها ومدميها وقاتلي تعباانه وااجد
هيثم نط يجري لبس توب فوق التوته وخدي مفتاح سيارته وصفاء لبست عبايتها ووشاحها وطلعت وصلوا غادي نزل هيثم يجري ويدق عالباب فتح بوها وتفاجئ : هيثم هيثم : بشرى وين رمضان بوها : وانت شن دخلك هيثم شده من جناكته : بشرى وييييييين رمضان : رااهي بنتي واني حر كيف نصرف معاها
هيثم ضربه بوكس طيحه لوطه وخش يجري فتح لي بشرى الباب رغم كل شي لما شافها مش لابسه وشاح طبس راسه : بشرى بسرعه البسي واطلعي بشرى كان وجها وجسمها دم : هيثم قلني عند ماما💔 صفاء خدت عبايتها وقعدت تساعد فيها طلعوا من الدار القوا زبيده قدامهم : خيير شن هذاا هيثم : انتي اسكتي يا عقرب زبيده : تحشم تدوي مع عمتك هكي ( هيثم عدا وسيبها وهيا تدوي ) ربة راضيه شن بيطلع منكم رمضان صبه عالباب : وييين ماشي بنتي راااهي
وجي بيجبدها من صفاء هيثم شد يده وحذفه عالوطا وعدا كانت طول الطريق بشرى تبكي وهيثم يبرق فيها ووجعته وصفاء حاضنته وتهدي فيها وصلوا لي حوش خوال بشرى ونزلوا رنو الجرس طلعت أمها ابتسام مصدومه : بشرى بشرى حضنتها : ماما😭 ( وقعدت تبكي ) قتلهم ابتسام : شن صاير هيثم : لا بس عمي الله يهديه ضاربها ياريت تديريلها الجروح ابتسام بس استغراب : وانت جبتها من غادي هيثم : أي مشوا هيثم وصفاء وخشت ابتسام وبشرى
ابتسام : واللهي بوك ماني سكتتله ياناري شن داير فيك بشرى تبكي : اني خلااص معاد ردتله منقعد عندك😭 ابتسام : خلاص يا بنتي معاد ترديله ان شاء الله بشرى : لولا هيثم تراني لتوا محبوسه ابتسام : عندك حظ يا بنتي احسن من حظي ربي يهنيك❤
