يامنة

الجزء 19

اعلنت شمس اليوم الموالي بدايتها لتستقبل نهارها الاخر ...هاد النهار بضبط الفيلا كتوجد هنا وهنا ...الحاضر الي فيها اصلا لكن تزاد عليهم جداية يامنة الي بقات معاها طيلة هاد الفترة لكن مكتقدرش تمشي تشوفها بشكل يومي ...الاب تاهو جاي فور ماعرف انها غادي تجي لفيلا ووقت خروجها سمحو ليها ...يعني يومين غايكون تما ىفرحتو بسلامة بنتو فرحة ماليها مثيل عندو ...الاب اب مشاعر ديالو خاصة فرحتو بولادو خاصة ...وخاصة انه هادي يامنة بنت الوحيدة عندو راه دنيا ومافيها ... كانت ساعة العاشرة صباحا ...نجود وقفات على الفطور بنفسها مالذ وطاب تعاملت فحال اول نهار حطت فيه يامنة رجليها عروس هاهي تاني كتستقبلها زوجة حامل وقريبا أم .... راوية : سارة صهيب مكاينش ؟ سارة : في فاس ميجي تالغذا عندو شي غراض هو ويوسف مقدروش يجيو دابا عاد مخلاهمش يمكن فؤاد يخليو كلشي ويجيو ... راوية ؛ اااه صافي ...مهم انا نطلع لبيت نبدل ونهبط بينما قربو يدخلو ..، استاذنات وطلعات لبيتها ...سمعات صوت الما عرفاتو كيدوش حيث عاد جا من فاس كان مع فؤاد لمشاغل طبعا هي مغاديش تعرفهم عارفاه مع خوها يا لخدمة يا لغرض كان ...مشات لبلاكار وقفات تتختار شنو تلبس ...عاضة شفايفها حتى سمعاتو خارج من دوش كيمسح وشعرو فزك يقطر .... مداتهاش فيه بقات تقلب فالاخير استقر اختيارها على تيشرت نايك اسود مكتوب بالبيض طويل وسروال قطن تاهو فنفس لون من تحت فيه بانضة ...قلباتهم لقاتهم جداد نيت باقي بتيكيت تقداتهم مع الحوايج وبقاو ...قطعات تيكيت ...وتمات غاديا بغات تفوفتو حتى شدها من معصمها ... ايلاف : لوين ؟ راوية : بغيت نبدل ... ايلاف : بدلي قدامي نشوف "ربع ايديه " ... راوية : بلاش بدل نتا انا يقدر ندوش ... ايلاف : صباح استحميتي بعرف بعرف روحي ...تعي البسي وانا بلبس ... راوية "مبغاتش تغانن معاه على والو وكلت امرها لله ومشات حطاتهم فوق ناموسية وبدات تحيد فحوايجها اما هو مشا جبد بوكسر وتاهو جبد نفس ستيل الي جبدات هي غير هو الابيض ومكتوب بالاسود ...تيفضل يلبسهم فدار حيث مريحين على انه يلبس شي حاجة كلاس ولو انه فدارو لهيه في موسكو مكيلبس والو اغلب اوقاتو غير شورط او بوكسر وخا تيكون ثلج تيخدم شوفاج طبيعتو فحالها تاهو مصهاد ...قبل ميلبسهم رش ديودرنت ولبسهم وضار جيهتها لقاها كتلبس .... ايلاف "كانت تتلبس تيشرت حتى جا وراها وضور ايديه على كرشها تبتها لصق ضهرها مع كرشو وخشا راسو بين عنقها وكتفها " : شششش خلص خلص حبيبي بدناش "مبغيناش " زعل بعدين ... راوية "حست بتبوريشة وبانفاسو سخونة كضرب ليها فعنقها " : كتخلعني "مدلية شنايفها زعما ههه " ... ايلاف : ههه بتقولو عندكم نخلعك ومنخلي الي يخلعك هههه راوية : نتا فالكفاية عمر شي حد دار ليا هاكا خويا فؤاد الي واعر ومكنقدروش نحنحنو قدامو ولا نتفسو الى مشفنا فيه ومدار ليا هااااكاا ...هنن ايلاف : باعتذر حبيبي بس "ضورها عندو بقا متبتها عليه هاد المرة كرشها مع كرشو " ...لازمك تعرفي انه انا اذا انضغطت بيصير معي هيك بتعصبش كثيييير يعني مكنتعصبش ديما وغير قليل لكن يوم منتعصب كيكون من فرط ضغط ...