يامنة

الجزء 16

             

              هي خرجات من عندو مبتاسمة وكضور وراها حتى تزدحاات فصدر قاصح ...ضورات راسها وهزاتو فيه حتى بان ليها عاقد تخنزيرة طيح بنادم ... راوية : خ خويا فؤاد 😨 واقف مربع ايديه مخنزر واحد مولاتي تخنزيرة فيها ...هز عينيه شاف وراها ...ورجع شاف فيها بنفس النضرة ... فؤاد : شنو كنتي كديري ...؟ راوية "الما برد ليها فالركابي والمشكيل جاب الله بعدات على بيت ايلاف وكانت طالعة حتى تزدحت معاه فدروج غير بالخوف ممكن تقوليه كلشي غير بديك التخنزيرة " : مم مكنت ف فين خخ لي ...احم فؤاد : هضري مزيان ... راوية : ك كنت كنشرب فالكوزينة جاني العطش و و مشيت عمرت القرعة باش نشرب ... فؤاد"شافها مهازا والو " : فين هي القرعة ؟ راوية : ها اقم ه خليتها شربت غ غي فالكوزينة .. فؤاد "خرج لسانو عضو مزيااان ورجع عض شفايفو مخنزر فيها " : سيري لبيتك يلاه "غوت"تحركي ... راوية"طارت ونزلت" : هننن و واخا تصبح على خير ...مشات طارت من حداه قلبها بغا يسكت كلها كترعد ...دخلات لبيتها سداتو ...عاد تنفسات دازت من صراط المستقيم صاافي .... اما هو كان لابس تيشرت وشورط كحل كان جاي هابط ...داز ديريكت لبيتو دق الباب ... ايلاف"كيحساب ليه هي" : شووو ؟ فؤاد "حل عليه الباب رافع حاجب ومنزل لاخور " : كيفاش ؟ ايلاف "خرج عينيه جاب الله مكملش على ديك "شو " : احم فؤاد ؟ فؤاد : كنتي كتسنى شي حد ولا كيفاش ؟ ايلاف : دخيلك انت شكون غانتسنى اخويا ... فؤاد "بقا كيشووووف فيه فحال مصغر عينيه كيقرا نضرات ديالو الي كانو ممفهومينش فحال متوتر غير ايلاف متحكم فراسو ...حك منخرو " : جلس نهضر معاك ... ايلاف : شو ها الكلام بها الليل يا رفيقي .. فؤاد "هز فيه عينيه مخنزر " : من امتا كنردو بالنا لوقت ؟ ايلاف : اناا مرييييض خيووو هههه ...تمام "جلس مقابل معاه " ...احكي احكي .. فؤاد "حك رقبتو ودوز على شعرو عاد هز فيه عينيه " : هضر معاه بغيت من هنا ليومين تجيني الموافقة باش نطلع لموسكو ميتعطلش نهار ولا ندير القرار الي مغاديش يعجبو ... ايلاف : ايه تمام بس يومين صعبة شوي .. فؤاد "حادر عينيه وهز ايدو " : مكانعرفش انا هادشي الي قلت ليك هو الي بغيت منزيد منقص ...الله يجعل البركة هنا الحد يا نتتحرك يا نتحرك بلا متبدا عليا فالهضرة ...من هنا ليومين الموافقة بغيتها تصريح يكون قدام عيني ... ايلاف : تمام مثل ما بدك ... فؤاد : غادي تبقى نتا هنا غادي نطلع وحدي نفضي الامور تما راسي ... ايلاف : كييييف ؟؟ شو راح اعمل هون ...اشنو عندي ماندير هنا عملي كلو تما ... فؤاد : خدم نتا هنا وانا لهيه ...حسابهم معايا انا ماشي نتا ... ايلاف : بلاتي ...يعني نتا شاك فشي حد توصلتي لشي حاجة ... فؤاد "رفع فيه حاجبو " : فنضرك غادي نگلس فحال العيالات نتسنى الفرج يجي هكاك ؟ ايلاف : هههه يعني لو عملتها كنت بشك انك مو فؤاد ...تمام بس انا شنو غادي ندير هنا ... فؤاد : بيناتنا تيليفون من هنا لتما ...هنا دارك تاهي وقت الي ساليتي هبط بات هنا ... ايلاف : ولو ...