كرهته ثم احببته ❤{باللهجة الجزائرية}♡

الحلقة 12❤💯

احم احم 😏بطلتنا مكانش في بالها عفسا اسمها حب و بطلنا تاني مي كي تلاقاو القدر و الكتوب مكانش شكون يغيرهم قرب اعجابها يصبح حب او نقدرو نقولو حب❤🥺
محمد و نور قررو يتزوجو مي العائلة مزال ما عندهاش خبر و ايمن و اكرام يحبو بعضاهم مي الزواج مزال شوي اما ادام مغبون و عقلو مكانش علاش (ويين 🙄ما ندري🤭😁)
ابطالنا قاع في عطلة

استبرق.. كملنا و خرجت من السبيطار كانت كاينا المطر و انا عشقي المطر مي للاسف بلاني ربي بزوج عباد تقول جدارمية🥲😒
ادام: اركبي😒
استبرق: خويا زين شوي هدا مكان🥲😚
اكرام: لا خويا لا ختي اركبي ديجا هدا وين خرجنا من سبيطار😒
ادام: واقيلا حابا ترجعيلو😐
استبرق: انا قلت يما مكانش جيتوني نتوما تفوو غمة تغمكم اركبو برك 😒ااه يا امطار يا جميلة فرقوني عليك🥺😫
ادام: لالا هبلت صاي🤦
اكرام: استبرق اركبي لدك نقتلك 😒
استبرق: شريرين حقارين تفووو😫
ادام و اكرام: ربي يصبرنا🤦🏼‍♀️🤦

استبرق...ركبنا و لقيت تيليفوني يصوني لقيتها انفال هدرت معاها (هدرت معاها قبل و حماتلها و قاع )
انفال: خرجتي ليوم صاي 🥺
استبرق: مهبولتي وي خرجت صاي شوفي راني رايحا للدار(دورت الكاميرة نسيت آدام قااع هي شافت اكرام سلمت عليها و نزيد ندور و تشوف ادام 🤦🏼‍♀️🥺🥺)
انفال: ااا اك انا نخليك باي
و غلقت من غير ما تودعها استبرق😥)
استبرق... شفت في اكرام و قرصتني نص لحمي قطعتهولي و انفال عينيها تعمرو دمووع تقوول بحر مسكينة مزالها تبغيه هدي فهمناها مي ادام سكت قااع كلمة ما قالهاش 😔)

ادام....هدي انفال وي انفال صوتها ضحكتها خوفها على استبرق توحشتها وي توحشتها 😔ااه ليام لي كانت تهتم فيا بالاك دات حبيب لهيت او حتى تخطبت مي وجها تبدل و عينيها يهبلو ما شفتهاش مليح مي عينيها تبدلو مي شاابة بزااف المطبوطة 🥺😔😔كملت طريق ساكت قلبي تحرق و علاش غلقت كي شافتني😔!!

استبرق وصلت هي و ادام و اكرام للدار مي مزال فيها التعب لي بعد المرض اول ما خرجت من السيارة راحت للدار
استبرق: ادام افتح الباب هيا🥺توحشت يماا
ادام: ايه ايه يما لماكلة ديالها لالا ياك😒
استبرق: افتح الباب و الله جعت 🥲
اكرام: ههههه ادام خويا الحال بارد عليها تعيش

فتح ادام و دخلت استبرق سلمت على يماه و باباها و شافت يماها وجدتلها الطابلة🥲
استبرق: يما علابالك توحشتك بزاف🥺
الام: بنتي راني هنا مانيش فوق الطابلة شوفيني ههه
استبرق: يماا ما نقدرش لازم نبدا🥲🤤
الاب: حاس بيك بنتي كولي كولي😂
اكرام: طاطا و انا🥲
الام: هههه اقعدو قاع ليوم تغديكم استبرق قبل الوقت🤭🤭

شوي و يدخل محمد : مدام كنتي مريضة واقيلا🙄
استبرق: وي 😁
محمد: لي يشوفك تاكلي هكدا تقول كنتي في مجاعة ههه
استبرق: اااه محمد خويا الماكلة عندها تقول يقتلوك ذراع عليك الحمد لله خرجت اليوم 🥲🥲
استبرق...كنت ناكل و دارنا يشيخو حتى كلمني مهدي انا غير شفتو تخنقت لانو بزاف صباح و دك لالا خويا بشوي عليا شفت في اكرام بمعنا هيا نطلعو صاي و اكرام فهمت و طلعنا زعما نريح😁😁
انا طلعت و نلقاه غلق و قلت صاي تهنيت منو مي بغيت نسمع صوتو🤦🏼‍♀️استبرق نوضي غمة لالا
اكرام: شكون هدا🙄
استبرق: مهدي😁
اكرام: امممممممم صباح و دك تاني😏
استبرق: عادي مرضني هو على هكدا متحير😁
اكرام: عاودي عاودي كيفاش😯😯😯😏😏😏
استبرق: ارواحي نحكيلك..............و هكدا مرضت
اكرام: احم احم احم اصبري راكي تعيشي قصت حب ولا غالطة😍😍
استبرق: اكرام😒
و نلقا مهدي عاودلي📱