والله اعذريني ... راوية : غانبقا نخاف ... ايلاف : قصري الشر ومتخافي يعني فاش تيشوفيييني معصب بدلي ساعة باخرا ...وهيك ..انا كمان اذا كنتي معصبة براضيكي بدك راحة بخليكي لحالك لا حتى ترتاحي ...عادي جدا ... راوية "بقات تترمش فيه ومدلية شنيفاتها تاهي قاليك " ... ايلاف "قرب لعند فمها مبقا كيفصلهم والو " : ايييش ؟ راوية "هزت كتافها " : هننننا غتفتفت .. ايلاف : هههههههه ايش بتحكي هههه "كيشوف فيها كيفاش تتعيبر تاهي ملقا ميدير من غير يحط شفايفو على شفايفها مخلي عينيها يتغمضو هادشي غير حطهم مزال حتى ما بدا يحركهم ...متعطلش نيت دغيا بدا يحركهم بشوي ...ايديه طالعين هابطين مورا ضهرها وكيقربوها ليه اكثر ...حتى هبط لرجليها وهزها وهوب ضورهم على خصرو وفمو ملاصق مع فمها ...كيلتاهم ليها فداك الفم حتى سيحها وضورات ايديها على عنقو ...داها لصقها مع الحايط بجهد تا غوتت ليه وسط فمو .... ايلاف "بجنون " : اشتقت لك اشتقت لك افففف ... راوية : امممم اففف مممم ...اي...اامممم .."كتبغي تهضر كيجرجر ليها فمها حتى كتحبس ليها الهضرة ...متوگض حتى سمعو دقان الباب وضار "....شكوون ؟ نجود : راوية بنتي الاسعاف وصلات الى بغيتي تشوفيها ... راوية : واخة هاحنا خارجين ..."طلقات منو ونزلات كتقاد فتيشرت الي طلع لفوق تا بانو سوتيان وضوني تحت منو تاهو طلع ههههه ... ايلاف "هز راسو كيغمض عينيه ويزفر " : فففف .. راوية : مالك ههههه ... ايلاف "هبط عينيه شاف فيها " : ضحكتي يعني عرفتي ...روحي انا جاي وراكي ... راوية : ههنن شكون قاليك شدني دابا ونتا عارفهم جايين ..."تمات غاديا خارجة وكضحك " ...خوي عليه الما عههه ..."خرجت " ... ايلاف : تاكدت انو انا الي بوز النحس "وجه النحس " مو انتي ...فؤاد للمرة الثانية قاطعني ... بعد غياب لايام هاهي غادي ترجع لدار ولكن هاد المرة باختلاف بسيط ...بمساعدة يسرى الي وقفات بنفسها معاها حتى انها جات معاها فلومبيلونص وفؤاد تبعهم بسيارة من لور حتى وصلو ودخلوها من جيهة لاخرا نيشان طلعوها لفوق لبيت الي جهزوه ليها بطلب وبمواصفات الي عطاتهم يسرى ...حتى حطوها فوق ناموسية برفق وفؤاد قابط ليها فايدها ممخليهاش ...دارت ليها فحوصات وعطاتها التعليمات الي غاطبق بحذافيرهم حتى تاكدت من كلشي عاد هبطات فين حاطين لفطور ... نجود : بنتي فطري متحشميش ... يسرى "بخجل " : هههه هاني خالتي كنفطر يكتر خيرك ... راوية : دابا هي متقدرش تهبط ؟ يسرى : لا حاليا غير تبقى فبلاصتها ممكن تگعدوها تتاكل ولا تهضر الى قنطات ولا اما باش تبقى طلع وتهبط حاليا شوي كاين الخطر ... سارة : مسكينة تعذبات بزاف وغادي تعذب ومتستاهلش ... نجود : يامنة صباارة وعلماتنا صبر ... سارة : صبارة من صغرها حاجتها ما ديالها وتتصبر غير هي الى فات تا تقلقت تقليقتها خايبة ... نجود : ههههه سكتي لا تفكريني نهار تقلقت من فؤاد كون ما مرض موحال تهضر معاه ههه ... يسرى : هادشي ممزيانش مخاصها تكتم فقلبها الى علماتكم صبر راه تانتوما علموها تطلق متبقاش شادة فقلبها ...