احم بس بدي اسألك ... فؤد "شاف فيه بمعنى شنو ".... ايلاف : شاكك بحدا ؟ فؤاد : فاش نوصل لشي حاجة نتا اول واحد غادي يعرف ... ناض وقف وخرج خلاه تاهو حيد الغطا وتخشا فيه طفا ضو ونعس وهو كيخمم فدييييك الطفلة الصغيرة الي كبرت ولات دخل عليه البيت عريان ...راسها قاصح من صغر ...عنيدة عنيدة ... ايلاف : والله عنيدة وراسها يابس لو انطبقت السما عالارض بتعمل ايش مبدها "حط صبعو على فمو رجع كيتفكر البوسة حتى تبورش وغمض عينيه مبتاسم حتى داه نعاس ".... التسعود ديال صباح ...لقات الكل تقريبا فايق فيهم الي هبط لتحت فيهم الي فاق بكريييي وخرج ورجع دخل ...وفيهم الي كيبدل باش ينزل وفيهم الي كيدوش باش يخرج يبدل وينزل ...كان يوم الاحد ... يامنة "من برا كتهضر معاه كان داخل يدوش " : فؤاااد انا غادي نهبط ... فؤاد "كيدير فصابون " : هبطيي... يامنة "لبسات بانطوفتها وخرجات من البيت يلاه غاديا حتى سمعت صوت راوية كتعيط ليها من باب بيتها " : راوية ؟ راوية : بسس اجي ... مشات لعندها دخلات وسدات الباب ... يامنة : مالك ؟ راوية"كتقفقف " : يامنة بغيت نسولك لبارح فؤاد مقاليك والو ؟ مقال حتى حاجة مم والو ... يامنة : مقال والو اشنو غادي يقول وعلاش ؟ راوية : رجع نعس عادي فحال مكاين والو .. يامنة : معرفتش فاش هو هبط لتحت قاليا بغا يهضر مع صاحبو ايلاف فشي حاجة غير نعسي داكشي الي كان انا تكيت وهو هبط طلع لقاني نعست حتى فقت دابا خليتو كيدوش ...اشنو واقع اراوية ؟ راوية "دارت ايدها على فمها كتقفقف نضراتو ليها خلعوها متهنى تيقول شي حاجة وخا غير يبربقها " : ال ب بارح احم عفاك انا غادي نقوليك وو ...هانتي البارح ( عاودات ليها كلشي ) يامنة : اااااااويلي هههههههه راوية : لاش كضحكي لااااش اهى ...ففف .. يامنة : ايلاف ونتي عههههههه راوية "خنزرات فيها " : مالي كي جيتك ؟ يامنة : لا لا والله ما هكاك غير هههههههه ايلاف مجاش فبالي هادشي وخا عادي هههه واش عجبك الحال البارح ؟ كيعرفك من قبل راوية : وراه اصحبتي كان كيجي ملي كنت عندي عشر سنين وهو كيعرفني كنت عزيزة عليه بزاف ديما كيخرجني يشري ليا كنت مولفاه بزاف على خوتي ...البارح واخا كان وقع الي وقع من التلفة والخلعة مديت ماجبت حتى رجعت لبيتي ...ناري كون حصلني واحد فخوتي شتي غير صهيب يقتلني فما بالك فؤاد !!! يامنة "شدت فكرشها " : نااري منقدرش نتخيل صعيب بزاف ...ههههه راوية "مخصرة سيفتها " : ضحكي ضحكي ..."حتى حطات صبعها على فمها وبدات ضحك " هههههه اففففف ...نااريييي على بوسة "عينيها تعسلو...عضات فشفايفها " ...حلوة حلوووووة ...اااح يامنة : ههههههه وكون حصلك فؤاد غادي تشوفي الحرور ...غير الله ستر ... راوية : بديت كنحس بيه عشق الطفولة ايامنة والله ...راه عندي فالانسطا مكيلوحش تصاور بزاف كيبدل غير ديال بروفيل صافي حدو كيلوح شي صور عميقة وفين وفين ...ولكن ديما لايح سطوري كيشوفوهم غير الي عندو وانا كان عندي ففففف راه بزاااف ...نري غير بصدفة لمك حصل ليا شرف بوسة ... يامنة : ههههه ولكن راوية شوفي انا عرفت فؤاد فهاد العام وعارفاه اشنو كيسوى عصبية ديالو وحدها يوسف تلقاي معاه سلاكة الياس صهيب اما فؤاد راه خايب بزاف ونتي فاول زواج قلتيها ليا ...