كرهته ثم احببته ❤{باللهجة الجزائرية}♡

الحلقة 11🥺❤

الام خرجت دارت حليب سخون و فيه اكليل الجبل لاستبرق حمى خفت شوي مي ما طمنش
لبنات كانو راقدين بحكم كانت 6 و استبرق بدات تفطن
انا....نظت مي البرد و زيد جسمي تقول مكسر و لبنات راقديك كي الموتا و فوق بعضاهم انا ما فهمت والو رقدت قبلهم بالاك على هكدا من بعد نلقا الكمادات و الما و قاع لعفايس حدايا و فهمت بانو مرضت شوي(ايه شوي🤦🏼‍♀️🙄) و لدك مريضة نضت من مكاني و لبست قشي و نلقا الباب يدقدق

الام: بنتي وين لالا اقعدي راكي عيانة😧
انا: صباح الخير طاطا لالا نروح دك يكلمني ادام و نروح عييتك معايا ليل قاع باين😔
الام: بنتي علاش راكي كيف نور نفس لمقام اقعدي دك ينوظو لولاد و يوصلوك اقعدي
انا: طاطا صاي لبست قشي ما تعييش روحك كي تنوظ اكرام قوليلها ادام داها
الام: ااه يا بنتي و الله حالتك ما طمنش هاكي اشربي لحليب هدا و البسي مليح ماي قيسكش البرد🥺
انا: ايه نشربو ❤  اسمحولي قاع عييتكم 😔روحي ريحي طاطا
الام: ما تعاوديهاش بنتي
انا... كنت نهدر معاها و شربت لحليب و خرجت من لاشومبر و انا خارجة خرج مهدي مي ما قدرتش نهز راسي نشوف فيه مشيت مع يماه ايدي في ايدها و هبطت الدروج مي راسي يدور 😔

مهدي... ماقدرتش نرقد ليل قااع قاعد على جمر مي رجفت عيني و رقدت حتى طلع نهار نظت صليت و قاع و خرجت نلقا استبرق مقابلتني و وجها اصفر و احمر و بكلها ترجف تمشي راسها في لرض و يما شادا ايدها و خايفا عليها حتى نشوفها قعدتها في الدروج معاها و هي رجليها فشلو مي عاودت ناظت و بدات دوخ حتى نروح ليها و نهزها و نهبطها كي جيت نرقدها فوق لافوتاي  جات عيني في عينها نشوف ليها اول مرة نشوفها ظعيفة هكدا دمعة في عينها و خايفا و تطلب المساعدة و شادا ايدي و تقلي ما تروحش🥺🥺🥺

الام : وليد طفلة راهي قرااف عيانا دك يجي خوها مي و الله قلبي معاها الحمى عاليا و جسمها يرجف يااا يماا بنتي كي حصللها😔
مهدي:روحي معاها يما تعيشي😧
استبرق سمعت تيليفونها فطنت شوي و شافت في مهدي و ابتسمت بكل الم مي طمناتو بانها صفا و هزت تيليفونها و لقاتو ادام شاف مهدي تيليفون هز على ادام قالو ادخل
ادام اول ما شافها خاف عليها مي علابالو ح تكون صفا يعرف اختو ما تظعفش قدام مرضها شافاتو ابتسمت و حظنها و باس جبهاتها لقاها نااار😱😱😥😥
مهدي: ادام خويا افتح السيارة دك نجيبها لازم سبيطار
ادام: ايه ايه  🥺🥺🥺
الام راحت لبست بين ما ركبت استبرق و مهدي يفطن فيها و هبطت و راحت معاهم و مهدي قلبو راح معاهم مي هو نو😔( احم احم ياك ماكانش دموع 😊بالاكو تبكو🥺🥳🤭🤭)

ادام راح مع يمات مهدي و استبرق للسبيطار لقاوها دات حمى قاويا بزاف راح تقعد في سبيطار ليوم حتى تنزل الحمى دارولها سيروم و قاع ليباري خفت شوي مي قعدت ترعد و تهترف

ادام كلم محمد و باباه و يماه و جاو ليها و قعدو معاها
يما: ادام وليدي مالها كيفاش شدت لفراش هكدا يا يماا وجها اصفر
الام: كانت صفا في الليل مي بالاك دربها البرد في الليل ما تخافيش نشالله خير استبرق نعرفوعا قاويا😔
يما: و الله قلبي عندها راني خايفا عليها جزاك الله خيرا كي جيتي و وقفتي معاها 😔❤
الام: نشالله تتعافا لازملها وقت هدا مكان😔
محمد و ادام و الاب يشوفو بصمت لانو اول مرة يشوفو استبرق في سبيطار عاجزة و ظعيفة 😔
اكرام ناظت لحقتهم و مهدي و نور و ايمن قعدو في الدار و الحاج... راح تاني للسبيطار
نور وقفت مع محمد و ايمن مع اكرام كانو كل دقيقة يهدرو و يمأنو عليها و على بعض