هادشي منزيانش ليها ...الولد شاد ليها وخا هاكاك ولكن راه هي متحملش ومغاديش يعاونو هو ...المهم حاولو طبقو شنو قلت انا راه كل ايام ونجي نراقبها غادي نبقى معاها تتولد ... في هاد الاثناء كانت يامنة فبيتها وحداها زينة وفؤاد الي باغي غير زينة تخرج جلست ليه كي مسمار جحا ههههه ... زينة : شربي عشوب ابنيتي تاهما يزگيو ليك تيلاد فكرشك ... يامنة : امي راه تاحاجة من داكشي الي تتقولي ممنوع عليا ... زينة : كيفاش هاذي تاني ممنوع باش ولدنا وباش شدينا بنادم لا يطيح ...كوني تسمعي ... فؤاد "تيحك فنواضرو مكرهش يطير عليها بروسية ترگد تتولد يامنة ...هز ايديه " : الحاجة مكاين لاش اميمتي ..."هز تيليفون وعيط لنجود " عاونيها تهبط تقطر معاكم ... نجود : وخا هاني طالعة ... زينة مفهماتوش ...بقات تهضر وهو ساكت وهي تهضر وهو ميك ...ويامنة كتزير ليه على ايدو ...حتى طلعات نجود ... نجود "عرفاتو بالي تزير حيث زينة ضروري طلق ليه القرطاس ههه " : الحاجة هبطي تفطري معانا راه كاينة يسرى دروك يجيو دراري بغاو يشوفوك تدهاو عليك هاد ليام ... زينة : كون غا ساعفتيني جيبيه ليا هنا بغيت نبقا مع فجيلتي شوي ... فؤاد : لااا غا سيري ماعليش راجلها معاها ميخصها غير نبقاو غير نعاودو فهاد ميخصها خير الحاجة ولا ؟؟"مكيشوفش فيها ورافع حاجبو ديال راه قربت " ... زينة : وراني عارفة اولدي راك نتا مول الخير ماعليش ... فؤاد"رافع ذاك الحاجب وكيهضر عينيه لتحت " : بغيت ندوش الحاجة ونبدل سمحي لينا وكان حشمنا منك ... زينة"حشمت تا تزنگت هه" : ايييه ؟ ا ايه نوض اولدي مقلتي عيب بيتكم هذا "مدت ايديها لنجود باش تنوضها تا ناضت وداتها خرجتها من البيت ... يامنة : ههههه سمح ليها وصافي ... فؤاد "كيحل فصدافي القميجة " : لا بغاتني نبدل حداها غايطير العيب ونوليو دراري صغار هنا ... ناض من حداها حيد القاميجة وسروال بقا غير بالبوكسر هبط باس ليها فمها وكريشتها طبطب عليها ودخل لدوش باقي مغوبش حيث شي مرات وخا يكون مكالمي غا شوفة فزينة كيعرفها اش بغات تقول وتطير ليه نقشة ... بقاو على مائدة الافطار كيفطرو وخا كان شوي معطل المهم لقاوه واجد على حقو وطريقو طلعو لفؤاد ويامنة لفوق ولتحت بقاو مجموعين حتى دخل يوسف وصهيب والياس دقة وحدة كل واحد جا من قنت وتلاقاو عند الباب بصدفة ...مشاو نيشان لطابلة سلمو عليهم ....يوسف بانت ليه بلاصة حدا يسرى خاوية غادي ليها تيتمختر باش يجلس حداها حتى لقا الياس جلس ... يوسف : تگلع لمك من تم ؟ الياس : وغا جلس فنما كان يوسف "خنزر فيه معاودش الهضرة حدر راسو وسر دغيا ناض خلاها ليه وجا جلس حداها ..." : صباح الخير ...شنو درتي ؟ يسرى : صافي كلشي مزيان ...كل ايام ونجي عندها المراقبة والفحص ...ويكون خير ... يوسف : مزيان ...شوي ونطلع نشوفها بينما هبط فؤاد ... نجود : بقاي تغذاي معانا درت بحسابك ابنتي ... يسرى : غير عفيني اخالتي مرة اخرى ... نجود : لا والو ابنتي تغذاي ويوصلك يوسف .. صهيب : غا خليه يوصلها الياس ... يوسف "عض شفايفو بغا ينطحو وصغر فيه عينيه زعما فاش عينك ههه " : لا انا غانوصلها ... نجود : مبقاش بزاف لغذا ونتفذاو ويديك ابنتي .. يسرى "حشمات " : و احم واخا ماشي مشكيل ...