عفاك ردي بالك اراوية عفاك ... راوية : لا متخافيش مغايكون والو اصلا غايمشي فحالو وخا نحلم مغانكونوش لبعضياتنا ..خدمتو فحال فؤاد ...مستحيل نكونو لبعضياتنا مستحييل ...حتى ولو فؤاد ميبغيش ماعرفتش ولكن عارفاه ميبغيش يامنة : علاش ميبغيش ؟ لهاد الدرجة ؟ الى كان حلال علاش غادي يقول لا ؟ راوية : ماعرفتش عندي احساس مشاكل غاتكون ...ممكن رفض ممكن قبول وممكن اصلا ايلاف ميحس بجيهتي والو ...هادشي عاد وقع البارح كيفاش غادي نستنتج انه تكون بيناتنا شي حاجة ...بففف تخربقت ... يامنة : ماعرفتي اشنو غايكون من هنا لقدام انا شكون قال غانتزوج بولد عمي ؟ شكون قال غانمشي نسكن فروسيا مكنتش كنعرفكم معمري شفتكم سمعت غير بيكم حتى تلاقينا فاش جيتو عندنا وكنت عروسة ... والحمل مكانش باغيه فخبارك قاليا متولديش وجاب ليا فنيد الولادة ... راوية : كيفاش ؟ وعلاش ؟ يامنة : مبغاش نولدو ديك الوقت ماجل على مقاليا حتى نزفت كان كيحساب ليا مهم راه عاودت ليك كيفاش وقع ليا حتى عرفت راسي حاملة وشوفي من ديك الوقت لدابا هاهو تقبل وديما كيسول عليه واش لباس وغير الى كحبت يقوليا دوزي ... راوية : فنضرك ممكن تكون بيناتنا شي حاجة ؟ يامنة : معرفتش ولكن الى بغا يتزوج بيك يقدر فؤاد يبغي حيث فؤاد كيبغي نيشان مكيبغيش تخلويض راكي عارفاه تانتي ... راوية "هزات عينيها لسما ساطت انفاس من فمها وقلبها كيضرب " : نتمنى ... يامنة : ويالله نهبطو دابا يخرج يهبط ميلقانيش ... راوية : يالله ... في هاد الاثناء كان صهيب خارج لابس سورفيت كحلة بالقب ديالها ...محسن شعرو ومشذب لحيتو ضربها بتدويشة فاعلة تاركة عالصباح ومع شهيب كيبان وسط ديك سورفيت كحلة بلققق ونقييييي ...عينيه خضرين ولحيتو شوي مارون ...جاي كيهضر فتيليفون ....حتى تصاطح معاها خارجة من بيت يامنة اللول ... صهيب : ارسووول الله ... سارة "وجهها حزين " : سمح ليا "تمات غاديا حتى شدها من دراعها وقفها " صهيب : شوريييي فين غاديا ؟ سارة : بغيت نهبط اويلي ... صهيب : مال وجهك علاش مقلقة ؟ سارة : وااااالو والو غير حيث غانتزوج بواحد مكي كي داك ... صهيب : هاا شنو داك كي اش ؟ سارة : وصافي راك محامي زعما مالك تتكلخ ؟ صهيب : دابا نملخ ملتك ...نوريك مكلخ ... سارة : ودابا خليني نهبط عفاااك ... صهيب : يا ختيييي وشحال عجبتني ديك عفااك مع لسانك شالوطي يا بن شالوطية جاتك فشكووول ...احم دابا بغيت نسولك بحكم انا محامي ماشي صهيب واش مبغيتيش تزوجي؟ سارة : وراه اش فيه منتزوج اش؟ وامربيييض مغانولدش معاه وكبييير قد با ومغايخلينيش نقرا ومن فوق هادشي عندو تلاتة العيالات وانا رابعة ...اشمن حياة هادي اشمن حياااة "جاتها البكية " صهيب : صافي صافي موقع باس… مغاديش تزوجي بيه ومزيان من جيتي لهنا ... سارة : ايه جيت لهنا واشنو غانبقا ديما هنا ؟ اخرتي غادي نرجع اهى "دموعها بداو يهبطو " صهيب : ششش لا البكا لا ...غادي نهضر مع باك من هاد ناحية ماشي سوقك حنا غانتكلفو بيه غير شي مشاكل وقعو هي الي خلاتنا منهضروش معاه مكنتش عارف غادي يطور هادشي دغيا ...مهم ماعلينا نتي هنا معززة مكرمة حتى نلقاو حل غادي نهضر معاه ... نتي باغا تزوجي ولا تقراي ؟ سارة : بغيت نكمل قرايتي وحتى الى كان زواج يكون مقاد كي ناس اصهيب الدوار فين عايشة ميبغيوش البنت تكبر بزاف الى وصلت عشرين عام راني وليت بايرة ...بغيت نقرا والى تزوجت ميكونش معقد ويخليني نحقق حلمي فالقراية ولكن صعيب صعيييب ...😔... صهيب "بقا كيشووف فوجهها وطريقة هضرتها كيفاش كتهضر بحرقة " : تت يكون خير ...غير هو لسانك ماضي ابنتي مكاين الي يقبل عليك منضنش ☹️ سارة "هزت فيه عينيها مخنزرة " : يااا خرااا ... صهيب "خرج فيها عينيه كتر منها " : ايواااااا دييييك هاااه ... سارة : مبغيت والو اللهم رجع نتزوج بهذاك نقبل عليه بعدا مهنية من واحد جيهة ولا نبقا هنا تفقص فيا ...يا لطييييف تقول مديا ليك رااجل مالك معايا مالك ؟ صهيب "عسل عينيه " : اااح شحال تتعجبيني ... سارة : ااااااا ؟ صهيب "توگض " : والو والو غا ضحكنا صافي هبطي هبطي يكون خير ... هبطات كضور تشوف فيه وترجع تشوف قدامها وتحسبن ...بقا حاضيها تا هبطت .. صهيب : واو اصهيب وااااو كتعجبك ؟ موووودهييييش مووووودهييييييش ... خاشي ايديه فجيابو كيهضر ويبرگم حتى سمع تحنيحنتو ... يوسف"بصوت خشن غوت بجهد " : شنو كاين هنا ؟ حتى قفز صهيب ... صهيب : وااااااااااااااالعدااااااو ياربي ميكونش يوسف سمع ياااربي يااااربي "ضار جيهتو بالعرض البطيئ شافو بنص عين وعينيه فالتين " ....سلامة سلامة سلامة .... يوسف : كتعجباااااااك ...اوووووو صهيب : اللهم اغفر لي من ذنبي ما تقدم منه وما تاخر ... حصلووو اييييه نعماس سيدي صهيب طاح في قبضة يد سيييييدي يوسف ...مبغاش يضور لعندو بقا في نفس البوزيسيون باش حصل ... يوسف : اووووو احصلتيييييييييي .... صهيب : عااار الله متفهمش غلاط انا متايب الله... يوسف "شد صباعو كيحسب " : علاش مالك كنتي تعنق فيها ... صهيب : لا ... يوسف : كنتي تبوس فيها ... صهيب : اعوذ بالله الااا... يوسف : في وضع مخل للحياء ... صهيب : استغفر الله الااااا يا ... يوسف : قلتي ليها شحااال كتعجبييييني ... صهيب : اه قلتها "يوسف فرنس ليه هز حجبانو وحطهم بريقة مضحكة " ...ا هاء الا بلاتي شور تسنى ... يوسف "تخطاه وتم غادي " : احصلتي اولد العبد حصلتي ...ضرب الحديد محدو سخون ولا ضيع شاااي البنت ...مفيها باس مفيها باااس حسن ميوقع الفاس فراس وتجيني عند راس تبكي وتهرنن وتقول ياريت الي جرا مكان ويارييييت .... صهيب تبعو يطلب ويزواك ميفهموش غلاط ...وبلاتي شور ...وتا حبس الله يعطيك الحبس ...البغل شو ندير ليك الي بغيتي عار الله غا سترني ... يوسف "وقف عند راس دروج لتحت وضار بجهد " : مالها اغتاصباتك ؟ اويلي حاااااي ... صهيب : اويلي لا شمن تا نالك ازمر تدعقني .. يوسف : طلقني اش كاين ... صهيب : غير بغيت نضحكها حق ستين حزب ... يوسف : ولاش نتا ضحكها لاش بغيتي تعاونها عاونها تقوليها كتعجبيني باش ضحكها ...شنو هادشي ليماك شنوووو ؟؟ صهيب : اجي نسولك ؟ نتا قلتي يسرى كتعجبك وزادت العلاقة بدات كطور ...فين باغي توصل ... يوسف : الحلال وكلو بما يرضي الله ... صهيب : هااااا ايوى تانا ...ااا ؟ يوسف "ضرب اخماس فاسداس " : لا حول ولا قوة الا بالله ... صهيب : ياربي وهاد الفم لا هو بغا يفراني ...بففف يوسف شور نقوليك ... يوسف "شاف ورا صهيب " : فؤااااد ؟؟ صهيب "تخلع ضار بلا مشوف تسرسب فالهضرة " : والله تا ناوي كل خير بغيت غير نعاونها خويا مقلت ليها كتعجبيني حيث فعلا كتعجبني باقي صغيرة وملامحها الي كنحلم بيهم بنت وخا لسانها ماضي وخا هكاك عجباتني والله مناوي شر بغيت نخليها تقرا ونعاونها والله اخويا بغيت نعاونها ... يوسف "من بعيد وصل لباب صالون " : صهيب صهييييب صافي عرفت شنو بغيت نعرف ... صهيب "هز عينيه حيث كان حادرهم لقا غير البرد مكاين لا فؤاد لا هم يحزنون …دارها بيه يوسف بالفن هههعع " : الله يعطي لمك الباسر الله يعطي لمك جهل الله يغرق لبوك الروايد بغيت ربي يطيح لمك النجمة الحمار ...وليت كي الولية معاك تفوو ... يوسف : امين المدعين ... صهيب : قاااود ... تجمعو العيالات على طابلة الفطور في صالون وكيف العادة الرجال تعزلو فصالون اخور ....كان فؤاد عاد لحق عليهم جاي كيبقشش فتيليفونو ...لابس قميجة بلومارين وسروال فصالة كحل ىصباط كحل ولابس فوق منها جاكيط كحلة عندها القب كبير ...نقص من اللحية وشعرو بزاف ...كيبان فشكل جاي ويحك فلحيتو ويشوف فتيليفونو ...حتى تلاقا بايلاف لابس قبية بالقب گري مكتوبة بالكحل وسروالها قطن سليم فالكحل ...وايرماكس بيضة عالية ...داير بانضة على ايديه ضايرة على عنقو هازها .... فؤاد "شاف فيه " : غادي لشي بلاصة ؟ ايلاف : بدي شعل سيجارة ...بس بعدين لنفطر ...بغيت نخرج حتى لفاس .. فؤاد "رفع حاجبو " : فاس ؟ لاش ؟ ايلاف : اشتري كم شغلة من هنيكي ...تغيير جو ... فؤاد "كانت جايا راوية تاهي من الكوزينة كدخل لرجال الفطور حتى سمعات فؤاد " : بغيتي تشوفها ولا ؟ ايلاف : لا لا ههههه متفهم غلط هو صحيح توحشتها بزاف ولكن غادي نتقدا غانمشي مع يوسف بحكم انا ما بقدر سوق مثل ما بتعرف ... راوية غير سمعت بالي كاينة مراة طاح ليها البلاطو ديال لكيسان تهرسو على رجليها ...حتى غوتات ... راوية : اااااااي ... فؤاد "ضار بجهد شاف الكيسان طاحو على رجليها مشا كيجري لعندها هو وايلاف الي طار بسرعة تاهو لعندها ": شنو شنو شنوو ؟؟ راوية مالك ... راوية : ايييي والو والو موقع والو ... ايلاف "كيقلب مع فؤاد " : بشو بتحسي ..." راوية مجاوباتوش …شد ايدها وهي دفعو بجهد جاب الله فؤاد مقشعش هاد اللقطة …هبطات عند فؤاد خذات ايدو ...موقع والو غير طاحو عليا موقع باس اخويا ... فؤاد : متاكدة ؟ راوية : والله انا غانمجع هادشي ... نجود "جات كتجري تشوفها " : راوية اش واقع ياكما تجرحتي ... راوية : لا موقع والو والله ...انا غانجمع زاج .. فؤاد : لا حبسي مديري والو غادي تجرحي دوزي تگلسي فحالك ... راوية : ولكن را..."