احم غادي نوض برا نهضر مع ماما نبلغها ونجي ... راوية : انا نمشي معاك برا تتهضري ... ابتاسمت ليها وناضت هي وياها بقا ايلاف وصهيب الياس ويوسف كيفطرو جاو مفرطين نيت ... حتى ناضت نجود وسارة لكوزينة .... نجود : بنتي كريمة جيبي ليا عفاك الفوطاات من البيت الي مقابل مع بيت ايلاف الي كان فيه فلول باش نحطهم سارة : غير خليها تكمل انا نجيبهم ليك ... مشات سارة لبيت ودازت من حداهم لقات الياس مكاينش ويوسف تاهو بقا غير صهيب وايلاف ...دازت من حدا صهيب الي شاف فيها وغمزها وهي ضحك ...ودخلات لهيه ...فهاد الاثناء كان يوسف برا مع يسرى وراوية حتى تم داخل من جيهة لاخرا منين كيطلع فؤاد ديما لبيتو وقريبة لبيت ايلاف ...حتى لقا سارة ... سارة : يوسف واش هذا البيت فين كان ايلاف راجل راوية ؟ يوسف : لا راه هو ... سارة : اه صافي شكرا ههه ... يوسف : هانية ختي ...ابتاسم ليها حتى مشات ودخل هو لدوش الي تما يغسل ايديه مع سد الباب كان جاي صهيب تابع سارة يحساب ليه هي الي دخلات تما ومع دعقة ملقاش فرصة باش ينفارد بيها ملي رجعها من فاس ورجع ليه ليلة امس بات فيه مجا تالهاد الوقت ...بحكم كيوجد باش يمشيو الغذ ليه لمراكش لان وصل وقت الجلسة الي فيها غاياخذ فؤاد حكم البراءة نضرا لوجود دليل قوي بان القاتل ماشي فؤاد وانما تقريري خرج بالي فعل نسوي ... صهيب "بدا يدق " : سرسوري ... يوسف "كان بغا يقول شكون غا سمع سرسوري وهو يضحك بشر وصمط " : خخخخ "بالحس " ... صهيب : حيباني العمر حلي راه ملقيتش فين نهضر معاك توحشتك الحب ... يوسف "داير ايدو على فمو وتيهز كتافو بضحك ديال لحس " ... صهيب "مورا الباب ديال دوش لتحت كيحساب ليه واش سارة دخلات تما حيث بانت ليه دازت وهي كانت غادية لوجهة اخرا مشافش يوسف ملي دخل " : وازين حلي ندخل نهضر معاك ... يوسف "حابس ضحكة وباغي يهضر وخاف تفلت ليه صافي الموت هي هادي ...نطق بصوت نسوي رققو وشبه مسموع باش ميعيقش " : ن ع اااااام ... صهيب : اححح وديك نعام كي خارجة منك معرفت جاتني فشكل ويني دخلت ليا لصماصيم بطني ...تحليش نقنتك واخا غير نسي راك يومين قاطعة عليا الما وضو ... يوسف "مبقاش صبر طرطق بواحد مولاتي الضحكة تا دموعو وخناينو هبطو " : واااااااااااااااااالعدااااااو ...هخههههههههنننتهخخخخخهعتتعهعت صهيب "ضربو ضو صافي الحصلة الخايبة هي هادي والي مقرا حسابو هاهو لقاه " : يااااربي نكون كنحلم ... هنا صهيب ولا تيطلب يكون كيحلم حيث لكان فعلا يوسف راه مستحيييييييييييييل يدوزها ليه الى مشدو فيه سيمانة سواكة الحنك وداروه مسكة فضراصهم والله ميفلت ...غادي يدوز اكفس سيمانة فحياتو ...لدرجة قلبو مسكين ولا كيضرب 😂😂😂..... صهيب : ماشي يوسف ياك ؟ شكون هنا ؟؟ يوسف "مات صافي مبقاش قدر تا يدير صوت تزير بضحك تا سخف ومات ههههه " .... واحد شوي حتى بان ليه الباب تحل وبقا هكاك ... صهيب : ياربي سلامة سلامة سلاااامة "فمو نشف " ...