خنزر فيها وهي تحنحن وحدرت راسها مشافتش جيهة ايلاف الي عرف انها سمعات وداكشي علاش طاح البلاطو من ايديها ..." ... ايلاف : ما صار ايشي خلص اجت سليمة .. فؤاد ؛ الوليدة عيطي لشي حد يجمع هادشي ... نجود : غير سير اولدي ها كريمة تجمعو ... دخل فؤاد لصالون وتبعو ايلاف الي ضار حضا راوية الي مبقاتش شافت جيهتو جاه احساس فشكل مبغاهاش تقلق منو او تفهمو غلاط !! ...حنا راسو ولا دخل لصالون من بعد ما القى عليهم السلام .... فطرو كاملين رجال فجيه وعيالات فجيه ...حتى سالاو الفطور ...عاد دخلو البنات كيهزو من طابلة وينضفو ...بقاو رجال كيهضرو ويناقشو كان اب يامنة كيوجد باش يمشي ...حتى صونا ليه تيليفون ...وبدا يهضر بصوت مجهد ... راوية دخلات هي وسارة وكريمة كيهزو من فوق طابلة ...بدات تجمع وتعطي لسارة ...فؤاد كان مدهي مع بات يامنة وباه كيهضرو ومرة عينو على تيليفون ...وايلاف حاضي راوية كيفاش تغيرات مشافتش جيهتو بالمرة ...حتى كملو جميع وناض استاذن باش يكمي برا ... ايلاف : اختي راوية "هزات فيه عينيها ورجعت حدرتهم مخنزرة " ...احم ممكن فنجان قهوة بلا سكر انا غادي نكون فجردة .... فؤاد : سيري جيبيها ليه انا شوي ونوصل عليه .. راوية : وخا خويا ... مشات لكوزينة حتى صاوبتها ليها نجود وحطتها فبلاطو جنب الما ...وداتها ليه لقاتو جالس فوق الكرسي كيكمي وينفخ لفوووق وسارح بخيالو ... راوية "حطتها ليه حتى حدر راسو شاف فيها ..." : هاهي خويا ايلاف ... ايلاف "سمع ديك خويا اول مرة تقولها ضربو ضو معرفش علاش عادة هي حاجة عاذية ...جات غاديا ضار هنا وهنا وهو يشدها من معصمها وزير عليها" : علاش مقلقة ... راوية : لا منقلقاش علاش ؟ ايلاف "طلق ايدها وتكا على الكرسي لور " : والله عيونك ما بيلبألهن الزعل رورووو .. راوية : كيفاش ... ايلاف : مكتجيشييييي معاك هاديك الي كتقولو ليها التقليقة يا غيورة انتييييي ... راوية "رفعت حجبانها " : غيوورة ؟ ايلاف : شوفي انتي ... راوية : ههههه من من؟؟ من حبيبتك ؟ عادي سير عندها وانا علاش نغير مفهمتش عاد يومين باش جيتي عندنا شنو بيني وبينك باش نغير ؟ ايلاف "طرطق بضحك " : ههههههههههههههه تمام تمام فيش ايشي تمام ....هههههه راوية : تت الله يستر ...ضارت مشات كضور راسها يمين شمال ... ايلاف "كيعيبها" : شنو بيني وبينك هههههه شو بيناتنا ...احم استغفر الله العضيم ...لك انا صارلي بعرفك 12 سنة وخمس تشهر وعشر ايام وساعتين وخمس دقايق يا راس اليقطيني ... غاديا وكتشوف فيه غير كمل اش قال خرجت ليه لسانها ... ايلاف : ههههههههههههههه في الصالة فين جالسن كاملين الرجالة كان صوت مصطفى اب يامنة مجهد ...حتى خرجو يطلو عليه ويامنة خرجات لعندو لقات كشاشكشو خارجة ...جلسات حدا فؤاد ... فؤاد "شاف فيها " : علاش جيتي نتي. ؟ يامنة : مال با كيغوت ؟ فؤاد : ونتي توصلي ودخلي على رجال هكاك ؟ ااا ؟ يامنة : ورا غير "غوت عليها تا قفزت " ...طييييري من هنا يالاه ...ناضت كتعتر وتجري خرجات من صالون ... مصطفى : واااااا العربي واش نتا مالك معندك كبدة على بناتك اااا "دفالو يطاير ..." ...على ااااعلى رقبتي لا غير كتخربق ...كيفاش ؟ ونتا غير طمعك بجوووج كلمات نبني ليها دار ؟ وتا شور ااا شور واش هو دارو مكاملة تا فالبني وبغا يبني لبنتك دار ؟ العربي : وااابنتي متبقاش بايرة ا سي مصطفى واش ديتيها مقلنا باس جاب الله نهار صداق جاب الله مجبنا العادل الي يكتب ...وكي ندير غايديو حسي فدوار ...شكون غايبقى يقبل عليها اسي مصطفى راني غير حشمت منك ... مصطفى : ودابا الى جوجتيها تا بداك المهيطف الهبيل راه صافي مغاتبورش تعذبها فدنيا وتزيدك نتا عذاب لاخرة ااا ... العربي : وتا تا جوجتي بتك (بنتك) بكري شكون ناباك اشكون لحگ عليك بشي هضرة اشكون عاتبك هااا ...جيتي تا لبتي وبغايتي توريني وتعلمني شنو ندير ...سي مصطفى جيب ليا درية خلاص راه ناوي يمشي عد طبيب ... مصطفى : بتي انااا جوجتها لي ليها من دمها ولحمها راجل يحلفو بيه رجال عارف بنتي فين حطيتها ولمن… كيتك نتا داك البغل الكيدار الي تا نعاس مينعسو كي ناس ولاو ... الياس : كخم خهههه "شاف في فؤاد كيخنزر فيه بنص عين وهو يجمع ضحكة " ..احم يوسف "تيحك فوجهو مخبي ضحكة حتى خنزر فيه فؤاد " : هاهاهاها احم ( جمع تاهو ) ... مصطفى : مبقا كلام صلاة عالنبي معندي مندير ليك غانجيبها ليك ومنك لله ... سارة "سمعاتو من بعيد وبدات تبكي " : ولاااااااا اهى اهى ...لاااا عفاااك ابا مصطفى ... يامنة : ششش غاصبري را غير قاليه هاكاك ... سارة : ولااا والله تنهرب والله تانهرب اهى اهى ... نجود : سارة نعلي شيطان وسكتي سمعي اش غايقولو سكتي ابنتي .... مصطفى "برك على بوطونة تيليفون بجهد " : ييييخ على رعواني يخ ... الحاج : وشور امصطفى معندك مادير ليه ...معندك حل ... فؤاد : تفاهمو بالعقل مبغاش نتفاهمو بحاجة ثانية ...جلس ورتاح غادي نشوفو شنو نديرو ... مصطفى : وولدي مبقا ميدار دابا الى علم بيا جدارمية راه يجيبوها ليه ... يوسف : احم حيث باقي موصلتش لسن القانوني فهاد الحالة كيخدم القانون ...او لا ا صهيب صهيب "وجهو تزير طلع ليه دم جالس مخنزر كيحك فلحيتو .." ... فؤاد : صهيييب ... صهيب "شاف فيه " : هاا ..احم الى علم غايجيبوها ليه باقي تحت جناحو ..."نضف حلقو " ...عمي مصطفى دوز ليه تيليفون ...وعطيه ليا الياس "شاف فيوسف غمزو " ... مصطفى : وخا ولدي "عاود دوز ليه ...ومد ليه تيليفون ... العربي : اش تاني بغيتي خور رجع ليا السلگوطة الله يتبعها البلا ...غادي ندعيك امصطفى وينعلبوها جورة بيناتنا ... صهيب : شور شور معاك المحامي الي كيجي عندهم ولد خو مصطفى ... العربي : اش تما ...بنتي راه تحت جناحي اتااا عارف لا جبت المخزن نديها ... صهيب : وعارف الى لقاوك كترشي باش تزوجها صغيرة اش غايديرو ليك ؟ العربي : نرشي هادو ودوك… بلادنا هاكا غاديا ... صهيب : تبغي تزوجها لواحد بهادوك المواصفات ماشي حشومة ... العربي : هو الي غايسترها،، بالكشيفة باش سكت كان غايضرب ليا طر فدوار نولي غادي حاني راس ؟ صهيب : راسك غايبقا مرفوع بلا بيه ... العربي : واش يضمن ليا .. صهيب : غادي نتزوج بيها انا وجد راسك ... يامنة "حطت ايدها على فمها ...نجود ضحكات اما سارة حلت فمها ودموعها دايزين ..." الياس : اوهاااا ... يوسف : اااااااااااكا البارود ...