ياربي لا توريني هاد اليوم ...سعري خرج لعلن ...عرضي ومصارني تكشفو ...واش انا يهودي ولا مسخوط ... حل الباب بشويييييي دخل خطوة بخطوة وكيدير خطوة ويرجع خطوة لور ... طل براسو حتى خرج عينيه وبياض وجهو كثير شي ملي لقاه مشبح ايد هنا وايد لهيه ووجهو مزنك ...دموعو هابطين ...كيتمرمغ بالبياااان ... يوسف "طلقها بغوتة تا غمض صهيب عينيه بغا يبكي " : وااااااااااااااااااااااااهيا الرب العالي الجليل ....وااااااااهيا سيدي عبد الرحمن المجدوب 🤣🤣🤣🤣😂🤣😂 وااااااااااا هي لالة عيشة البحرية ...وحصلة الكلااااارب اخوتي "تيتمرمغ فلارض جاه الفوغيغ ديال هيستيرية ..." واامي وااامي بغيت ندخل تحت طابلة… شي لعبة …كرشاااااااااي ضرتني اربي كرشي اففففف ... صهيب : يوسف غا سمعني بعدا تهدن من ضحك راه غاتموت الحمار .... يوسف "ضار شاف فيه دموعو دايزين ووجهو حمر " : هخخخهخخخ هان هاناااااي هاني اخويا هاني ..."شاف فيه رمش وتاني طلق واحد مولاتي ضحكة ولا صهيب كيبان ليه يتمرمغ بضحك " اربااااي لما غبر وجهك راه غانمووووت ليك هنا ..... صهيب : وغا برد "شافو سخف بضحك مبقاش هامو اش سمع حيث راه بغا يموت ليه تما ميت ميت " ...صافي هاني مشيت ... تم غادي وهو يركع عندو شاف فيه براسو ...اربي ستر ما ستر الله ... يوسف : ياااااااااا لخراااا ياااااااه ....🤣🤣🤣🤣🤣 يااا بعد يا هااااه راه قتلتييييني اولد نااااس ....ياااااااااا وعلى زهر عندك هاااااه....ههههههههههههههههههههههههههههههه صهيب : نعلطاسيلة والديك ...تفووو ...مكاينش كي ندير نضربك بمقلة تنسا ؟ ...يخ تفو تفو ... خرج من تما كيخبط تمنى لو مات ولا يحصل هاد حصلة الكلاب ...ههههه ... خلاه تما كيتمرمغ بضحك وخرج كيحسبن وجهو مزنك مكرهش ينطح ملتو تما ولا يضربو بمقلة الي خلاها هو يفقد ذاكرة ...حتى لقا سارة جايا وهازا فايديها الفاط ... صهيب"مشربن " : فيييين كنتي نتي ؟ سازة : اويلي جبت الفوطاات لخالتي بغاتهم علاش ؟؟ صهيب : وتجيبهم شي بعرة من الكوزينة لاش تيجيبيهم نتي لااااش ...؟ سارة : صهيب اش درت مالك ؟؟؟ صهيب : يميلو ليا يميلو ليا ...سيري دي الخرا لفين بغيتي ... خلاها ومشا كيشالي بايديه باغي شي طريقة يفلت من يوسف لانه كحلها بالبيان ...خلاها كترمش مفهمت فيه والو ...هزت كتافها ومشات لحقات على نجود الكوزينة عطاتها شنو بغات ... في هاد اللحضة بالذات كان فؤاد خارج من دوش كينشف فراسو حتى هزو في يامنة لقاها متكية شادة كرشها بايدها وايد فيها تيليفون كتهضر مع باها الي بلغها انه غايجي فهاد اليومين ...شافت فيه غمزها حتى حمارو ليها حنيكاتها ...كملات مع باها وهو يقرب لعندها فؤاد قبط ليها ايدها وجلس حداها ... فؤاد : مزيانة غزالي مرتاحة ؟؟ يامنة "جاوباتو براسها " : هممم ...ومكرهتش نجمع معاهم لتحت "بحزن " ... فؤاد "تمدد حداها هكاك بفوطتو مدد رجل ورجل لاخرا طواها تبارك الله دوك سيگان المزغبين والفخاد عاطينو واحد رجولة خشنة فشكل ...ضور دراعو عليها وقرب راسها تا بايو وهبط نطق ليها فوذنها " : وانا متجمعيش معايا. ؟ يامنة "غمضات عينيها بابتسامة " : نتا كلشي .. فؤاد : كيفاش كلشي ؟ يامنة : ههه نتا الكل فالكل ... فؤاد : بصح ؟ يامنة : والله هههه فؤاد "باسها فحنكها وداز لفمها باسو ودوز عليه براس لسانو ...وطلق تنهيدة طويييييييلة " : بزاف على شوق ثاني ايامنة ... يامنة : كيفاش ؟ فؤاد : ميمكن نديرو والو حتى تولدي ..."عض شفايفو وعاود طلقهم " ...خرج فيا العجب من دابا هاد قلب الثلج ( الوصف الي عطات ام فؤاد فالحلم ) ... يامنة : حشومة عليك علاش قلب ثلج هههه فؤاد : حتى يزيد ونسميوه سعيد اغزالي ونشوفو ...ان شاء الله ...( فؤاد ملي قرر يصلي بقا مواضب عالصلاة مع الاحداث غايبان ليكم ) ... يامنة : امتا غادي لمراكش ؟؟ فؤاد : ليلة غادي نخرجو باش غذا فالصباح تلقانا تما ... يامنة : علاش معاش الجلسة ... فؤاد : غذا فالعشية ولكن خاص نكون قبل مع صباح .. يامنة : غادي تجي ديك ساعة حيث قلتي ليا صافي عندك براءة فؤاد : الى نطقو الحكم دغيا غايخصني نكمل الاجراءات باش يعطيوني وراقي وداكشي ديالي ...غايحاول صهيب باش يوجدوهم ليا دغيا مع تدخلات اغزالي "ضرب ليها نيفها " نكون عندك دغيا ...ولكن ...ايام وخاصني نركع لموسكو ... يامنة : علاش ؟ مغاتسناش تنولد ونمشيو ؟ فؤاد : غادي نرجع فيومين متخافيش نقضي غراض ونرجع دغيا لغزالي باش نحضر لمجية ولدي سبع ... يامنة : وااخا ان شاء الله ... بقا كيحرك نيفو على شعرها ويدوز لنواضرها يبوس براس شفايفو غير بشويييييي حتى كتغمض عينيها ...ويدوز على عنقها حتى كتبورش وضحك ... يامنة : بغيت هههه ...اي كتهرني ...بغيت نقوليك شي حاجة ... فؤاد"رافع حجبانو منتشي مع قبلاتو ليها باغي ياكلها " : قولي اعمارة دار ... يامنة : مكرهتش كون ودلت لهيه فدارنا ... فؤاد : ماشي مشكيل الى متولدش هو لهيه تولدي لاخور لهيه اغزالي ...انا موجود معاك فلول وثاني وثالث غادي تحتاجيني غير انا باش يكونو ... يامنة "تزنگت وخرجت عينيها " : احم ف وانولد هذا بعدا ... فؤاد : عولي على كلشي مويا جينا ديالي ...هاد ساعة نصبرو مافيها باس وخا صبر كيدبر ونتي قدامي ماعليش ...صحتك هي لولة ... رجع ثاني كيبوس فيها وايدو لاخرا كطلع وتهبط على كرشها ...رجع كيداعب فيها ببوساتو وهي مغمضة عينيها كيهز ليها وجهها عندو كياخذ شفايفها ويرجعهم ...حتى طلقات ليه اااه وسط قبلاتو وهو يحبس حاط راسو على راسها ونطق بصوت خفيف .... فؤاد "تنهد من الاعماق " : نهار توصل لوقت غواتك ماهو غوات وثغرك مغايبقا ديالك ... يا سكوتشايو ...رجع غمض عينيه وسكت واحد الشوي وعاود نطق ...كنفتاقد وغانفتاقد ( ياسكوتشايو هي غانفتاقد ولا غانتوحش ) ...لكلمة فؤااااااد الحنينة من فمك ...وضحكتك ... هبط ايدو لكرشها عنكشها شوي ...هي ممحركاش غير هو الي كون صاب كون طلع فوقها ولكن الغالب الله ... فؤاد "قرب لحدا فمها بجنب باسو ونطق فيه كاعي وساخط حيث ميقدرش يعاشرها حاليا اي حركة ماشي فصالحها وصالح الولد هههه " : غاتدي من عندي السخط اللول امسخوط رمسيس البكر ..."نطقها بلا ميشعر حتى جاب ليامنة ضحك ههههه " ....